الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 نروحوا فين. وناجوا منين؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: نروحوا فين. وناجوا منين؟   الأربعاء سبتمبر 14, 2016 11:11 am

من فن التلتاوي/

نروحوا فين. وناجوا منين؟
***
اسمع لقولي وسجالي
شوف فيها إيه اللي جرالي
واكِل حميرك عَجّالي
ونروحوا فين. وناجوا منين؟
..
لم عاد بتلوا وكندوزه
او دوش وحتّة من الموزه
دا ما كَلنا مَيْتَة وموقوذه
نروحوا فين. وناجوا منين؟
..
لفّينا فيها ولم فِقنا
نشتغلوا قال ما اتوفّقنا
لا معيشه بحري ولا فِقنا
نروحوا فين. وناجوا منين؟
..
ولا فتّه عاد ولا تقليّه
ولا نسلِي حتّة من الليّه
مشتاق دسمها وتاق ليّا
نروحوا فين. وناجوا منين؟
..
يا موكلانا لرممها
الديب نخرها وتمتمها
حطَّم أمالي وهدمها
نروحوا فين. وناجوا منين؟
..
لا عجول في قبلي ولا حلوان
دي باعوها للي دفع حلوان
لحم الحمير طعمه محلوان
نروحوا فين. وناجوا منين؟
..
جرون بلدنا وقَرقَرها
راح فين عجولها وبقرها
دا ما فج بطنك وبقرها
نروحوا فين. وناجوا منين؟
..
عـَمّاله تصرخ مين غاتها
من تاني رجعت أغَواتها
واكلين هُبر واحنا شَغَتها
نروحوا فين. وناجوا منين؟
..
لا طعم ليها ولا معني
شمينا ريحتِك دمّعنا
لا شوربه جابت ودَمَعنا
نروحوا فين. وناجوا منين؟
..
م القِل كَلنا رجول دجاج
ولا حد ناطق أنا محتاج
لا يشيل رقبته سيف حجاج
نروحوا فين. وناجوا منين؟
..
أبو لِبْس يِرهِج ومْنَقْرَش
ع الشاشة يرغِي وعم يقرُش
عيش الحكومة عجين يقرُش
نروحوا فين. وناجوا منين؟
..
عبد الناصر أحمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نروحوا فين. وناجوا منين؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: