الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 واوات وإبداعات للشاعر المتألق خالد الطاهر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود الشاعر



عدد المساهمات : 57
تاريخ التسجيل : 17/12/2011

مُساهمةموضوع: واوات وإبداعات للشاعر المتألق خالد الطاهر   الثلاثاء أبريل 17, 2012 10:08 pm



يومـــاتى أســـلم واصـلـى
وادعـِــى بمقــــام محمـود
عاشقَـك وعشقَـك وَاصلى
ف ارض و سمـا محـمـود

*******************

يــوم جـــانــا طــيــفــكــم فـــرحــنــا

والــلّـــهـــى ودّى نــجـــيـــلـــكــم

او تـــيـــجــــوا انــتــوا فــــرحــــنـــا

نــجــيــلـنــا يـــشــبــه نــجــيــلــكــم

..............................................


الرب خـلـــــــق الكـــون
السبـت فـيه والحـــــــــد
نفسي ف مــرة أكـــــون
من غـير غـروب أو حـد
اســــرق تملّى الضحـكة
لكنى ما احِــزن حــــــــد
==============


يا حببتى
يا حكاية للزمن
يا ضل المسافر والسكن
يا أم الشعور المفرودين
انتى الصديقة والرفيقة
والحبـيـبــة والـوطــــن

* * *
وبعلو الصوت بناديكى
واندهلك تعاليلى
وأرجـعـــلك تضميـــنى
ومـن خـوفى تغـطـيـنى
ومهـــما أنســـــى
ومهـمــا أقســـــى
عـيـونـــــــــــــــــك
شمعـتى ف ليــلي
ولو تاهـــت مواويــــلى
ولو سكـتـت مزاميـــرى
ترجعـنى حكـــــــــاويكى
وتطـربـنى غـنــــــاويكى
ويتـبـدل معـاكـى الحـــال
وأفـوق
مــن هـمّــــــى ألقـــاكـى
بتمحى قســـوة الترحــــــــــال
=================

طالــت عليا الليالــى
والصــبح اعزف نياتى
القلـب ينـــده تعالــى
حضرت ليكى شياتى

..................................

يا صــاحـبى زيـك معــارف
ولا حــد غـيـرك أراضـــــى
وأنا مهما كان لى معـــارف
زيك مـا جــابت أراضــــــى


..............................

ألفـيـن خـضّـه
عـدت عـلى قـلبى البـرئ
وإنتى اللـــى تـرقـــيـنى
من صغـــــــرى وسنيـنى

...................................

وأنا وإنتى
بين النيــــل والشـمس
حاجـيـن لمقامه العالى
بصمـت
مـن وســط كـفـوفــك
يهــرب خــوفـــــــــك
ويستـنانا هناك
ع الشـــــــــــــط
ولـما لمـــســـت
يا حبى شفايفـك
ماكنش مـا بيـنا
لا قيد ولا شـــرط

..................................

انســــى واتـناســـــــــى
الحـب يــــوم لو كـــــان
ف ليـله حــــــــــــــدوته
وصورة عـصــــــــريــة
لكنى ابــداً يــــــــــــــوم
مـا اقـــــدرش انســاكى
إن كانت يا حـبى الروح
جــــواكى مصـــــــــرية
=============


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمود الشاعر



عدد المساهمات : 57
تاريخ التسجيل : 17/12/2011

مُساهمةموضوع: رد: واوات وإبداعات للشاعر المتألق خالد الطاهر   الثلاثاء أبريل 17, 2012 10:12 pm



محـــــــــــــــلاه
القـلب إن كان
مليـــــــــــــان
بنسيم الحــب
والحَــب 000
إن يــوم ترميه
لجـذور الأرض
يطرح أيـــــــام
برغم ما فيــها
من أحــــــزان
تلاقيها مخـتـومة
بخـتم الــــــــرب
=========

لــو أقــول الـحــب ديــن
و الـعــشــق ســنـة أنــقــتــل
لــو أقــول الـود فــرض
أو أصـــون الـفــجــر عــرض
الـشــوك فــي أرضــي يــنــشــتــل
قــلــت أقــول عــنّــي و عــنــك
و ســبــنــا مــن كــل الــبــشــر

...............................................

بتودعينى
والآلئ ع الخدود
راسمة يا سمرة ......دمعتين
بتسمعينى
ولآالوجود
راسم بأيده ..........خطوتين
خطوة ليكى وخطوة ليّـــــــا
خطوة فرقـــه
وخطوة حرقة
والبقيه لسه جايه
اسمعينى
ولو لثانية
فتشى جواكى تانى
يمكن تلاقى ليّا ذكرى
يمكن تكون صبحت سراب
لكنها زادى لبكره
قولتى عنى انى خاين
والخيانه دى مش ف طبعى
قولتى عنى انى قاسى
والقسوة دى ارخص ما عندى
قلتى فيا وعدّتى تانى
انى بايع يوم ما شارى
انى قاتل للامانى
انى بسرق حلم بكرة
والحب عندى ملهوش ذكرى
بتقولى كنت كدبة
وانتى ليا كل المعانى
مش ح اعاتبك
كا دا جايز ويمكن
كل منا له بداية
له حكاية
له حقيقة
جايز تكونى انتى الامانى
او تكونى وهمّ غالى
او تكونى انتى الحبيبة
لكن يا سمرة
كلمة اخيرةواسمعيها
من غير حواجز او سدود
يا بسمه صافيه ف العنين
ليه وانتى بتودعينى
اللآلئ ..........ع الخدود
راسمه يا حبى ...دمعتين
____________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمود الشاعر



عدد المساهمات : 57
تاريخ التسجيل : 17/12/2011

مُساهمةموضوع: واوات وإبداعات للشاعر المتألق خالد حلمي الطاهر   الثلاثاء أبريل 17, 2012 10:21 pm



ف عـنيكى ليـه شـــــايـله
يا حبـيـبتى دايماً شجــــن
ضحـكة عـيونـك بحـــــــر
ماليه تملّى الحـَـــــــــزن
جــوفه كــأنه تابــــــــوت
موجـــــه كــــــأنـه كـفــن
والعـيـن
بتـبكى شــكـوتـــــــــــــــك
ولاّ بتبـكى الـوطـــــــــــــن
---------------------------

وحــشـــــــــانى
بكل ما فى الكلمة
مـن معـنـى
ويوجـعـــنا
ســــــــواد اللـيـل
ف بعــــــــادنــــا
ويسـمعـنا
ســكون البحــــر
مـــن ليـله
وف نهـــــــــاره
وأحــواله
اللى عمّالة بتـتغـير
ونتصور
أنـــا وإنتى
طـلــــوع الشـمـس
عشان نرمى معاه بذرة
تـكــــــون ثـمرة
لبـكرة الجـــــاى
تحـلّى كـل أوقــــــــاته
برغـم البحـر والـمالح
يقوم طـــــــــــــــــارح
يـــــا عـشــقـى
حـبــنا بساتـيـن
وميـن يـقــــــــدر
يقــــــــــول أنــك
فى قـلـــبى تملّـى
مــش ســـاكـــنه
وحـاســـة بكل آهــــاته
وحـشـــــــــــانى
وعـلّمـتى كـمان قـلبى
ف جـــوّايـــــا
كيف يا عـمـرى
يتوحـش
عـليها تملّى دقــاتـــــه
================
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمود الشاعر



عدد المساهمات : 57
تاريخ التسجيل : 17/12/2011

مُساهمةموضوع: واوات وإبداعات للشاعر المتألق خالد حلمي الطاهر   الثلاثاء أبريل 17, 2012 10:31 pm



............................

بــحــلــم وأعــيــش الــحــلــم
واســكــن عــيــونــك يــــمّ
لــو بــيــك أنــــا مـــومـــن
كــان كــل هــمّ اتـــلـــمّ

....................................

ربـّــى أنــا حــبـّيـــت
والحـبّ لـه أحــــوال
وان مــال
فى يـوم الزمــن
وشـمّـت الـعُــــــزال
بحـب رغـم الآسـى
عـرفـك كبـيـر متـعـال
وان ســــــال
دمعى فى يــوم مـــــرة
بتـتحـلى
بنــظــــــــــــــرة عـيــن
يملاهـــــا كلام العـشـق

وأن عـدّى عـليها الليل
بتـتـقـضــى
فى حـــــــــــلـم جـمـيـل
يـزور العــيـن
راســم للصباح بسمة
وسايـب للحـيـاة مفتاح
يرتـــــــــــــــــاح
القــلــــب مــــن هــمّه
يلمّـه
فـى كلمتـيــن وخـــلاص

صـباح الفــــل يا عـمرى

صباح الحب والإحساس


...................................

يــوم جـــانــا طــيــفــكــم فـــرحــنــا

والــلّـــهـــى ودّى نــجـــيـــلـــكــم

او تـــيـــجــــوا انــتــوا فــــرحــــنـــا

نــجــيــلـنــا يـــشــبــه نــجــيــلــكــم
................................................



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: واوات وإبداعات للشاعر المتألق خالد الطاهر   الأربعاء أبريل 18, 2012 9:25 am

الله على الفن الجميل

مشكوووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: واوات وإبداعات للشاعر المتألق خالد الطاهر   الخميس أبريل 19, 2012 6:03 pm

شكرا شكرا

الله لا غيبكم


ولا حرمنا منكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف



عدد المساهمات : 79
تاريخ التسجيل : 24/01/2012

مُساهمةموضوع: رد: واوات وإبداعات للشاعر المتألق خالد الطاهر   السبت أبريل 28, 2012 9:24 pm



عمــــــــال افهم ما فاهم
وأقــولك اسكـت تــزيــد
ع الجـرح صمتك مراهم
ولا كلمــة عـنـدك تفيـــد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف



عدد المساهمات : 79
تاريخ التسجيل : 24/01/2012

مُساهمةموضوع: رد: واوات وإبداعات للشاعر المتألق خالد الطاهر   السبت أبريل 28, 2012 9:30 pm



شـيـلنا هـمـومـنـا بمغـــالق
والفــــرح يــزعـق مفـاتـــــح
لعيــــونى افـتـح مغــــالــق
وللســـــعـد يـامــا مفـاتـــح

.....................................

شــــــوكك يـزينـه نـدانــا
لكـنــه وردك مـا جــازلى
كاسـك قـصـادنـا نـدانــــا
شـربات لغـيرى وجاز لى



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: واوات وإبداعات للشاعر المتألق خالد الطاهر   السبت يونيو 30, 2012 4:16 pm

ولا مــره حــبك دفــاتــر

ولا منـك أبـــداً محـاسب

قــلــبى فــاتحـلك دفــاتر

دقــاتــهُ عـاوزه محاسب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: واوات وإبداعات للشاعر المتألق خالد الطاهر   السبت يونيو 30, 2012 4:18 pm

يــا ســمــرة كــترت شــراكــي
لا فــرش عــاد و لا زان
بــيــعــك خــيــانــة و شــراكــي
و كــدبــك خــســيــس و لا زان
،
خالد الطاهر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: واوات وإبداعات للشاعر المتألق خالد الطاهر   السبت يونيو 30, 2012 4:23 pm

يا صــاحـبى زيـك معــارف
ولا حــد غـيـرك أراضـــــى
وأنا مهما كان لى معـــارف
زيك مـا جــابت أراضــــــى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: واوات وإبداعات للشاعر المتألق خالد الطاهر   الإثنين يوليو 30, 2012 10:25 pm



"أيــوب" فــ بــحــرك دا صــابــر
و فــ بــطــن حــوتــك دا " يــونــس"
يــاللــي مــنــجــي اللــي صــابــر
دعــاك و ذكــرك دا يــونــس

خالد الطاهر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: رد: واوات وإبداعات للشاعر المتألق خالد الطاهر   الخميس أغسطس 02, 2012 6:26 pm

وبحبك انا وبدارى
والحب ف قلبى معلم
وبقلبى وروحى انا شارى
مهما يكون قلبى مسلم
***
و ف عز الليل بناديكى
وغنايا وسهدى دا ليكى
اه لو تفهمنى عنيكى
الحلم اليكى يسلم
***
انا قلبى اليكى اسير
مهما يكون خط السير
يا اميرة انا ليكى امير
عاشق من غير ما اتكلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
واوات وإبداعات للشاعر المتألق خالد الطاهر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: