الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 مربعات و واوات روعة للشاعر عادل صابر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: مربعات و واوات روعة للشاعر عادل صابر   الثلاثاء سبتمبر 25, 2012 8:46 pm



مربعات و واوات الشاعر عادل صابر
رائعة
....................

لمَا فَجّ نـــور النبى عبّـيت لقلـبى بِــراق...........(بريق)

من يومها عايش ما خايف من رعود وبراق............(بروق)

كيف ابكى وقت المحن ولاّ يسيل دمعاى

وانا معاى اللى أســرَى للإلـــــه ببــراق
.................................................
غـــيــــره ما نهـوَى ولا نروُم

أحمـد قائـــدنـا ونبـــيـــنـــا

نصـرُه على الفرس والــروم

وفـتــح له فـتحـاً مبـــينـــــا
...............................................

من أصـل طــيِّب وقُــرشى

مـن مــكة مــدِّت جــــدورُه

طول عمره أُمّى ما قرا- شىّ

وهــدَى الخـلايـــق بنـــورُه

.......................................

صــلّوا معـاى ع التُهـامى

صاحب الرسالة الشريفة

طــه البـرىء م التُـهـامى

أصل العـرُوض النضيفـــة
...............................................

وجهه يا ميــن ورَّهونى!!

فى رقبتى احفظ جماله.....( جميله)

المِلك ابيع والـــرهونى

وانضُـر حبيبى وجماله.............( صلى الله عليه وسلم)

........................................

ياما نفسى فى النوم اشوفه

وارحـــل معـــاه للمدينــــة

دا النبـــع سـال من كفوفـه .

و الجــــزع حَـــن لنـبـيـنــا .............( اللهم اوعدنا بزيارة الحبيب)

.............................................

والمدح فيه مش وجاهة

ياما قَبْلى قالوا ما كفّــوا

سمع الغـزالــة وجـــاها

والحَـصْو سبَّح فى كفُّـه
...............................................

انا باذكر اللى جــاب الصـدّيق منجابُه...........(من جبُّه)

غــرَّق ولَــد نوح يوم الطــوفان منجابُه...........( ما نجّاه ابوه)

ع القـــدرة قــــادر ولمــا اراد يـنجّــينا

أرسل نبينا اللى فــاح المسك منجابُه ..........( من جيبه)

............................................................
ياعبد أُصبر دا كـــل اللى حصَـــل م الله

واجب على الناس ما تبقى بالبـــلا مـلاَّه

والصبر ع البـــلوَى لا بُــد بإيمــان ورضــا

كَتَب كلامُه القـضــا لمّــا القَــدَر مــلاَّه

.........................................................


اللُئَما قِـرْطيِن دوام مقلوبـة دِكّــتهُم ........(كنبتهم)

رافعين ديول التيـاب بيــورّوُا دِكّــتهم ........(دكة سراويلهم)

وقت الشدايــد بتلقــاهم يجيبـوا وَرَا

م الظــلم والاّفـــتُرا ليّــام دَكّــــتهم..........(داست عليهم)

..........................................................


حــنَك الــرديّة هبَشنــا...........( عضّنا بقوة )

كمــا كلب واعــر بعـــوَّة..........(له عواء)

شفناها خُـفنا وكمشنـا..........(اختبأنا وتوارينا خوفاً)

خوف العـــيال م البعــوَّة!!...(كلمة هلامية لتخويف الاطفال فى الريف)

.................................................

النــدل خـاين كما الديـب

فى الحق يعمل ما سامع

ماسكله سبحة بخباخيب

وعمـرُه ما دخل له جامـع !!

................................

إصحَى - الـرديـــّة تــعلّيــك

ياجى ريحها معدول وعاطى

بعديـها م العالى تـرميـــــك

وتصـير فى الخلــــق واطى

.......................................

يا وعدى لمـَا رمشُه سَبلُه

لــو صقر فى الجـــو صـادُه

كيـف قمح قايم بسبـــلُـه.......(بسنابله)

مســتنّى موسم حـصـادُه

......................................

ابن الغازية ركِـب فوق الحـــيطان وتعــال...........(واتعلا )

وعكيسة ليّام بتكـوى فى الأصيل وتعـال...........(وتعِل)

وان حَب يعـلى فى يـوم ويشّب من قـدّام

تقول لـه إنزل قـــوام عند القــدَم وتعـال !!

..............................................

يغـور قليـــل الحيـا ولا كنا يوم نرجــــاه...............(ننتظره)

يدرِس فى عرض الولايا ما وقف نورجــاه..............(نورجه)

من دون بيوت البلد بيت الهَفي مخروب

تابت جميع القلوب ولا قلبه يوم نور جــاه.............( نور جاءه)

........................................................

عاشق ترابِك أنا وكل الخـلايق شَـهْـد..........(شاهدة)

دمّى فداكى وقلبى للمهيمِن شهْـد..........(نطق بالشهادتين)

مهما غوونى ما افرِّط فيـكى ولا اغشِّك

وافطُر بمشِّك ومن غيرك يغوُر الشهْد.........(العسل)

..................................................

توب الأصيل اتمزَع فـوق الكتــاف وانـــدار...........(صار مقلوباً)

والريح معاكس ما تعرف فى الدروب واندار ..........( وين دار؟؟)

والحُر محتــار ومش عارف لتوبُــه عَـــدَل

والهِلف بخـــتُه اتعَـــدَل لمّا الزمان انــدار..........( انعكس واختلف)

......................................................

قصْدوا الأعادى يضرُّوه

والـنـار ليهـا زبايــــــن

أنجاس والحق يـداروه

ولو انــه ظـاهر وبـاين!!

..........................................

من كتر لاهوال معارفشى الألِف م الشين

واتكف نضَرى ما فرَّقشى المليح م الشيـن

ولا عـادشى فيه فــرق بين الأصل والصورة

دنيـــا غَـــرورة تـبـيِّن للأصيـــل وشيــــن

...........................................................

عـــدّيت عشانـــه تُـــرع وعبـــرت لجله قـنـيِـِه...........( قنوات)

ومشيت على قدمى حافى من سوهاج لقـَنـيه.........(قنا)

نكَــر الــربـــايــــة وشــتّــمنى قليـــل الأصــل

واللى قنَى البغل ما يرفـُـس غيــر اللى قَـنـيــه........( قانيه ومربّيه)

....................................................................

صَنـْف الطحين يتعرف ويبــان مـن ردُّه

وان كان سؤالك قبـيح حيـبـان من ردُّه

كُـل البلايـا لابــُد يكــــون لها أسبــاب

واللى فتَح باب خراب..واجب عليه ردُّه
....................................................

ليك ساعة يا بو جهل وهْجات

حـدّدهـــا عـالِــــم السـرايـــر

نــار قايـدة والجــمر وهــجـات

والــقـبر مفهــوش سـرايـــــر!!

...............................................

ان سَرْسب الرَي يـبـقى العيب فى البطّال...........(الدرباس )

واللى يلوف ع النَجَس عمـرُه ما كـــان بطّال...........(بطَل)

وان تقطـع السُنطـة تكبـر من جديـد وتجِّـت..........(تنبت من جديد)

وان مالـت الـبـت حيكـــون الأســاس بطّـال..........(سيء السمعة)

.....................................................
كتـــروا الهفايــــا ولبـــسوا فى الرقــاب سِلسـال.........(سلاسل)

والهلــس زاد فـــى البلــــد وطفَـــح كما سِلسال.......(سيل سال)

إبعــــد عـــن الــــدون ولا تخـــطِّى لبيتـــه عتَـب

وان كنت غـــاوى النسَب دوِّر عـــلى السِلســال.........(الأصل)

..................................................................

اللى نـوَى ع النــوى ليه ع النـوى نـوى ليه

أصل النـــوى كالنوا قلب النـوا نـــوى ليِـــه

ع النفس عَـز النــوى والعيــن جفاها النــوم

صرنا كما الــدوم وقلبنا فى الحشا نوا ليِــه

...........................................................
ضيّعت يانـدل 100سبْت

ولامـــرة همّــك مـعادى

عسّيت عليّا لمَا اتسبْت

ما خلاص مشَت المعادى!!

........................................

ياما للخيـــانـــــة أمـــارات

فى القلب تكـوى كجــمرة

القــــرد راح الإمــــــــارات

والـجحش فاكرُه فى عُمرة!!


............................................

واجب على العبد يسعى

وان قَــل عيــشُه يهــاجر

ربـك يعيــن اللى يسعى

شَـــق الحجـارة لهـــاجر

..................................

شِـبْت وسنــيـنى فاتـــتـــنى

والـــدهـــر خــايـــن كـــــوَانى

يامـــا نفسى أرجــع فاتــتـنى.....( فتى تانى)

وابـــقى فـــتّــــوة زمــــــــانى

.............................................

ربـّـك حاكِمـــــنا وبقـــانـــــــون

والــزول بــجـــهلـُه ما عــــــارف

واتــــشّــــل ألِـــفُه وبــقَى نون

والفـــهم لاهـــــل المعــــارف!!
......................................

أيـــام ما بـيـنّا دواليــك

واللى يصيبنى يصيبك

يا شارب الصبر دوا ليك

بكــرة حتــاخد نصيبك

.................................


لمــَا شُفنــــا وجْــه الحبايب بوسنـا وجْـنـــَاهم

طــــارحين كشجـــر الوفـــا والنـــدل ما جَـناهم

وقـــت الشــدايـد بــنـــرمى الحِـــمْل عنـديهم

مـن شوقــــنا ليـهم تركنـــا الكـل وجــيـنــاهم

.....................................................

يا لابس الـدنـيـا عــريـــان!!

حتعيش حياتك فى توهـة

غـرِّت مـوالى وأعـيـــــــان

راحوا فى غفلة وفاتـوهــا

...................................

من جُرن قمح الـردِي قدَحـك تعــبّرهوش

وان حَب يُعبُـر عـلى قنايتك تعــبّرهــوش

لا ترافقُـه فى طريق ولا تدخل لبيته عتَـب

وان كان حديتُـه دهـب صافى تعبّرهـوش

........................................................

إخخخص على الدنيـا وتغـوُر

مين اللى فى قصورها دايم

تضحـك على النـاس وتـــغرّ

ويـصـدقــــوها البـــهـــايم!!

..........................................

رِخِص المأصّل وهافت زرعتـــه .. طب ليــــه ؟!

ابو كـــف جيّد ومـــادد ع الطريــــق طباليـــه...........(جمع طبلية)

ليـه يا زمان يتمـلِي هم الأصيل فى الشِـنـف...(حاوية كبيرة من الحبال)

ومسيِّب الهلف يضـــرب فى البلـــد طبليـــه...........( طبوله)

......................................................


يجازيك بفعلك يابلبـاط

سوّدت ليلى ونهــارى

تقابلنى تاخدنى بالباط

والقلب فيه سم هارى!!

.................................
حـام المـقدَّر وزار- بـين.........(بُعد وفراق)

ولا شُفْـت منهم رفاقـة.........( رفق وشفقة)

حيطة همومى بزربيـن.....( مثنى زرُب وهو حاجز من سعف النخل)

واهرب منين يا رفاقـــة!!.......( يا رفقاء)

..................................................

الدنيــــا فانيـــة وليـــها فى البشـر علامـات

واللى هواهــا اتكـــوى منــها ولو عــلا- مات

لـما تــــولِّى لا تــتـــرك قـــطــب ولا عـاصى

أبـو جهل خطفُـه الردَى وبرضه الإمام علامات..........(على مات)

....................................................

الحُــر قلبــه تعِـــلّـيـه

وتسكّـنـيـه المــواطِى

والنــــدل دايماً تعـَلّيـه

ولو انه واطى ابن واطى

......................................

فى زمانّا دا يريسها ربك

وه ياالبــنـتَّــة الفـــواتى

تنصحها تمسك فى قبّك

لو حتى ابــوك الزنــاتى !!
......................................


طول عمرى ما كنت محقـوق

ع العرض دايمــاً محافـــــظ

ومادام ماعــوزش لمخلـوق

راسى بـــراس المحـــافظ!!
................................................

الــنـدل هايـص يا بـخـتُــه

فى الهلس بعزق فلوسه

الـصبـر طيِّــب يابـو اخـتُـه

بكرة الـليالى تــدوســـه!!
....................................

البخـل مايزيدش المـال

والجود ما يقِل جاهــــك

دا طبْع فى الناس قتّال

إوعى يحـوِّد تجاهــــك
...................................

أنا قلت تـداوينى إبكام ؟؟

وطبيبى سامع ما ناطق

ياك انت يا طبيبى إبكام !! ............... ( أبكم )

قال جـرح ما له منـاطق !!!....................( جرح الحب)

...........................................

تعالوا شوفوا اللى صار فى الدنيا وحواصل

كنا كما الطيــر نعـبّى الخيـر فى حـواصل

الحـــق صابُـــه الكَــبَر ولاّ زمــانــّا ضريــر

من بعد فرْش الحرير حبسونا فى حواصل

...............................................................


الدهــر يــــا حُـــر بـــكّـاك

حتى لجمـايلك ما حافـض

فاضى من القرش بُــكّاك ....
والهـلـف شايل محافـض!!

.........................................


من صغرى عطّار وشايل ع الكتاف خُرجيّن

سارح بحِـنّة وفكوك والجــاولى وبخورجين........(بخور جن)

بااوصف طريق للغريق اللى عِشم فى البر

واللى زرع شر عاش عمــره ما يوم خرجين........(خير جنَى)

................................................................


زمنى رمـــانى وجـات الرمية ع الخـالى

على العويـل اللى كنت أقول له يا خالى

الله يجازى الظروف حـوجـتنى للعـــايب

والقلب خايب وكَـب السمــن ع الخالى.............( الخَل)

............................................

سلاّع رموشك لـسعنى

دقدقنى تحـت الخـلايق

والرمش بدلالُـه ساعنى

دبَّـح ما خـلاَّ خـــلايــــق

...................................


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: مربعات و واوات روعة للشاعر عادل صابر   الثلاثاء سبتمبر 25, 2012 8:54 pm

حبــــل الــوداد اتـقــطع صـــار البعـاد بُعــدين

وانـده اقـــول ياولَـد.. يـفـنــس يقــول بعــدين

شـوف تاجـر الــوِد عمــــرُه مااتكـــرَى ولا بـاع

دلـوقتى بارت بضاعتـــه وللخـسيس باع دين

.........................................................

ع الخد متـربِّع الخـــال

والفكر منى جــا- رايـح

اوعى تلوِّم ياابو الخــال

فى العشق ياما جرايح

.................................

نار الخشب تشعل وأطفيها

نار الضنا كيف العمل فيهـــا

نار الخشب تشعل من الكُوّة

نار الضنا فى القلب من جوّه

...........................................

أُمى وابويــا شموس فى الضلمة أراضيـهم...........( أرى ضيّهم)

قلبى كعــود الوفـــا مزروع فى أراضيــــهم

هُـمّا الفِــراش والغطا ..هُمّـا الدفـــا والنـور

لو حتى سكنـــوا القبـــور واجــب أراضيهم

........................................................

يامــــا خـــلايق غواهــــا ابليــس وذنوبهــــا..........( زَن بيها)

كيــف العقـــارب وشايلـة السم فى ذنوبهـــا..........( أذنابها)

بكـــرة يجيك يــوم ما تعتــَـر فيـــه على أهلك

والخـــلق تهــلك وتـبـــقى اوزارهـا وذنوبهـــا

.....................................................

يا بهيـــه منّك أنــا وســمـــاري من طينــــــك

ولا طُلْت حتى البصـــل والهِــــلف كَــل تينــك

أنا اللي من قوت عيالي اشتريتـــلك شــــــال

أدهم أنا في المحـــــبة وف الهـوى ياسينــك

......................................................

مراكـــب الــود عـــدّوا النـاس ماعدّونى

ع البَـــر واقف بقــالى سنين ماعــدّونى

دنيــــا رديــــّة ماخـلَّـت للحبـــايب وصْل

من قِــلـّّة الأصــل بـتـصفِّى مع الــدّونى

.............................................................

كنـــا فى زمان الصبـــا لينا غُنـــا معقــول...........(مع قول)

وكنـــا فى الجلســة نتكلم كـلام معقــول

وانا كنـت كيف الحمام عاشق وكلى أمــل

دلوقتى زى الجمـل واقــف لكـن معقـــول!!.............( مقيَّد بالحبال)

............................................................

بــت اليوميـن دول ما عارف ضهــرها مناويش.. ( من وش )

ساعة بتلبس عِبي وساعة بقميص مناويش

فعْـــل البـنــتَّــة صبح حـاجــة تغيـــظ الحُـر

وحتشرب المُــر ياللى ع الحـــلال منـاويـش

.........................................................

لـــو يـــضربــــك كَـفْ.. ردِّه للـردى سبعيــن

وامشى مع الحُر لو بَـــدل السبوع سبـعيـن

ارفـــع جبـيـنـك وخلّــيك فى البــرارى صقــر

ولا تخشى من فقر لو ليك الزمان ساب عين

.........................................................

يمـوت النايـاتى ويفضل نـوحُـه بنايـاتـه

واللى بنَـى بيـوت لا بــُد يفــوت بناياتـه

الوقـت جبــار وف خيـام الغلابــة يبــات

وابـو البنـات يخطفُـه ويـفوت بـنــيــّاتُـه!!

...........................................

ليه الحمام ع الحيطان ناح
وهجر قـــدوسه وبراجـــه
مين اللى جاله وقال حاح
كان نفسه ياخد مهاجـه !!

..................................................

شجر وصابُـــــه العطََـــن لا بد من قـيــــدُه

وكلب يغوى الرِمَــم ملهوش غير قــيـــــدُه

الدنيـا هى كـــدة فانيــــة وحـــالها عجَــب

فيها اللى إسمه اتكتب واللى سقََـط قيـدُه!!
......................................


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: مربعات و واوات روعة للشاعر عادل صابر   الثلاثاء سبتمبر 25, 2012 8:56 pm




( ماتخافوش) مهداه الى اطفال سوريا

*******************
لو فى يو الظلم غيَّم ع الحقيقة
ماتخافوش
لو تمادى الغدر لقلوبكو البريئة
ماتحزنوش
رغم طلقات البارود
رغم هجمات القرود
رغم ليل ملهوش حدود
النهار لازم يعود
***
ماتقولوش ان الكلاب
يوم حتقضى ع الأسود
مهما كان فى الكون ضباب
مش حتدبل الورود
مستحيل زعْق الغراب
يخنق الصوت فى الرباب
ماتخافوش بكرة سماكم
تبقى خالية م السحاب
بكرة فجر الحب يرجع
يفرش الدار والغيطان
بكرة شمس الحق تطلع
تنشر النور والأمان
بكرة كل الناس حتسمع
فى حلَب صوت الأدان

عادل صابر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: مربعات و واوات روعة للشاعر عادل صابر   الثلاثاء سبتمبر 25, 2012 8:57 pm



حضن سهراية
*********
الشمس فى بطن السما بتموت
ملِّت خطاوى العمر والمسافات
جوفها انجرح من ضربة النبوت
والدم سايل غرَّق الطرقات
ع السكة مرمى حلمنا الوردى
مدبوح بيرقص من طلوع الروح
ماعدتشى شمس الحب بتعدى
وتداوى فينا حلمنا المدبوح
كان ليه تموت ياحلم وانت شباب؟!
وتفوت مرار الهجر جوّانا
كان ليه تموت ويشيعوك اغراب
تكبر عيدان الحزن ف غنانا
ونطاطى لما يهزّنا الطيّاب
وندوس غيطان الهم بخطانا
مستنيين يافجر لحظة ضىّ
ترحع تنوِّر عتمة التوابيت
تفرح عيالنا ويلعبوا فى الحى
تبهت حجاوى الغولة والعفاريت
ننسى الآهات ونعيش فى يومنا الجىّ
نمسح دموع القهر والعواديد
ياجى النهاى يهدم جدار الخوف
نبدر تقاوى الحلم فى الحِرجان
نرقد ووشنا للسما مكشوف
ننسج خيوط الفْرح للأنسان
حالفين ياشمس لنكْسِر النبوت
ولايوم حنرفع للضلام راية
نرجع نغنّى تحت شجر التوت
ونعود ونحكى ف حضن سهراية
بكرة حتسمعوا لحن موالى
بلسم يطيِّب لوعة المجاريح
بكرة حيطرح نخلنا العالى
لا يطاطى يوم ولا ينحنى للريح


