الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةالتسجيلدخول

شاطر
 

 مربعات في فن الواو

اذهب الى الأسفل 
كاتب الموضوعرسالة
شاعر جنوبي

شاعر جنوبي

عدد المساهمات : 180
تاريخ التسجيل : 24/01/2012

مربعات في فن الواو Empty
مُساهمةموضوع: مربعات في فن الواو   مربعات في فن الواو Icon_minitimeالأحد يوليو 28, 2019 5:11 pm


مربعات في فن الواو
***
أنا حـابدي قولـي بتوحيد
كمـا روحـي ذكـرَك لازَمني
سـالك طريقــك ما هنحيد
ولا غير رضـاك شئ لازِمني
....
وقوالتي حابديها بعتاب
وبطـرْح اتنّي خطـابهـــا* ثاني خطوة
وأشد صيدي علي عتاب* عتبة البناء
بالحكمـة واختم خطابها
....
للخلق إيــه اللي جبتيـه ؟
ذلّيتــي فيهـــــم عزيـزك
ورميتي يوسف.. فِجبتيه* جب عميق
نجّــاه وأصبـــــح عزيـزك
....
ياللي انتي للحلم هَدّاه* عكس البناء
غيـر .. شر منِّك.. مَنَبني
ما تخـفِّي .. عنِّي وهدَّاه* إهدئي
في خيالـي ١٠٠حلم مبني
....
حرامهــا .. لحلالها ... كنّاس
ويا دنيا ...من طولي ... قِبِّي* إنصرفي
فِ العركة احوش منَّك الناس ؟
ألقــاكِـي ... مزَّعتِـي ..... قَبِّي* فتحة الجلباب
....
إغفر لصاحبك دا كلمات
لو قالهـا ساعِـة وَسَاعــة* من الوسع
ونصيحة مني دا كلمـات* الكل ميت
والعمر .. في الدنيا ساعة
....
كان ليّا صاحب بقي بمال
ياما زرت بيته .. وجزرني
يوم لمّــا .. بيّا الزمان مال
جاب سيف ندالته وجزرني
....
النـدل يشبـــه لديـل كلب
لـو تـاب .. تتـوب الغـزيّـة
في البُعـد عنُّه راحـة قلب
والـقُــرب منُّـه ... أذيــّـــة
في البُعــد عنُّه راحـة قلب
والـقُــرب منُّــه ... أذيــّـــة
***
عبدالناصر احمد
الرجوع الى أعلى الصفحة اذهب الى الأسفل
 
مربعات في فن الواو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: