للشاعر / عادل صابر
********************************************
عشنا وشفنا الوليّة تشتغل قاضي
تحكم وترسم على المليان والفاضي !!1
واللهِ يا خوانّا حاجة تجنن العاقل
هي خلاص البلد مفهاش و لا راجل ؟؟؟
**************************
أمانة يا خلق فين العقل والإحساس ؟
إزاي نسيتوا اللي عبتنا ف شنط وكياس ؟؟!!
إيش حال بقى لما تبقى ع البلد قاضي ؟؟
يبقى عليه العوض في المرجلة والناس
**************************
مبروك عليكي القضا محظوظة يا ام ساطور
صار القانون بلطتك وهراوتك الدستور !!!!
زمن العجايب يا صاحبي بيرفع النساوين
طب واحنا إيه ذنبنا غير اتولدنا دكور ؟؟؟؟؟
**************************
فوق المنصّة القضاة ستات بشعر طويل
والغمز واللمز والخصر النحيل بيميل
كان رمز للعدل واحدة عنيها معصوبة
دلوقتي واحدة بعيون سودا ورمش كحيل !!
************************
سامحيني معلش أنا آسف قوى يا مادام
أنا كل همي التقيل خوفي من الأحكام
جايز عشان منظري تديني تأبيدة
وعشان لساني الزِفر أستاهل الإعدام !!!!
موضوع: القاضي امرأة ...... شعر / عادل صابر 
الجمعة أكتوبر 07, 2011 5:06 pm