من فن الواو
( شحاتة يشبه شِحِتُّو )
*****
أنا حابدِي قولي بقرآن
أتلوه في ليلِي وضُحايا
يا وطنّا إصحَى الأوان آن
دا يوماتي اعِد فْ ضحايا *
..
أنا جرحي غايِر بَتَردَم *
لا اتداوَى ولا ليه بَتَرنا *
ع الماضي اوعى لا تِردم
أو تنسى تاخد بتارنا ؟
..
إنجِدني يا رب لَارباب
في عَرَبنا أمَلي ضئيلِي
علي ديني قالوا دا إِرهاب
إرهاب دا يبقى إسرائيلي
..
حقِّك علينا يا بغداد
ويا رب ترحم سامحنا
شَبعان خليجك وبغداد *
وعراقنا عايش في محنة
..
لو جات منيّة وحضرموت *
إيه بس أقولك يا ربي ؟
لم عاد فيه إبْ وحضرموت
وطريق متعتر ورَب بِي
..
ذنوبنا كترت يا بو العم
لَكِين في كَرَمُه عِشِمنا
لو شُفت ناسنا حَتِتغَم
فِ حماة وإدلب وشامنا
..
ودروبها صارت مَطَبَّات *
وطريق عِدانا عَدَايِل *
موازيني ساعة ما طبات
على بختي صارت عدايل
..
وعملتي عَمْيَة وما نَضراش
وربطتي عينِك عصابة *
صهيون رسمها وما نِدراش
والنيل في إيد العصابة
..
دلالها ماصخ فاق الحد *
ولا حد زارنا وجَدَرها *
مين قَدِّي عاشق؟مفيش حد !
مين غيري يحمل جَدَرها
..
مَدِّيتي ايدِك لطوب لارض
وشحاته يشبه شِحِتُّو *
لا حَميتي نيلك ولا العرض
من كل بارد شِحِتُّوا
..
مِ القمّة نزلتي للقاع
بالجُبن مين الْ وَصَمنا ؟
دا ما إحنا خالد وقعقاع *
فاكراشي ياك معتصِمنا ؟
***
الواوات للشاعر : عبد الناصر أحمد
موضوع: من فن الواو 
الثلاثاء يوليو 19, 2016 12:39 pm