واوات وإبداعات للشاعر المتألق خالد الطاهر

عدد المساهمات : 57 تاريخ التسجيل : 17/12/2011

يومـــاتى أســـلم واصـلـى
وادعـِــى بمقــــام محمـود
عاشقَـك وعشقَـك وَاصلى
ف ارض و سمـا محـمـود

*******************

يــوم جـــانــا طــيــفــكــم فـــرحــنــا

والــلّـــهـــى ودّى نــجـــيـــلـــكــم

او تـــيـــجــــوا انــتــوا فــــرحــــنـــا

نــجــيــلـنــا يـــشــبــه نــجــيــلــكــم

..............................................

الرب خـلـــــــق الكـــون
السبـت فـيه والحـــــــــد
نفسي ف مــرة أكـــــون
من غـير غـروب أو حـد
اســــرق تملّى الضحـكة
لكنى ما احِــزن حــــــــد
==============

يا حببتى
يا حكاية للزمن
يا ضل المسافر والسكن
يا أم الشعور المفرودين
انتى الصديقة والرفيقة
والحبـيـبــة والـوطــــن

* * *
وبعلو الصوت بناديكى
واندهلك تعاليلى
وأرجـعـــلك تضميـــنى
ومـن خـوفى تغـطـيـنى
ومهـــما أنســـــى
ومهـمــا أقســـــى
عـيـونـــــــــــــــــك
شمعـتى ف ليــلي
ولو تاهـــت مواويــــلى
ولو سكـتـت مزاميـــرى
ترجعـنى حكـــــــــاويكى
وتطـربـنى غـنــــــاويكى
ويتـبـدل معـاكـى الحـــال
وأفـوق
مــن هـمّــــــى ألقـــاكـى
بتمحى قســـوة الترحــــــــــال
=================

طالــت عليا الليالــى
والصــبح اعزف نياتى
القلـب ينـــده تعالــى
حضرت ليكى شياتى

..................................

يا صــاحـبى زيـك معــارف
ولا حــد غـيـرك أراضـــــى
وأنا مهما كان لى معـــارف
زيك مـا جــابت أراضــــــى

..............................

ألفـيـن خـضّـه
عـدت عـلى قـلبى البـرئ
وإنتى اللـــى تـرقـــيـنى
من صغـــــــرى وسنيـنى

...................................

وأنا وإنتى
بين النيــــل والشـمس
حاجـيـن لمقامه العالى
بصمـت
مـن وســط كـفـوفــك
يهــرب خــوفـــــــــك
ويستـنانا هناك
ع الشـــــــــــــط
ولـما لمـــســـت
يا حبى شفايفـك
ماكنش مـا بيـنا
لا قيد ولا شـــرط

..................................

انســــى واتـناســـــــــى
الحـب يــــوم لو كـــــان
ف ليـله حــــــــــــــدوته
وصورة عـصــــــــريــة
لكنى ابــداً يــــــــــــــوم
مـا اقـــــدرش انســاكى
إن كانت يا حـبى الروح
جــــواكى مصـــــــــرية
=============

عدد المساهمات : 57 تاريخ التسجيل : 17/12/2011

محـــــــــــــــلاه
القـلب إن كان
مليـــــــــــــان
بنسيم الحــب
والحَــب 000
إن يــوم ترميه
لجـذور الأرض
يطرح أيـــــــام
برغم ما فيــها
من أحــــــزان
تلاقيها مخـتـومة
بخـتم الــــــــرب
=========

لــو أقــول الـحــب ديــن
و الـعــشــق ســنـة أنــقــتــل
لــو أقــول الـود فــرض
أو أصـــون الـفــجــر عــرض
الـشــوك فــي أرضــي يــنــشــتــل
قــلــت أقــول عــنّــي و عــنــك
و ســبــنــا مــن كــل الــبــشــر

...............................................

بتودعينى
والآلئ ع الخدود
راسمة يا سمرة ......دمعتين
بتسمعينى
ولآالوجود
راسم بأيده ..........خطوتين
خطوة ليكى وخطوة ليّـــــــا
خطوة فرقـــه
وخطوة حرقة
والبقيه لسه جايه
اسمعينى
ولو لثانية
فتشى جواكى تانى
يمكن تلاقى ليّا ذكرى
يمكن تكون صبحت سراب
لكنها زادى لبكره
قولتى عنى انى خاين
والخيانه دى مش ف طبعى
قولتى عنى انى قاسى
والقسوة دى ارخص ما عندى
قلتى فيا وعدّتى تانى
انى بايع يوم ما شارى
انى قاتل للامانى
انى بسرق حلم بكرة
والحب عندى ملهوش ذكرى
بتقولى كنت كدبة
وانتى ليا كل المعانى
مش ح اعاتبك
كا دا جايز ويمكن
كل منا له بداية
له حكاية
له حقيقة
جايز تكونى انتى الامانى
او تكونى وهمّ غالى
او تكونى انتى الحبيبة
لكن يا سمرة
كلمة اخيرةواسمعيها
من غير حواجز او سدود
يا بسمه صافيه ف العنين
ليه وانتى بتودعينى
اللآلئ ..........ع الخدود
راسمه يا حبى ...دمعتين
____________________

عدد المساهمات : 57 تاريخ التسجيل : 17/12/2011

ف عـنيكى ليـه شـــــايـله
يا حبـيـبتى دايماً شجــــن
ضحـكة عـيونـك بحـــــــر
ماليه تملّى الحـَـــــــــزن
جــوفه كــأنه تابــــــــوت
موجـــــه كــــــأنـه كـفــن
والعـيـن
بتـبكى شــكـوتـــــــــــــــك
ولاّ بتبـكى الـوطـــــــــــــن
---------------------------

وحــشـــــــــانى
بكل ما فى الكلمة
مـن معـنـى
ويوجـعـــنا
ســــــــواد اللـيـل
ف بعــــــــادنــــا
ويسـمعـنا
ســكون البحــــر
مـــن ليـله
وف نهـــــــــاره
وأحــواله
اللى عمّالة بتـتغـير
ونتصور
أنـــا وإنتى
طـلــــوع الشـمـس
عشان نرمى معاه بذرة
تـكــــــون ثـمرة
لبـكرة الجـــــاى
تحـلّى كـل أوقــــــــاته
برغـم البحـر والـمالح
يقوم طـــــــــــــــــارح
يـــــا عـشــقـى
حـبــنا بساتـيـن
وميـن يـقــــــــدر
يقــــــــــول أنــك
فى قـلـــبى تملّـى
مــش ســـاكـــنه
وحـاســـة بكل آهــــاته
وحـشـــــــــــانى
وعـلّمـتى كـمان قـلبى
ف جـــوّايـــــا
كيف يا عـمـرى
يتوحـش
عـليها تملّى دقــاتـــــه
================

عدد المساهمات : 57 تاريخ التسجيل : 17/12/2011

............................

بــحــلــم وأعــيــش الــحــلــم
واســكــن عــيــونــك يــــمّ
لــو بــيــك أنــــا مـــومـــن
كــان كــل هــمّ اتـــلـــمّ

....................................

ربـّــى أنــا حــبـّيـــت
والحـبّ لـه أحــــوال
وان مــال
فى يـوم الزمــن
وشـمّـت الـعُــــــزال
بحـب رغـم الآسـى
عـرفـك كبـيـر متـعـال
وان ســــــال
دمعى فى يــوم مـــــرة
بتـتحـلى
بنــظــــــــــــــرة عـيــن
يملاهـــــا كلام العـشـق

وأن عـدّى عـليها الليل
بتـتـقـضــى
فى حـــــــــــلـم جـمـيـل
يـزور العــيـن
راســم للصباح بسمة
وسايـب للحـيـاة مفتاح
يرتـــــــــــــــــاح
القــلــــب مــــن هــمّه
يلمّـه
فـى كلمتـيــن وخـــلاص

صـباح الفــــل يا عـمرى

صباح الحب والإحساس

...................................

يــوم جـــانــا طــيــفــكــم فـــرحــنــا

والــلّـــهـــى ودّى نــجـــيـــلـــكــم

او تـــيـــجــــوا انــتــوا فــــرحــــنـــا

نــجــيــلـنــا يـــشــبــه نــجــيــلــكــم
................................................

عدد المساهمات : 608 تاريخ التسجيل : 21/12/2011

الله على الفن الجميل

مشكوووووووووور

عدد المساهمات : 99 تاريخ التسجيل : 21/12/2011

شكرا شكرا

الله لا غيبكم

ولا حرمنا منكم

عدد المساهمات : 80 تاريخ التسجيل : 24/01/2012

عمــــــــال افهم ما فاهم
وأقــولك اسكـت تــزيــد
ع الجـرح صمتك مراهم
ولا كلمــة عـنـدك تفيـــد

عدد المساهمات : 80 تاريخ التسجيل : 24/01/2012

شـيـلنا هـمـومـنـا بمغـــالق
والفــــرح يــزعـق مفـاتـــــح
لعيــــونى افـتـح مغــــالــق
وللســـــعـد يـامــا مفـاتـــح

.....................................

شــــــوكك يـزينـه نـدانــا
لكـنــه وردك مـا جــازلى
كاسـك قـصـادنـا نـدانــــا
شـربات لغـيرى وجاز لى

عدد المساهمات : 608 تاريخ التسجيل : 21/12/2011

ولا مــره حــبك دفــاتــر

ولا منـك أبـــداً محـاسب

قــلــبى فــاتحـلك دفــاتر

دقــاتــهُ عـاوزه محاسب

عدد المساهمات : 608 تاريخ التسجيل : 21/12/2011

يــا ســمــرة كــترت شــراكــي
لا فــرش عــاد و لا زان
بــيــعــك خــيــانــة و شــراكــي
و كــدبــك خــســيــس و لا زان
،
خالد الطاهر

عدد المساهمات : 608 تاريخ التسجيل : 21/12/2011

يا صــاحـبى زيـك معــارف
ولا حــد غـيـرك أراضـــــى
وأنا مهما كان لى معـــارف
زيك مـا جــابت أراضــــــى

عدد المساهمات : 608 تاريخ التسجيل : 21/12/2011

"أيــوب" فــ بــحــرك دا صــابــر
و فــ بــطــن حــوتــك دا " يــونــس"
يــاللــي مــنــجــي اللــي صــابــر
دعــاك و ذكــرك دا يــونــس

خالد الطاهر

عدد المساهمات : 193 تاريخ التسجيل : 24/01/2012

وبحبك انا وبدارى
والحب ف قلبى معلم
وبقلبى وروحى انا شارى
مهما يكون قلبى مسلم
***
و ف عز الليل بناديكى
وغنايا وسهدى دا ليكى
اه لو تفهمنى عنيكى
الحلم اليكى يسلم
***
انا قلبى اليكى اسير
مهما يكون خط السير
يا اميرة انا ليكى امير
عاشق من غير ما اتكلم

» فن الواو للشاعر خالد حلمى الطاهر
» من فن الواو والمربعات للشاعر خالد الطاهر
» واوات للشاعر عبده الشنهوري
» واوات ومربعات للشاعر عادل صابر
» مربعات و واوات روعة للشاعر عادل صابر