واوات الشاعر محمد أمين خربوش

عدد المساهمات : 608 تاريخ التسجيل : 21/12/2011

من واوات الشاعر محمد أمين خربوش

انا عرقى منك بينقح
والخلق بيك ودانتنا
والجرح ورمان باين قاح
والريحه بقيت دى نتنه

.........................

مالكشى دنيا ولا الدين
والغلب جانا كسحنا
حنقضى همك ولا الدين
ولا بعز نشرب كاس احنا

..............................

يا بلاد خانت نسبها
وبالذل جابت غذاها
وعاوزنا احنا نسيبها
ولامريكى معروف غزاها

..........................

لفقر جانا ضمناه
ماحسينا مره احناعشنا
والموت كبيرنا تمناه
وجسسنا رفضت نعوشنا

...............................

بتاوى كلته برده
وما زلت اكل عصيده
مين قال انى مااريت ده
والفقر فيا عاص ايدا

..........................

طلبت للموت ح ياتى
واحرس بعمرى لدمك
ولا تسوى حاجه حياتى
والعمر مرهون بايد امك

...........................

العزم فينا كسرتوه
ونايمين عربنا ما قاموا
وبالذل اشرب كاس اريتوه
ولا صنتوا للدين مقامه

............................

احسن مفينا حسدتو ه
بقى يمشى من غير باله
والامه برمت عازه توه
وعربنا م الخوف بالوا

...........................

يا برادعى اسمك لايق فيك
عكرت بلدك بغدرك
خربت بيوتنا لا يكفيك
وحتى حياءك بيغادرك

................................

جمعك يا موسى موسات
ومجرور انت بكسره
مهو انت فت المساد
وبسببك الموت بكثره

.............................

يا موس ناوى ع فتنه
وعاملى راس وعفينا
دى الخلق منك عافتنا
يارب منه عافينا

.........................

يا مصر زمنك دعكنا
عالكوره قامت قيامه
وجانا حمدين دا عكنا
ومن موسى ياما تلقوا ياما

.........................

بالسجدة احلف وبالتين
بالصف وبهود وطه
لو فيكى يا بلد بتين
ما كان حد جاها وطاها

................................

يا مصر خيرك فرغ فين
ولياليكى زادت عتامة
انا كل همى فى رغيفين
او كسرة ألهى اليتامى

......................

يا بلاد ما تعرف خالقها
واللعب فيها شهرها
والناس بتبوس خلقها
واهى حبلة باين شهرها

.........................

» من واوات الشاعر / محمد الأمين خربوش
» واوات الشاعر عبده الشنهوري ( أبو محمد )
» واوات الشاعر عبيد الله محمد خليل ( أبو عدنان )
» واوات الشاعر عبد الستار سليم
» واوات الشاعر المبدع عبده الشنهوري