الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 الشاعر المبدع عادل صابر

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
منصور



عدد المساهمات : 92
تاريخ التسجيل : 21/12/2011

مُساهمةموضوع: الشاعر المبدع عادل صابر    الخميس يونيو 21, 2012 12:31 pm



الشاعر عادل صابر
...........................

دنيــــا عجيبـــة تــلاقى الشهْـــد خلابيها..........(خِل بيها)

ياما غــوَت نــاس وبرمــت فى الخـــلا بيها

اوعـــى تصـــدّقها ياماجابت فتَــن وخـراب

والوقت كدّاب ضحك على ناس وخلا بيهــا

...........................................................

بن الخسايـــس رهَـــن بـيـتـــه وبـاع الطين

فى الجَـــد كـــدّاب وعيشُه ع الــدوام عطّين

يانـــاس يغـور العِفِش اللى فى خيبتـــه غـرَز

واللى بنـى فى النَـــزَز لازم ينـــام ع الطيــن !!

...............................................................

العمــر وبسرعة شقفــات

وانت اللى عايش فى توهة

والدنيـــا ماتسوى شقفات

خُــد عبـرة م اللى فاتـوها!!

............................................................
وبـدلت سيـــفى بـزادى

مافاضلشى إلا جـــرابــه

طب كيف حلاقى الأعادى

وأرد ع الـــدون كـــلابـــه !!

.....................................................

الشمس لمِّت ضفايرها فى وقت العصر

صرخ النهار واتلوى كبدى عليكى يامصر

خايف عليكى من الأنــــدال والخـوَنــــة

وانتى اللى ياما ندهتى للسلام والنـصر

..........................................................

ياللى قتلتوا النهار يحرم عليكو الضـــــــى

ياللى هدمتوا الديـــار ماعدشى ليكم حى

ياللى خنقتوا الكلام صـــــوت الحقيقة جى

ياللى دبحتوا البرايا المولى قادر حــــــــى

..............................................................

آن الأوان للبــــــلد تعـــــرف قاتلهـــــا ميـن
مين اللى ضحكان علينا من سنين وسنيـن
طب احنا خدنا البصل مين اللى سرق التين!!
مين اللى دبــــح الغلابـــــة وكسّر الأحـلام
مين اللى جابنا ورا ..مين حطنا فى الطيـن؟!

........................................................

صار الميدان البطل ولافيه بطــــل غيــــــــره

رويناه بنور دمنا فعطـانا من خيـــــــــــــــــره

لو غبنا عنه نلاقيه مستنّى فى المواعيـــــد

واقف كبرج الحمام يــنده على طيـــــــــرُه!!

.........................................................

وقعتنا كانت مع خـــــاين ماعنـــدوش قلـب
خــانّا وكَـــل حقنـــا بالفتونــــة والســــلـب
وحكم على الحلم بالموت ع السكك والصلب
فلسَع وفــــات البلد تشبـــه لبيـت مهجــور
خدَع بلـــدنا الـــردى وضحـــك علينا الكلب!!

..............................................................

رغم انكسار الحلم فى جبين النهـار

لسة ف عيون الـصبح غنوة للصغــار

وبرغـم صـرْخ الجـوع وكــرباج العطش

رافضين نـدوق اللقمـة من يـد التتـار

..............................................................

يا مصر شعبــك رايــح فيــن؟!

والضربة فى القلب جـاتـــو

مين اللى واقف ورا حسين

مين اللى خـوَّف بجـاتـــــو !!

.....................................................

يا نخل طارح وطافح من عكار النيـــــــــــــل

إياك فى يوم تنحنى ..إوعاك فى مرة تميل

تركب عليك الكــلاب وينجّسوا بلحـــــــــــك

تفضل بطـول الزمن واطى وجبــان وذليــــل
.....................................................


طول مااشتريتـــــــــوا العتمة بنـــهار الوطن

وجعلتوا تــــــــــوب الذل بيـــــــــدارى الكفن

طول مادفنتوا الشمس فى قبــــــور الضلام

بكرة تفيح على دربــــــكم ريحـــــة العفَـــن

........................................................


ملعون ياللى تبيع صوتك لناس ذلّـوك

اصلك عديم الشرف خاين لعهد أبـوك

وصانى ابويا وصيــة عمرى ماانساهـا

اوعى ياولدى تـآمن مــرة للى خانوك

.........................................................
كفكِف دموعـك وماتنــوُح

واعـمل كيفـانك طــواقى

آدم تــــوفََّى ومـات نــوح

مـين اللى ع الدنيا باقى!!
...................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الخميس يونيو 21, 2012 12:32 pm

اتبسمى .....اتبسّمى

مدِّى الخطاوى وارسمى

فوق الجبين حلم البلد

هو داويا وبلــسمى

اتبسمى .....اتبسمى

***

اتبسمى رغــم الــــدموع

وريـــاح بتتحدى القلــــوع

دا مفيش بعاد من غير رجوع

لــــمِّى ولادك واحــــلمى

اتبسمى ......... اتبسمى

***

اتبسمى وسْط السكوت

وارمى ابتسامتك ع البيوت

تطرح يمامـة وناى وقوت

ياام العيـــون المـريمى

اتبسمى ........اتبسمى

***

الليل بيزحف ع الديـار

والعتمة دايسة على الخَضار

اتبسمى يطلـع نهــار

نسلم ياسـمرة وتسلمى

اتبسمى... ....اتبسمى

***

طل القمر رغم السحاب

والورد بان رغم الضباب

غنى الحمام رغم الغراب

علَّي الغنـاوى وقسِّمى

اتبسمى ........اتبسمى

***

ياام الخــدود ملبن وتين

مش عايز اشوف قلبك حزين

انسى معاى تعب السنين

وارمى الهموم واتبسِّمى
اتبسمى... .....اتبسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الخميس يونيو 21, 2012 12:38 pm

وجـه النبى نجـم ضـاوى

احمـــد مليـح الشمايــل

وكلامـــه أعظـم مــداوى

للى فى قلبه شى مايل
..................................



يابهية الصبــر طيِّب
وصباحى جاى قريِّب
مهما الأيام تشيِّب
جوا قلوبنـا الحنين

............................

يامـا خطايـا غـفرْهــا

ومحاها رب البــرايـــا

دنيا وسرقت غـفَـرْها

ناموا فى درَكْها عرايا!!
...................................

مـــن غَش ياصاحبى يتغَش

ولا يـدرِى مـين اللى غـشُّه

الـسم لحمامُه يـــــــتــــرَش

لو حــتى نــايم فى عِــشُّه

........................................

ياعبــــد واجـــب تلـِـــف الــدنيا وتـــراهـا

تشبـــه ربـــاب الحَـلَـب بــيـنـوُح وتــراها

والخلق تايهـة مابين ظالم وبين مظلوم

ونــسيـــوا نــوم اللحـود والأرض وتــراها

............................................................
إعـــــدل كلامــك ياخــى وليــق

دا الخـلــق سـمـــعــة وســيـرة

كــلمــة تغــفــلقــها غِــفـــليـق

والــــنار تــقيــــدها ســــفيـــرة

...............................................

فيه خلق عايشة على القِل

فى العشّة محـــلا غُنـــاهم

فى الهــم لا تشيـل ولا تقــل

والحـــب وحــــده غَنــــاهم !!

................................................

من يـــوم مازمــنى بطحْـنى

عـــضمى مابـــطَّـل صَــلايــة

وعــــزولى مُـــغـــرَم بطحنى

كـــما كُـــحْــل جـوا صَـلايــــة

...........................................

ماجاعلش فى الأرض طرشات

وورايـــــا قــــدرى ماشفتش ......( ماشى يفتش)

عمــيّت عيــــونى وطـرشات

ســـاعة المقـــدّر ماشفتش

..............................................

نظرة بعيـــن الرضـــا ياام الخـــدود عنّاب

من يوم هويتك ماعـارف الخوخ م العناب

عايقــة يابكْــرة عـــرَب ملفوفة بـمـلايــة

خلّــيتى كـــل الصبايا يقرطــوا ع النــاب

........................................................


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الخميس يونيو 21, 2012 12:38 pm

العـمر والرب واحــــــــد

خلـقك بكـافُـــهُ ونــونُـه

أُسكت ياراجــل ووحِّــد

واوعى تعـارِض شئونُه!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    السبت يونيو 23, 2012 11:34 am

آدى الفساد اتكشف والمستخــبى اهو بـــان

بقى عينى عينك على الشاشة وفى الجورنان

فى الضُهر لحـــم البـــــلد بيفرّقوه على بعـض

جـــــالِك أوان الهـــدَد ياعشّــــــة الغربــــــان!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    السبت يونيو 23, 2012 11:35 am

يانـــــوح سفينتك مش حتنفد م الطوفان

وعصاك ياموسى مش حتنفع فى الغيـلان

ارســل جـنودك ياألـــــــه المنـــــكوبيــن

بكـت الجــــوامع واتخــــنــق صوت الأدان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    السبت يونيو 23, 2012 11:36 am

لو عشتوا حيمـوت الوطن وان مُتّوا عـــاش

وان بعتوا حيروح الشرف وان راح ماجــاش

ياللى قبضتوا من العــدو تمـن السكــوت

بكرة العـدو ... نـفس العدو يبيعكم بـلاش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    السبت يونيو 23, 2012 11:37 am

يامثبتين القيــــد فى معصـم كـل إيــد

احنـــا ولاد الشمس ماحنــاش العبـيـد

مانبعش فجــرنا لو حتدفعوا 1000 ليــل

وحنشترى الصبح العفى بمليون شهيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الخميس يونيو 28, 2012 10:42 pm



ما يعـرف الـــراحـة مــقهــور

ولا يرقــد الليــل جــــايـــــع

ولا قال على الطـب مــعـذور

إلا اللى عرف الوجـــايـــــع!!

...................................................

فيه اللى عاش يلبس الخيش

ورقد على الحَــلْف زمنُـــــــه

فيـه اللى عاش مُنعَم العـيش

لـكن نــعيمُــــه ماضمــــنُــه!!

........................................................

آدى الشبــاب الجميل إتلَم فى ميـدانـــــه

مجروح بسيف الوطن غرقان فى أحزانـــــه

ماشى يُـدُك الضلام عشمان فى حـتّة ضى

مستنّى يلمح طــــلوع الفــــجر وأدانـــــــه

............................................................

إحنا الرجال فى الميدان والنخل ف نجوعِك

واحنا الأيادى اللى تمسح فى البلا دموعِك

لا سرقنــــا يوم ميّتِك ولا بعـنا يوم غـــازِك

زى الديابة اللى لحم كتافها من جــــوعِك!!

.................................................................

ياللى هجرتوا الوطن وسرقتوا ملايـينُـه

من بعد عشق الوطن دلوقتى كارهينُه

مصّيتوا دم الفقير ولحــستوا أحلامــــه

آن الاوان للــوطن يطــرد تـــعابـــيــــنُه
..........................................................

آدى الفساد اتكشف والمستخــبى اهو بـــان

بقى عينى عينك على الشاشة وفى الجورنان

فى الضُهر لحـــم البـــــلد بيفرّقوه على بعـض

جـــــالِك أوان الهـــدَد ياعشّــــــة الغربــــــان!!

.................................................................



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الجمعة يونيو 29, 2012 4:28 pm

إمشى مع الدرب لـو دار

واوعاك تلوف ع المداخل

وابعد خطاويـــك عن دار

لو تلمــح الهلــف داخـل

................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الأحد يوليو 01, 2012 5:03 pm

لا تـعـد يـــا خـال ولا تقيـــس

دنـيـــــا تــلاهـــى تـلاهـــى

ياما ناس حازوها تلاليس

راحـوا وفاتوهـــــا كمـــا هى !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الإثنين يوليو 02, 2012 11:39 am


ريـح عاطر والجو زينى

يا سارقة عمرى وصبايـا

يا تـآيــسى وتجــوزِينى

يا تحوشى عنى الصبايا !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الخميس يوليو 12, 2012 6:40 pm

البعــاد مفهوشى فــايــدة

والقـــزين طـــوَّل غيــابــــه

والنيران فى القــلب قايــدة

واعمل ايه فى واكل صحابه !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    السبت يوليو 14, 2012 4:26 am

الدنيــا دى زى ناظـــر

ماسك فى يده عصاية

ورّتـنى يامــا مناظــــر

لخليقة نسيوا الوصَايـا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الإثنين يوليو 16, 2012 4:52 pm

قمر الليـــالى مِــلالى

وسمانا صافية ونضيفة

ومادام معــانا الهـلالى

سـاهل علينـا خليــفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الثلاثاء يوليو 17, 2012 4:10 pm

إرميلى م الحب تارتين

وارخى الضفـــاير عليّـا

السنط طاطى وتار- تين

ســاعة مامـرِّت عليّــة !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الجمعة يوليو 20, 2012 3:31 pm

شهر رمضان :

شهر الكرامـــة ولامجــاد

والــرزق عــامـم وســايل

يا حسرة على زول لم جاد

ولا مَـــد إيـــده لســـايل !!

....................................


أيــام كريــمــــة وبــــتـــمُر

من فاته ياطول عذابـــــــــه

حلقه من الحسرة بات مُـــر

ولا فاز بأجره وثـــــوابـــــــه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الإثنين يوليو 30, 2012 1:03 am

بُعد الحبيب ويل وشوقى فى القليب مُرسال.........( مُر سال)

لــــُه مدّة غايب ولا يوم ع الجــــريح مـرسال........(مرة سأل)

القلــب جَــــدران وجسمى بالخــلايق ضـاق

وبعـتّ له سِيــاق ولاردِّش فى يـــوم مرسال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الإثنين يوليو 30, 2012 1:04 am

نظرة بعيـــن الرضـــا ياام الخــــدود عنّاب

من يوم هويتـــك ماعـارف الخوخ م العناب

عايقــة يابكْــرة عـــرَب ملفوفة بـمـلايـــة

خلّــيتى كـــل الصبايا يقرطــــوا ع النــاب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الإثنين يوليو 30, 2012 12:37 pm

مـالهـــا ســـواقى المحبة ناظحــــة وخســايس

وابـــن الأصـــول اتـغـلب بيـدادى فى خســايس

ليــه الحمــام فى البـــراج عجبــُه غُـــنا الغربـان؟!

والفرَسة هجَرت فارسهـــا وعشقــت الســايس!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الثلاثاء يوليو 31, 2012 12:53 pm

النــهــــر إيــــه لازمـــتــه والأرض بــور حواليـه

واللى اتلسع كيـف يطيب لو كان مفيش حواليه..........(حاوى له)

دا الـكـل بالـلـه ياخـــال والـــنــاس لـبـعضـيـها

ماخلـقــش آدم وحــيـد لكن خــلَـق حـوالــيــه............(حواء له)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: الشاعر المبدع عادل صابر    الأربعاء أغسطس 01, 2012 12:30 pm

شجر وصابُـــــه العطََـــن لابد من قـيــــدُه

وكلب يغوى الرِمَــم ملهوش غير قــيـــــدُه

الدنيـا هى كـــدة فانيــــة وحـــالها عجَــب

فيها اللى إسمه اتكتب واللى سقََـط قيـدُه!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الأربعاء أغسطس 01, 2012 9:26 pm



ليه الحمام ع الحيطان ناح
وهجر قـــدوسه وبراجـــه
مين اللى جاله وقال حاح
كان نفسه ياخد مهاجـه !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الخميس أغسطس 02, 2012 3:24 pm

يمـوت النايـاتى ويفضل نـوحُـه بنايـاتـه

واللى بنَـى بيـوت لابــُد يفــوت بناياتـه

الوقـت جبــار وف خيـام الغلابــة يبــات

وابـو البنـات يخطفُـه ويـفوت بـنــيــّاتُـه!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: الشاعر المبدع عادل صابر    الجمعة أغسطس 03, 2012 1:25 pm

لـــو يـــضربــــك كَـفْ.. ردِّه للـردى سبعيــن

وامشى مع الحُر لو بَـــدل السبوع سبـعيـن

ارفـــع جبـيـنـك وخلّــيك فى البــرارى صقــر

ولا تخشى من فقر لو ليك الزمان ساب عين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر المبدع عادل صابر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: