من واوات ( ناصر على توفيق ) يا بهية
===
يا بهية ليلك ما ليلك
ما تقومى عاد بزيداكى
والكاس اللي ماليلك
المر علقم فداكى
****
يا بهيه فينك ما بنتى
من يوم ما الولد ثاروا
واتقتلوا ولدى وبنتى
ولا حد ختيله تاروا
****
يا بهية املى المطارح
بالحب شرقة وغربة
دا الظلم عمره ما طارح
الا الكراهة وغربة
****
يا بهية يا ام الغلابة
ضاقت علينا الوسايع
خنقونا جوة في غابة
والسجن ضيق ما سايع
****
يا بهية داانتى اللي شوقنا
ولا لينا حضن غيرك
تاخدى د مانا وعرقنا
ولا مرة تدينا خيرك
****
يابهية حبك ورثناه
ولا هاقدراسيبه واصل
بذرة وفـ طينك زرعناه
من أب للجد واصل
****
يا بهية دا احنا اللى ليكى
سايق عليكى شافيعنا
لتحنى عـ اللى شاريكى
وتبيدى كل اللى باعنا
****
يا بهية صونى عهودك
بالحق والعدل فينا
ولا يوم تحنى فـ سجودك
إلا لربى وناشينا
****
ناصر على توفيق