الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 من فن الواو والمربعات للشاعر خالد الطاهر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: من فن الواو والمربعات للشاعر خالد الطاهر   الأربعاء سبتمبر 26, 2012 6:39 pm


يا صــاحـبى زيـك معــارف
ولا حــد غـيـرك أراضـــــى
وأنا مهما كان لى معـــارف
زيك مـا جــابت أراضــــــى
............................................
كـــان نــفـــســي أســـرق شـــويـــه

م الـعـــمـــر لــيـــا و لـيـــهـــا

قـــالـــت كـــفـــايـــه عـــلـــيـّــه

الـدنـــيـــا انـــت مــالـــيـــهـــا
.............................................

يــا غــالــي حــقــك عــلــيــا
ان بــعــدك أحــزن مــا نــمــشــي
لــكــن أوامــر عــلــيــا
الـدــنــيــا بــعــدك ح تــمــشــي

...............................






عدل سابقا من قبل شاعر جنوبي في الأربعاء سبتمبر 26, 2012 6:41 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:41 pm



ولان الضحكة بتسابق خطاوينا
وقـلبــى وقـلبــك مـركـبـــة
شايله الأماني والأمـل لينا
دايماً يا قـلبى كـون مسافـر
ذادك تملّى ضحكـتـك
ننسـى هـمـوم الليــل
وهـمـومنا تـنسانـا
يمكن يصير الحـلم
حـقـيقـة جـــــــوانا

والليل لو كــــان مــر
مصـيـره يتغـير
أهم شئ نحمل
الصبــر مهما كان
دا الصبر أفضل دوا
ع الهـم والأهــوال
ومهما يطول الليل
لازماً يروق الحال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:43 pm



ولا دقـــة قــلــبــي مــحــمــد
عــطــشــان لــمــيــة زيـــاره
سـيـدنــا و تــاجـنــا مـحـمــد
يـامــا نـفـســي مـنـه زيــاره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:47 pm



ف العشق ولوا ما عــادو
وفى عشقى تسهر تذاكر
اتوبيسها قــرّب معــــادو
ياريتنى ف ايدها تذاكــر

..............................................




غـرقت عـيونك م المطــر
جـف حـلقـى م الكــــــلام
وسرقنى خـوفى م السفر
أرجع أدوب ف الانـتظـار
واسمع وداع قلب انكسر
.................................



باتـمـنــى أخــــر مطـــافى
القـــاكـــى أول وعــاشــــر
لا شـــوقى يهـــدا بمطـافى
ولا غـيـرك اقـــدر أعـاشـر
.........................................



اسمك حروف م النور
بيكى انا مسحور
والسحر بيه طال
فيكى انا محتار
ليلك ما كان له نهار
حبك ف قلبى جنون
بيكى انا الشاعر
فيكى انا المجنون
................................


اهـى عـشـرة وصـلـت تـلاتـة
سـمـعــــت فـيـهـــــا كـلامـك
فـرحـــــــان قـلـيـبـى بـآهـاتـه
وزايــده سـعــادتـه بـمـلامــك
،..................................




لســــاك تعـلم ف الــولاد
معـنى العـناد
ومعــايا تهـوى كل شــئ
فيـــه استحـالة
رحــــاله فـيه ضـحـكتــك
رحـــــــــــاله

................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:48 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:50 pm




إهانـــــــة فيــنا وسكّين
تجـــرح ف سيدنا ونبـينا
دول حـق عرفوا وسكين
والنــــدل لازماً اهيــــنا

....................................



