الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب
الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب
الطيب الشنهوري
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الطيب الشنهوري

منتدى ثقافي - ديني - اجتماعي - علمي
 
الرئيسيةأحدث الصورالتسجيلدخول

 

 سيادة الرئيس ............للشاعر سعيد شحاتة

اذهب الى الأسفل 
4 مشترك
كاتب الموضوعرسالة
الطيب الشنهورى
مدير المنتدي
الطيب الشنهورى


عدد المساهمات : 10438
تاريخ التسجيل : 06/10/2011

سيادة الرئيس ............للشاعر سعيد شحاتة Empty
مُساهمةموضوع: سيادة الرئيس ............للشاعر سعيد شحاتة   سيادة الرئيس ............للشاعر سعيد شحاتة Icon_minitimeالجمعة أكتوبر 07, 2011 5:04 pm

[
b][font=Arial
سيادة الرئيس
للشاعر سعيد شحاتة
.................................

.................................



سيادة الرئيس

اللي أنا ما أعرفوش

ومش قادر أستنبطه من الوشوش

وتايه ما بين أقبله وما أقبلوش

وخايف يصيبه المرض بالعروش

ويطلع يجيّش علينا الجيوش

ويقلبنا تاني لقطط أو وحوش

وخايف عليه م الكلاب والهاموش

ومن شر نيكسون..

وكارتر

وبوش

ومن شر حاسد وحاقد وراصد

ومن شر حزب الجتت والكروش

تحياتى طبعا لكل الرّتوش

ويحيا السمك والطوبار والناشوش

ويحيا الوطن حتى لو كان شيكاره

ويحيا العلم حتى لو كان شاكوش

وتحيا البلاد اللي صالت وجالت

وولّت وقالت وشالت نعوش

وتحيا الولاد اللي علّت وعالت

وتحيا الإيدين اللي تقدر تحوش

ويحيا السلاح اللي طالع يطالب

بقطع الودان اللي ما بيسمعوش

وكسر الإيدين اللي ما يقدّموش

وتحيا العيون اللي تقدر تميّز

ما بين الخيول والبغال والجحوش

سيادة الرئيس..

اللي أنا ما أعرفوش

واللى ما أعرفش طالل على الناس منين

سواء كنت نور

أو سواء كنت طين

سليل الحسن أو سليل الحسين

كلامك غلط أو كلامك مُبِِين

ما عدناش نصدّق كلام الجرايد

ولا نفصّل الموت على الميّتين

وما يهمناش اللي صار واللي صاير

وما يهزناش الدواير بمِين

سيادة الرئيس اللي ممكن يعمّر

ويحكم سنه أو شوية سنين

وجايز ما يقدرش يحكم يومين

ما عدناش نهابك

ولا نهاب كلابك

ولا نهاب إشارة الخطر فوق تيابك

ولا نهاب نقف بين ضوافرك ونابك

ولا نهاب لسان اللي لاحس ترابك

ولا نهاب خرابك ولا نهاب صوابك

فـ لجّم ولادك وقيـّد صحابك

وسلّط علينا اللسان الكويّس

وحنّن علينا الغفر عند بابك

وقطّع وقسّم وخدنا فـ منابك

نهلل، نكبّر، نطبّل، نعبّر

ونعرف نصبّر جموحنا لثوابك

تعاند..نعاند

ونرفض نساند

وننزل نهزّ الميدان اللي جابك

سيادة الرئيس..

اللي هنجيب جنابك بفعل الإراده

ما عدناش نخاف مـ الوجع والولاده

ما عدناش نخاف من ملايكة سيادتك

وما يهمناش انتقام السياده

وما يهمناش نشرب الموت معكّر

وما يهمناش يطلع الموت زياده

وما يهمناش حلْوكم يبقى عَلْقم

وما يهمناش مُرُّكم يبقى ساده

فما تخلّيناش ننزعك م الضماير

وما تخليناش نلعنك في العباده

سيادة الرئيس..

اللي هنجيب جنابك

بفعل الإراده اللي جابت نهار

بفعل الإراده اللي هزّت مداين

وشقِّت عَجَل دبابات الحصار

بفعل العشش والبِرَك والخزاين

وفعل الضمير اللي ولّعها نار

بفعل الربيع اللي مَسّ الجناين

وحنّن قلوب الشجر ع الخَضَار

نحيط حضرتك إن مصر اللي ثارت

ماهيش مصر هانم وصانع قرار

دي مصر اللي حبلانه فوق المساطب

ومصر اللي مولوده تحت الجدار

دي مصر اللي قامت

وصلّت وصامت

ونامت في حضن السكك والصغار

دي مصر الفَرَح والوجع والهزار

دي مصر الكانون اللي والع في بيتنا

وريحة الحنين اللي من كل دار

دي مصر الحليب والعسل والشوالي

ومصر الزناد اللي زقّ العيار

نحيط حضرتك إن مصر اللي ثارت

ماهيش واقفه تانى فـ طابو انتظار

نحيط حضرتك إن مصر اللي صامت

ماهيش طَالبَه منّك عشَا أو فطار

سيادة الرئيس..

العريس..

اللي جاي باختيار الغلابه

ما حدّش هيحكم بشاهد مزوّر

ولا شهاده بالعنف أو بالإنابه

ما حدش هيقبل

- تهم مستعاره وجتت مستعاره -

وضلال في النيابه

ما حدّش هيقبل ولو أجبرونا

هنطلع نهِد الملك والكتابه

هنطلع نحاكم رئيسنا المضلل

بحكم إنه أصبح رئيس العصابه

بحكم إنه أصبح دَنَس أو جَنَابهْ

بحكم إنه قلّب علينا المواجع

وحكّم علينا العرَس والديابه

بحكم إنه ربّع..وحكم إنه طبّع..

وحكم إنه شبّع كلاب الحجابه

سيادة الرئيس..

اللي جاي

بالإجابه فـ ورق الانتخاب

أنا الشعب جابك

وأنا الشعب يقدر يحاكم جنابك

وأنا الشعب يعرف..

يدوس ع اللي جابك

وأنا الشعب يقدر يعظّم ويرفع

ويصنع سيادة الرئيس المُهاب

ولو كلب حاول يعضّ فـ سعادتك

فأنا الشعب قادر يعض الكلاب

وأنا الشعب قادر يخطي الحجاب

سيادة الرئيس..

اللي جاي للحساب..

مش لحب الرياسه

نحيطكم بإن البلد مش وراثه

نحيطكم بإن المطالب تُقدّر

بضحكة وطن..

مش بجيش انتكاسه

نحيطكم بإن اللي فارق ما بينّا

سلاح وبيادات وافترا واستغاثه

نحيطكم بإن الملوك اللي ماتوا

ما فاضلوش ما بين الحوَش والكُناسه

ما فاضلوش ما بين ضربة المدفعيّه

وخطبة وجع أو قصيدة حماسه

ما فاضلوش ما بين شعب قادر يحارب

وشعب اتعجن تحت قَطر السياسه

ما فاضلوش ما بين العَتَه والكَياسه

سيادة الرئيس اللي أنا ما أعرفوش

واللي جاي بالإتاحه

نحيطكم بإن البلد للي فيها

وإن العروش للمزار والسياحه

وإن الرئيس اللي عايز يعمّر

فـ لازم يشمّر إيديه للفلاحه

وإن الشعوب اللي تعرف تناضل

أكيد برضه تعرف تقول الصراحه

نحيطكم بإن المطالب بسيطه

وإن الرئيس مش خطابه وفصاحه

وإن الوشوش اللي تعرف تكشّر

أكيد برضه تعرف معاني السماحه

وإن القلوب..

اللي تقدر تسقَّف

أكيد برضه تقدر..

تسوق التَّناحه[/font]
[/b]
الرجوع الى أعلى الصفحة اذهب الى الأسفل
سميرة محمد

سميرة محمد


عدد المساهمات : 40
تاريخ التسجيل : 07/10/2011

سيادة الرئيس ............للشاعر سعيد شحاتة Empty
مُساهمةموضوع: جميل و لكن ؟؟   سيادة الرئيس ............للشاعر سعيد شحاتة Icon_minitimeالأربعاء أكتوبر 12, 2011 12:01 am

الآن وبعد خلع الرئيس الكل استطاع أن يتكلم فأين كان هؤلاء الشعراء حين كان يعذب الشباب و الكهول في السجون ، حين كانت حتي النساء تعذب مثلها كمثل الرجال بل أشد قسوة ؟؟ حين كانت ألاف الأمهات و الآباء يفقدون فلذات أكبادهم في السجون السياسية وفي الحروب التي زجنا بها الرئيس بلا سبب أو داعي ؟؟
كم أتمني أن تكثر من هذا الشعر حتي يعلم الجميع أن هناك الكثير الذي يريد أن يتكلم وما منعه سوي ......
سيادة الرئيس ............للشاعر سعيد شحاتة File13183662941
الرجوع الى أعلى الصفحة اذهب الى الأسفل
ايمان




عدد المساهمات : 29
تاريخ التسجيل : 11/10/2011

سيادة الرئيس ............للشاعر سعيد شحاتة Empty
مُساهمةموضوع: تحيه للشاعر   سيادة الرئيس ............للشاعر سعيد شحاتة Icon_minitimeالأربعاء أكتوبر 12, 2011 7:06 am

شكرا جزيلا ايها الشاعر فكلماتك رقيقه ومعبره
الرجوع الى أعلى الصفحة اذهب الى الأسفل
شرقاوى نت
المشرف الفنى للمنتدى
شرقاوى نت


عدد المساهمات : 21
تاريخ التسجيل : 05/10/2011

سيادة الرئيس ............للشاعر سعيد شحاتة Empty
مُساهمةموضوع: شكرا جزيلا   سيادة الرئيس ............للشاعر سعيد شحاتة Icon_minitimeالخميس أكتوبر 13, 2011 6:58 am

شكرا جزيلا

الرجوع الى أعلى الصفحة اذهب الى الأسفل
الطيب الشنهورى
مدير المنتدي
الطيب الشنهورى


عدد المساهمات : 10438
تاريخ التسجيل : 06/10/2011

سيادة الرئيس ............للشاعر سعيد شحاتة Empty
مُساهمةموضوع: رد: سيادة الرئيس ............للشاعر سعيد شحاتة   سيادة الرئيس ............للشاعر سعيد شحاتة Icon_minitimeالخميس أكتوبر 13, 2011 10:43 am

شكرا لأختنا إيمان

شكرا لأستاذنا شرقاوي


على المرور العطر


خالص تحياتي
الرجوع الى أعلى الصفحة اذهب الى الأسفل
 
سيادة الرئيس ............للشاعر سعيد شحاتة
الرجوع الى أعلى الصفحة 
صفحة 1 من اصل 1
 مواضيع مماثلة
-
» تحت رعاية فخامة الرئيس عبد الفتاح السيسي بدء العمل في محطات الصرف الصحي بشنهور
» سعيد بن زيد
» سعيد بن زيد
» سعيد بن الحارث
» سعيد بن عامر

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: