إمتى يا دنيا ؟؟

عدد المساهمات : 608 تاريخ التسجيل : 21/12/2011

إمتى يا دنيا

*********

بقلم / حمادة البهلوان

*******************

إمتى يا دنيا العَجَلة تـــــدُور

وأكون شاعر فِيك مَشهُــور

ويشاوروا علىَّ بِصَوَابِعهُـــم

ويقولوا بَقَا لِيك جُمهُـــــــور

لا انا عاوز أسكُن فـ قُصُـــور

ولا أدخُل عالَم مَسحُـــــــور

بَدلَة مُوضِتهَا آخِر صَيحَــــــة

و عَربية بأحدَثها مُوتُـــــــــور

أنا مش عاوز أكون فَرفُــــــور

ولا امثِّل ولا اعيش فى الدُّور

ولا اشوف نَفسِى واحِد نِكِرة

مَالهُوش قِيمَة ومَالهُوش دُور

عارف إنِّى مَنيش أمُّـــــــــور

ولا وِشِّى دَ كان بَدر بـــــدُور

ودرُوسى بِتبَان لمَّا اضحَــــك

نَاب مخلُوع والتَّانى مَكسُــور

وبَقولهَا لا كِدب و لا غُــــــرور

و شهادة فـ حَقِّى مَهيش زُور

أنا جُوَّايا قَلب كبيــــــــــــــــر

مَليان حُب و رحمَة و نـــــــور

بَحلم إنِّى يكُونلِى حُضـــــــور

قبل مايجِى عَلَيَّا الـــــــــــدُّور

و أموت وانا سايب فى الدنيا

بصمة خير بيها انا مَذكـــــــور

*********

بقلم / الشاعر الزجّال حمادة البهلوان "بهلوان الشعر العربى"

» دنيا مافيتاش ولا حد لا الراكب ولا القراب
» يا دنيا كده ليه مايله ع الأصيل كسراه