...............................
عادل صابر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الخميس سبتمبر 27, 2012 5:44 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الخميس سبتمبر 27, 2012 8:54 pm

ليلهم نهارهم فى سيرة الخلْق ع القناطيــر

فى القلب نارهم وشايلين م الحسَد قناطيـر

الـوِدْن صابــها الطََـرَش والعيــن أتــاها عَــمَا

لاشافوا بدر السما ولاعشقوا ع القنا -طيـــر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الجمعة سبتمبر 28, 2012 9:36 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الإثنين أكتوبر 01, 2012 6:27 pm

يجازيك يا بخيل ماعارف الحلوة م الشّوُنــــة....(الشينة والسيئة)

ليك كف ناشِف يجيب القـرش م الشّوُنــــة.......( شونة التبن)

من فــعْل لاندال قلبنا فى الضــلوع اتشَـق

لمَا بُــحْنا بالحق ع الباطلين – مَشّــــونــا........(طردونا من البلد)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الإثنين أكتوبر 01, 2012 6:29 pm

ليلهم نهارهم فى سيرة الخلْق ع القناطيــر

فى القلب نارهم وشايلين م الحسَد قناطيـر

الـوِدْن صابــها الطََـرَش والعيــن أتــاها عَــمَى

لاشافوا بدر السما ولاعشقوا ع القنا - طيـــر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: مربعات و واوات روعة للشاعر عادل صابر   الثلاثاء أكتوبر 02, 2012 9:25 pm

من ســــوء فِــعال الــــردِي بلدين تــتــفتـلُــه.......( تتفات له)

أقطع فى حبــــل الجفـــا – ينــوى على فتـلُه

إبـنى مابينــك وبيـن اللى افتــــرى 100 سـوُر

وارقُـــد فى بـــرد البحــور ولا تتــدراش فتـلُــه......( فى أتلُه)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: مربعات و واوات روعة للشاعر عادل صابر   الثلاثاء أكتوبر 02, 2012 9:26 pm

أنا ريت عمود زان لابس فستان على كَدُّه

الحِجْل فى الرِجْل مظبوط ظبْط على كَدُّه

رُمّــان على الصـــدر دا ولاّ عجين خمران

وانا قلبى غلبان يادوب عايش على كَـدُّه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الخميس أكتوبر 04, 2012 9:27 am

لو تــندهى فى البــلا فى الحال اناجيلِك

ماانا أصلِى سهران وطول اللــيل اناجيلِك

باغــزِل فى شالِك واحنِّــن بــزِّة القمـرة

عاشقِك ياسمـــرة بقرآنــــك واناجيــلك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الجمعة أكتوبر 05, 2012 7:17 am

شوف تاجر الصبر قلبه ع الـــوداد دُكَّــان......(مدكِّن ومخبأ فى قلبه)

حافـظ جميلهم ويتحسَّـر على وِدْكَــان.......(وِد كان ومضى )

طـوَّل فراقـهم وقـلبــُه المبتـلى لم راق

من جَمْر لاشــواق فاتــح للهوى دُكّــان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: مربعات و واوات روعة للشاعر عادل صابر   الجمعة أكتوبر 05, 2012 7:02 pm

الحُــر خـنقـاه بــشـالهــا

ورغيـــفها يامـا مشـا-لُــه

تقـلانة على ضهره شالها

ولا خَـدْش أجــرة مشالـه!!

...................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: مربعات و واوات روعة للشاعر عادل صابر   الإثنين أكتوبر 08, 2012 10:30 pm

جرح الحب
للشاعر الكبير
عادل صابر
أمير فن الواو

************
رابطة الضفاير بحردة
ام الرموش الكواحل
وعنيها كيف البحَر ده
والجفن يفنى مكاحل
***
سلاع رموشك لسعنى
دقدقنى تحت الخلايق...........(الهدوم أو الملابس )
والجفن بدلاله ساعنى
دبَّح ماخــــلا خلايق
****
ودبحنى رمشك وراقْدَام.............(ورا قدّام)
والجسم منى عطايب..............(عطب)
وصفولى حتى ورقدام .........(ورق دوم)
والجرح مكران ماطايب
***
انا قلت دا البعد اكرام...............( أكرم)
مالى ومال الشبايك...............( الوقايع)
واول ماضحكتلى اكرام
وقع القليب فى الشبايك...........(الشبك)
***
وعشقت ياما ووديت
وقليبى شايل قناطر.................(قناطير)
وايش خدت م العشق واديت
غير لطعتى ع القناطر!!
***
والعقل م الصد دربى...........(دار بى )
طلَّع فى جسمى ترايب......(جمع ترباية وهى اثار الوجع)
وصحنت بقدامى دربى
خليت حصاها ترايب
***
وألاقى فين للى جرى حل
سهران فى ليلى مانامشى
وألم شوقى واجى ارحل
القلب يحلف مانمشى .
***
وباسف صبرى ماربوش
م الحب عمره جا- راحة!!
خضرا جروحى ماربوش.......(لم يربوا صديدا بعد)
محتاج أشعة وجراحة
***
يا طبيب م الحب عيّان
ووحيِّد امى وحيلة
والجرح جوايا عيان........(عيّن)
قاللى ما باليد حيلة
***
انا قلت تداوينى إبكام
وطبيبى سامع ماناطق
ياك انت يا طبيبى ابكام!! ...... ( أبكم )
قال جرح ماله مناطق!!
***
دنَقَر وقال لى اباَّ ـ جينى .........( ابقى تجينى)
فى تمن علاجك ماشارط
حضر مشارطه وبجينى...............(وبجّنى)
قام جرحى بلع المشارط
***
قاللى علاجك دا ف اسيوط
فى الطب علما اكابر
والجرح يضرب كما سيوط............(سياط)
ماقدرت اعاند واكابر
***
ف اسيوط الجرح كشفوه
واحتاروا فيه الطبابا
رطنو بلغاهم وكشفوه.........(كشوا ـ فيه)
قالوا دا مغرم صبابا!!

***
عقدولى جلسة وكانسلت..........(كانسلتو)
والفكر واخد وجايب
قالوا دا لو تور كانسلت ...........(كان سِلى)
واللهِ شى م العجايب!!

***
قالوا دنيا والله دامتشى...........(مدامتشى)
خبطوا بكفوفهم وقلبوا
طب كيف لسة دا ـ ماتشى
والجرح نافد لقلبه!!

***

بلا زاد عايش وبلُا ما.....................(بلا ماء)
والحب سلسال عيايا
ياك الاطبة دى بُلما!!..................(مبلمين)
ماعرفوا مرة دوايا!!

***
مايعرف الراحة مقهور
ولا يرقد الليل جايع
ولا قال على الطب معذور
الا اللى عرف الوجايع!!

***

قالولى روح قصر عينى
طُببا وربك حداهم...............(رعاهم)
انا قلت صبرك يا عينى
يمكن دوايا حداهم

***
وطلعت فى الحال ع القصر
مجاريح حجزوا السراير
والعمر لا طول ولا قَصْر
والرب عالم السراير

***
انا قلت لوينفع الطُب
لادبح دبيحة ونادر..................(وندر)
قالولى مرضك هو الحب
مرضك ياعيان دا نادر!!

***
تعبت قدامى من اللف
رحت لطبيب انجليزى
قال يابنى مرضك هو ال love
and it isnt easy

****
قاللى مليكش دوا حداى
والحب هو طبيبك
Im sure my boy you "ll die
اذا لم يهاود حبيبك

****
من غلبى انا جبت رماّل
فاهم فى رمله وعلومه
ورميت بياضى وراح مال
فى جروحى تاهت نجومه

***
وقرالى بختى فى فنجان
نزلت دموعه مقادر.............(مقادير)
قال يابنى مرضك دا فنجان.....(فن جان)
واللهِ يابنى ما قادر

***
وحكيت حكايتى لدرويش
فى الحب واخد طريقة
وقرا فى وِرده ودارويش......(دار وش)
مالقيش لحبى طريقة

***
لا وزن فى الحب ولا قيس......(ولا قياس)
فى القلب شوقنا ماسايل
لاتقوللى ليلى ولا قيس
حكايتنا مالها مثايل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مربعات و واوات روعة للشاعر عادل صابر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: