الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 فن الواو والمربع الفن الجنوبي الأصيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طارق



عدد المساهمات : 338
تاريخ التسجيل : 21/12/2011

مُساهمةموضوع: فن الواو والمربع الفن الجنوبي الأصيل   الأحد أغسطس 10, 2014 6:17 pm

فن الواو والمربع
الفن الجنوبي الأصيل

مع الشاعر الكبير
عادل صابر

دير نقادة





قمـر الليــــالى ظَــهَر ولاَ فــــارع العـُود بــــان؟!
من يوم طلبت الوصال فى الحِتّة مِيت عدو بان
لكن الحــبيب اللى كان بينى وبينـــه معــــاد
قاللى حااعيش بالـوداد حتى بحصـــير عـدَبان




ياعبــــد واجـــب تلِــــف الـــدنيا وتـــراهــا
تشبـــه ربـــاب الحَـــلَـب بــيـنـوُح وَتــــراها
والخـلق تــايهـة مابين ظـالم وبيـن مظلـوم
ونــسيـــوا نــوم اللحـــود والأرض وتــراهــا




الندل كــام حُـــر عـنـبـيـه....(عانى منه)
حــرْمات بعــينه بصَــلْهـم
فى البيت مسروق عنبيه
وسرق من الناس بصلهم


لمَا كان معاه مـال كانت عزوته عَـــزّاه
لما قَل ماله اتنسى ولاحقّوا يوم عِزّاه
تركوه لوحده ينوُح على قسمته وهمُّه
يوم ماتت امـه ماحدش م البلد عَـزّاه!!





أُضــــــرب بقـــــدمك قفـــانا وزقــــنا فى البيـــر
واطلق كـــلابك على البلـــــد ال.مالــيها كـــبير
شيخــــنا المعمَّم غـــبى كـــرّهنا فى الكـــتّاب
نجحوا العدا فى الحساب وسقطنا فى التعبير !!


أحلف بدمع النخل وحـمام البــلد
وصبية تركـت قلبها تحـت الهـــدد
أحلف بصرخة غزة وبــــدم العيال
لـو مـات ولد رح يتولد مليون ولــد


الأُجرِي عايش فى نوحُه
من عَـــرَقُـه يمــلا بريقه
بقميصــه رابـط جــروحُه
نبضُـــه دا ولاّ عَــزيقُـــه ؟!



للخـــــلق ربك هَــــداها
وجــعلها ف ايام أواخـــر
لجل اللى يُسلك هُداها
لاشك فــــاز بالأواخــــر !!!





واجب على العبد يسعى
وان قَــل عيــشُه يهــاجر
ربـك يعيــن اللى يسعى
شَـــق الحجـارة لهـــاجر


من غَش ياصاحبى يتغَش
ولا يدرى مين اللى غشُّه
الــسم لحمـــامُه يتـرش
لو حتى كارِك فى عِـشُّه


واللهِ ماهِي بقـــــولك
والرزق مش بالشطارة
يــد الشقا لو تطــــولك
ماتلقَى منها بَصــارة !!!



مهموم فى صغرى ودلوقت
وهمومى رفعــــالى رايــة
دا انا كل ماارمح من الوقت
الوقــــت يرمــــح ورايــــا !!!


رغم الهموم والجــفا وايامـنا العرجــا
وجرحنا اللى صبح أوسع من الحرَجة
جميزنا لسة بيطـرح عشق وطــيابة
ولسة ناسنا الغلابة بيلعبوا السِرجة !!


على كعب بوص الدُرة رسم الزمان صورة
لصبية سمرا ورابطـــة الحـردة ع القــورة
الاسم خضــرا وفرحـــانة وســـت الناس
عاشت الأسامى لكين الأصــــل منصورة





وف بطن ليل الهموم صوتِك فى ودنى ونيس
أمشى ف غيطان الدُرة وارقد على الدرابيس
ومهما جـــــار الزمن يامصـــر عمرى مااخـون
راضــى بحــــلال لقـمتى لـو كَـلتها بسريس











البير نشف والمـــزاير كـــرهت المية
والفخ منصوب فى حنكه ألف قِمرية
رضعوا عيال نجــعنا بز الوجع ع الريق
والحلم فوق الطريق مقتول بلا ديّـة



الحُـــر هان ع الردى فى ارخص مزاد باعــه
ونسى اللى ضمُّه فى يوم وفرَد عليه باعه
يشــبه لتعبان ومتــرّبى فى كُــــن حــــمام
لابد ينسى الجــــميل ويحــن لطـــــــباعه !!!


العشق فى الـدنيا قِسمات
دايم كــــنوح الســــــواقى
كام ليلى فنيّت وقيس مات
والعشــق اهو لسـة باقى !!


أُصبر على الوقت لو جار
والـــود نشفت جــدورُه
دا التبـر بتـبـيِّنــه الــنار
والعـــود بيفيح بخــورُه


انا اللى تـــاه الصواب منى وتــاه فكراى
اسكن بــلاد الضَــما واهجر بــلاد الـراى!!
ســـألت عـــالم كـبير ميَّل عليــا وقـــال
حتقضّى عمرك فى توهة ياعديم الراى












صفحة الشاعر على فيس بوك :
https://www.facebook.com/profile.php?id=100001183110191
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فن الواو والمربع الفن الجنوبي الأصيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: