غني الفلايكي بموال
ع الشط ردت يمامه
مش كل من في الهوى قال
في القلب علم علامة
*******************
غني الفلايكي أغانيه
جاوب علي الشط قمري
قولهم يا محلي معانيه
افديه بروحي وعمري
*******************
غني الفلايكي أغانيه
ع الشط هدلت حمامه
قولهم يا محلي معانيه
علي حسنه دابت غمامه
*******************
حل الفلايكي قلوعه
والشمس طاله صورتها
والصبح صافي طلوعه
والأرض ناشره سيرتها
*******************
غني الفلايكي مع الريح
موال اخضر مندي
فاضت معاه التباريح
وقلوبنا تاخد وتدي
*******************
غني الفلايكي أناشيد
الموجه صارت تلالي
هو يغني وأنا أشيد
وازرع بشوقي تلالي
غني الفلايكي مع شراع
غنوه لشمس الأصيل
غنوه بتحكي علي صراع
بين الخسيس والأصيل
******************
غني الفلاكي بكام واو
البحر حنت ضلوعه
وانشد سايح وقال""wow
والبدر عاود طلوعه
*******************