الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

  حوار عاطفي للشاعر عادل صابر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
منصور



عدد المساهمات : 92
تاريخ التسجيل : 21/12/2011

مُساهمةموضوع: حوار عاطفي للشاعر عادل صابر   الجمعة يوليو 20, 2012 3:33 pm

" حوار عاطفي "
للشاعر عادل صابر
.........................................................

الشاعر عادل صابر من أشهر شعراء المربعات في صعيد مصر ،
وهذه واحدة من قصائده بعنوان " حوار عاطفي "

هو:
مشتاق وقلبي مكن دار
والحب دوب جداره
لولاكي قلبي ما كان دار
ولاحد غيرك جا- داره
هي:
رايداك وقولك عاجبني
ع البعد حبي بدا- لك
لو اكلها بالزيت ع جبني
ماحد ينفع بدالك
هو:
قلبي هجرني وجه لك
ماانتي زماني ووجودي
عاشقك بعلمك وجهلك
يا بنية حني وجودي
هي:
كيف سبع فــ الصحرا وعران
يازاين اهلك وجيلك
لولا ابويا عارفاه وعران
لاهجر ديارى واجيلك
هو:
لاحن قلبك ولا طل
والسهد حرَّق عِيوني
سيباني فــ البرد والطل
والشوق في قلبي عَيوني
هي:
في البحر راميين شبكنا
لكن ماطلعوا بصيرة
ياما بالعيون اتشبكنا
بس الأيادي قصيرة
هو:
العشق يشبه لسكين
يزمن جروح الجراحى
يامبلي بالعشق مسكين
م العشق عمره جا- راحة
هي:
طول عمري أقاسي هواني
والشوق بحوره غوارق
فيه 1000عاشق هواني
والقلب لما غوا- رق
هو:
ياام الايشارب اللموني
والتوب في خصرك حلا- لي
مهما الخلايق لاموني
انتي نصيبي وحلالي
هي:
لو أنوي ع الحب ملاهيش
ولاحد يعلم سرايا
معاك انا اسكن في بيت هيش
مش عايزه عزبة وسرايا
هو:
عارفاني دايما ولد زين
حافظ الأصول والجمايل
لاأعرف الهلس والزين
ولا مرة قلبي جا- مايل
هي:
عارفاك وعليا صعبان
والصبر ليك والجلاده
ياحبيبي كل اللي صاع-بان
ولاعمره قلبك جلا- ده
هو:
نفسي ونفسي ونفسي
وانظر بعيني مقدَّر
والدنيا كتمالي نفَسي
والفقر ع الناس مقدَّر
هي:
الفقر عمره ماكان عيب
والخلق مش بالمظاهر
فيه زول لابس حرير عيب
وسط الخلايق ماظاهر
هو:
الدنيا برضك مراتب
القصر تساويه بعيشه؟!!
تفتكري يكفي المراتب
في زمن صعيب المعيشة
هي:
اسكن في عشة ولا-انيش
اخدلي راجل مااحبَّه
لاعايزه تسريحه ولانيش
انت السكن والمحبه
هو:
فيه خلق عايشه على القِل
في الخيمه محلا غناهم
في الهم لا تشيل ولا تقل
والحب وحده غَناهم
هي:
وفيه ناس ما أوسع خلاهم
عربية وفلوس وشقه
والحب لما خَلاَهم
صبحت حياتهم مشقّه
هو:
كل الأمور متقضية
ياللي السنين قلَّبوكي
حادخل ولا في100قضية
لوحد راح قال لابوكي
هي:
حيرتك في قلبي تعللي
بالجد عينك فواتح
هات ابوك ياللا وتعَللي
مع ابويا اقرا الفواتح
_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: حوار عاطفي للشاعر عادل صابر   الثلاثاء يوليو 24, 2012 2:26 am

الـحـق أهـــل الخـــباثــة بالضــلال ربّـــوه

واللى ضِـرِي ع الحرام مايحُق ناس ربّــوه

الدنيـا فيها ناس ماترجع عن طريق العيـب

لـو حتى جـالـهم نبــى حـافض كـلام ربّوه

........................
عادل صابر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: حوار عاطفي للشاعر عادل صابر   الأربعاء يوليو 25, 2012 11:07 pm

يا مشـتـرى الصـــبر سِــفُّه سَفْ ماتــرُبــُّوش

وافـــهم كـــلام وِلْـــد صابر زين وماتــرَبــُّوش

إزرع غيــط الـــوِد للى يســـد فى الغـيـــبـة

واصبر على العيــبة لو جـات م اللى ماتربُّوش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: حوار عاطفي للشاعر عادل صابر   السبت يوليو 28, 2012 2:20 am



ع الهِـلف توب الرجــال قصَّر قـوى مازانوش

وان يمسك الزان فى يـدُّه تلتقيـه مازانوش

لــكـــن ولاد الأصــايـل همّــا زِيـنـة الأرض

بيخافـوا ع العــرض دايمــن لإنهم مازَنـوش


عادل صابر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار عاطفي للشاعر عادل صابر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: