خواطر عن ثورة ( 25 يناير )
.........................................
سرقوكي يا بلدي : مين اللي سرقك مين
والله اللي سرق بلدي : ما عنده خلق ولا دين
بنبني فيكي يا بلدي : وادي بقالنا سنين
وكل ما بنينا اتهدم : وراح في غمضة عين
سرقوكي يا بلدي : يا حسرة على اللي راح
وحياة جمالك يا بلدي : لأحارب بكل سلاح
حتى يعود الحق : وياجي الصباح برباح
ده حق ولادك يا بلدي : وحق جيلنا الجاي
مين اللي شرب دمهم : وكأنه قهوة وشاي
ده الدم غالي يا ناس : يمكن يحسبوه رخيص
علشان كده سفكوه : شله من المهاويس
لازم يعود الحق : ويرجع يغني الناي
يا حسره على بلدي : سرقوها ولاد الكلب
ظلموكي يا بلدي : وسلبوا حياتك سلب
باعوا القطاع العام : وتركوا الشباب في الدرب
لا شغله ولا مشغله : وشنوا عليهم حرب
يا حسره على بلدي : نهبوها ولاد الدون
نهبوا خيرك يا بلدي : وخلوا الشباب مغبون
نحاسب مين ولا مين : الفاتن ولا المفتون
يا خواتي مش عارف : أنا بعقلي ولا مجنون
نهبوكي يا بلدي : باعوا التراب والتبر
ضيعوا الشباب الجميل : وقلبوا زمانه حبر
لكن شبابنا الجميل : لبس دروع الصبر
وهب الشباب هبته : وهتف بكل الفخر
يسقط مبارك وحكمه : ويسقط معاه الكبر
كان الهتاف مدوي : يدوب الحديد والصخر
وثبت وسط الميدان : بتداعبه آمال النصر
وبعد شد ورد : سقط النظام يا ولاد
وفرح الشباب الجميل : وهتف بكل فؤاد
لازم نعود ونعمر : ونبني بنا الأجداد
ده حلم ولا حقيقه : ذهب النظام وراح
حتما ظلام الليل : ياجي وراه صباح
مين كان يظن إنه : الظلم ده حيزول
والباطل مهما طالت : دولته وبتطول
لازم في يوم ينزال : والحق ليه النصر
علشان لابد الليل : لازم معاه من فجر
علشان لابد الليل : لازم معاه من فجر
.....................................
خواطر الشيخ / عبد الكريم محمد حامد
( الكلالسة )