ف حـصـونـك أبنى وعَـلىِ
واهتـف معـــايا وقـــــــول
ملعـــــون وكــــافر تملّـى
ياللى شتـمت الرســـول

.......................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:52 pm




قصيدة أخــــــر كــــــــــلام

ولمــا تيجى تنزعى
منــــــــــــى الوريـد
أمــــــــانة تستــنى
عاشـقــــــك ولكنى
معرفـش أيه صابك
يــــــا مقـفلة بـابـك
ومفتحه شـبــابـيـك
للهـــــــم والفرقـــة
من قسـوة الحرقــة
واقـف على عتابــك
مستـنى انا عتابــك
يـا بايعه حـلمــــك
للســــراب
يا حروف وهــاربة
م الكتاب
واتبعـترت
مـن غـير خـــزى
قـلبى اللى كــــان
ناصــــب حــــداد
فيـــكى خـــــلاص
قبل العــزى
.....................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:54 pm



يام الشعور الطـويلـة
سوده بلون الليـالـى
نومى ساعاته قليلة
وانادى طيفك تعالى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:55 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 6:56 pm


شهادتى ليـكى بخــاتمين
ان جسمى عالل يروق لك
انـا جيت ف يدّى بخاتــمين
خُـدى منهم الـى يروق لك
* * *
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 7:01 pm



كفـار وقـالــــوا بلانــا
اللى دا اصـله سـفـينة
يا نـوح وفــارق بلانـا
غـرقوا ونِجْيِتْ سفينة

..................................




بلاهـــــــا كلمـة مصــالـح
وجــامل بجمـلة جـمــــايل
واياك من صاحب مصالح
ح تلاقـى فـرعه جـمايـــل

...................................



بــحــلــم وأعــيــش الــحــلــم
واســكــن عــيــونــك يــــمّ
لــو بــيــك أنــــا مـــومـــن
كــان كــل هــمّ اتـــلـــمّ
,.................................




كبرك مصاحب لعندك
خد حلمك انت وحاشه
انا اللي جايلك لعندك
شبعت منك وحاشه
........................



تقــولى اركــب مراكــب
يكفـانى بعـت الخـــلايـق
لو ليا تبعـت مـراكــــــب
ما يسوى زهج الخلايـق

....................................

يالى انت قاعده بعيد
كانك اميرة جـــــوارى
بقولها ليـــكى وبعيد
قلبى مـا عاوز جوارى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 7:02 pm



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 7:04 pm



دنـــيــا عــلــيــنــا مــالــيــهــا
وانــت اللى حــاضــر ف غــيــبــة
عــالــيــهــا ان يــاجــي واطــيــهــا
جــوانــا قــاعــد بــهــيــبــة

...................................



كــم مــرة لــيــا تــحُــقــي
و عــلــيــا حــقــك ع اقــلــه
طــب قــوــلــي قــولـــه ف حـــقــي
جــبــر الــخــواطــر عــلــى الله

..................................


........................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 7:08 pm



والصباح طالل يا سمرة
بعيون عليا دبلانيين
يشتكى فيا الجراح
واشتكى فيه السنين
ورغم ما بينا من اسوار
عنك ما فيه شئ يمنعنى
ومهما فى ليلنا يغنى منير
" وانت بعيد ...
مين يسمعنى ؟! "

...............................



لو تزعــــل منــى تجـيـنى

عــاتــب واغـضـب وثــور

لكن يـــا حـــبى راعيـنـى

واقـــرا ما بيـن السطـــور
..............................



يــا دنــيــا عــارف قــولاتــك
ح تــقــولــي فــقــري تــمــلّــي
عــطــيــاكــي لــيّــا ولاتــك
اكــتــب وانــتــي تــمــلّـــي

.....................................



عــدت لــيــالــي و رحــلــيــن
جــات شــدة عــاوزه ســبــوعــة
ف بــكــرة نــبــدى و راحــلــيــن
أوّل يــومــيــنــا وســبــوعــة
.................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 7:12 pm



زمـــن الموبايل دا ســـوى
العـــالـــى ويـّـــا الهـفـيـــا
عَــــــدَّل طـريقـنا و لـــوَّى
ويعـيـب وعـيـبه دا فـيـَّـــا

......................................
عـليــــكم بــدوّر مــا لاقى
شتـتوا قـلبــــى ف مفارق
مشـــيناها يامــــا مـــلاقى
ومصير اللى يلقى مفارق

...................................





كان نفسى أقــول ســلامات
يا دنيـــــــــا ماشـية بعدلها
فرَّقـتى كــــــــام لمــــــــات
تقـلب وربـــــك عـدلهـــــــا

..................................

أنا عــاوز أدى ممــالك
والأيــد قـصيــرة تمـلّى
ضاقت ووسعـت ممالك
والصبــر أقولك تمــلّى
.......................................


.......................................




الشــــوفة فـيـك بعـيدين
هجـرى و تـانى ميـلادى
لكن نصـيــب بعــيـديـن
ياللى في قــربك ميلادى

...................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: من فن الواو والمربعات للشاعر خالد الطاهر   الأربعاء سبتمبر 26, 2012 7:20 pm

خـــانـت أيـــامك مــا صــانت
وفيـــك اللى كلتـــوا ما تــامر
ف الشـــــدة ترخى وصــانت
وعلى " دودى" تقلب وتامر

................................



وهــــربت منـك ليك
أشــــكى إليـك هـمى
ورجعـــت احـن إليك
والــــدم مش دمـــى
الدم كان خاين
واللـون غريب عنى
نسيوا الجـراح كلها
وعندى انا مانسوش
دا الأصل كان خــاين
والحلم كان مغشوش
...............................



لـصــبـــح نــايــمــه فــى حــجــرى

وتــقــولــى دلــوك مــعــــادى

إن ارض لــيــكى راح اجــري

وان بــحـــر لــيــكــى مــعــــادى

.............................................

يوم جانا طيفك فرحنا
والله ودى نجــيلك
او تيجى تقعد فـرحنا
نجيلنا يشبه نـجيلك

..................................




قــايــدة نــيــرانــك وحــيــة -

وحــاضــنــها قــلــبــي و حــاوي-

الـبــعــد عــقــرب و حــيــة -

ورفــاعــي قــربــك و حــاوي

.........................................


قالــوا البنون ولا مـــــال
وميـــــن بـلاهـــم بـيحـيى
زكــــريـا يدعـى ولا مـال
بشــارته كانـت "بـيحيـى"

...........................................





..................



الشـــعـر لابيـض غـزلنى
ف العشـــق خسـر قضايا
ياما فـــردنى وغــزلــنـى
خـــلانى اعـشـق قضــايا
.......................................

اهــــــو جـنى منـك ولـى
ولصـبـحــى ليـلك يعـــزم
ملبـوس عــاوزلى ولــى
عليـــه يقــــــرا يعـــــزم

..........................................




ف عمـــلك أحســن وجـوًّد
ربــــــــك نظــرلـــك بعـيـن
رتـــل آيــــــاته وجــــــــوَّد
ف الآخـــرة تكـسب بعيــن

......................................

كــم مــرة ليــا تـحُـقــى
وعـلـيــا حـقـك ع اقـلــه
طــب قــولـى قـولـه ف حـقــى
جـبـر الخـواطـر عــلــى اللّــه

...........................................

بيت العرايب دا أحـــــــــلام
فيه ناس دى نسيت كلامها
لا حـــد رجَّــــع وليــــه لام
ولا نــاقـصـــة تبغى كمالها

..........................................
وبحبك انا وبدارى
والحب ف قلبى معلم
وبقلبى وروحى انا شارى
مهما يكون قلبى مسلم
***
و ف عز الليل بناديكى
وغنايا وسهدى دا ليكى
اه لو تفهمنى عنيكى
الحلم اليكى يسلم
***
انا قلبى اليكى اسير
مهما يكون خط السير
يا اميرة انا ليكى امير
عاشق من غير ما اتكلم

......................................




"أيــوب" ف بــحــرك دا صــابــر
و ف بــطــن حــوتــك دا" يــونــس"
يــاللــي مــنــجــي اللــي صــابــر
دعــاك و ذكــرك دا يــونــس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من فن الواو والمربعات للشاعر خالد الطاهر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: