أول كلامي حصلي
ع اللي الغزاله مشت له
واحكيله ع اللي حصلي
وازرع همومي في مشاتله
صلاة نبينا تمنع ابليس
منها الفايده والتجاره
ياما ناس حازتها تلاليس
ماتت ما نالت الزياره
حلو يا نبي كم حلو مدحك
أنا اللي شبكني غرامك
طول عمري انا صرت مادحك
حزين اللي ماشافش مقامك
صلاة النبي تروق البال
محمد عروس القيامه
وراح له الجمل طرشق عقال
وقال جيرني يا ابن رامه
لذكر النبي قلبنا حار
واللي ما يصلي ع النبي نادم
أصلي عليه عدد موج الابحار
وعدد شعر راس ابن آدم
لذكر النبي قلبنا مال
وصلاته تمحي الخطايا
أصلي عليه عدد حب الارمال
نبينا وذكره شفايا
أصلي واسلم على رباية حليماه
وكل الأنبيا والصحابه
النبي فات على بير مالح حلي ماه
وقال اشربوا يا صحابه
زينة الكلام مدح طه
والمدح زينة البدايه
فرش القواله وغطاها
سيرة رسول الهدايه
صلوا معايا على البدر
طه النبيّ المكمل
هزم الصناديد في بدر
وصبر لغاية ما كمل
بعد المدح صلوا على الزين
محمد شفيع البرايا
لنبينا كونوا محبين
وصلاته تمحي الخطايا
فايته البنيه بخلخال
تخطر كما فرع مايل
عشق البنيه يا ابو الخال
عامل في قلبي عمايل
يا بت جملك هبشني
والهبشه جات في العبايه
رمان صدرك دهشني
خلى فطوري عشايا
يا طبيبي ليا قوم إلحق
وهات الدوا الموافق
ياما ناس بتعرف الحق
ولاجل الضروره توافق
الصاحب الزين يتحط في الجيب
وتفج منه الروايح
الندل لما يبدي بالعيب
ما تيجي منه غير الفضايح
لو عطاني زماني باعدين – باع يدين
كنت اكيد للي كادولي
وخايف من الدهر بعدين
ليفرح ويشمت عذولي
ابن الرديه مالك بيه
ماشي متكبر وهايم
عطاله زمانه وملك بيه
قال ع الأسوده بهايم
همك يا دنيا شغلني
كمديون يوفي المطالب
ناس حزينه وناس تغني
ومغلوب يضحك لغالب
مين في همي بكى معاي
إذا بكيت اوعو تلوموني
الأهل لما كانوا معاي
لما ابتليت أهلي سابوني
مالت عليا وهانتني
بصلي صبح وعيشا
على ناس جنبني وخانتني
ونستني في سواد دي عيشه
موضوع: من فن الــواو 
الأحد أكتوبر 06, 2019 9:58 am