ياكلمة حق وبتعافر
ياشايله الهم عـــ الاخر
ياكرهه الظلم والظالمين
يتعبانه وصابرة سنين
وفى القلب ليكى مكان
ياماليه مكانك وم الاخر
أنا راخر
قلبى حزين
ــــــــــــــــــــــ
عجيب يا ابن أدم ومالى حياتك عجب
رافض نصيبك ودايما فى ثوره وغضب
كاره حلالك ومُعجب بكل حرام
وبتسب الزمان وفاكر ان هو السبب
وألمي
.......................
غريب يا قلب البشر يا ابوطبع قلاب
تحب ... تكره ... تتلون وتحير الاحباب
ما يعرف سرك وطبعك غير اللي خلقك
يا مضغة صحيح ولكن مقرر الاسباب
وألمي
...........................................
ياناس ياللى مصرين تعرفوا ألم جرحي
يفرق معاكم ايه حزني أو فرحي
صعبان عليكم حالي وللا دا يبقى ايه
الضحكه زاينه الوشوش وفـ عيونكم صور دبحي
وألمي
.....................
القلم الحر الجرئ للحرف أغلى صديق
ينطق يقول الحق وينجي أي غريـــــــق
ماشي كحد السيف بيكسر الاشارات
لجلن يقول الصدق ويحققه تحقيـــــــق
وقلمي
موضوع: من روائع الشاعر ( زين العابين خضر ) 
السبت مارس 24, 2012 8:21 am
