الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 البكا بعد فوات الأوان ... شعر فنجري التايه ( أسوان )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الطيب الشنهورى
مدير المنتدي


عدد المساهمات : 8384
تاريخ التسجيل : 06/10/2011

مُساهمةموضوع: البكا بعد فوات الأوان ... شعر فنجري التايه ( أسوان )   الجمعة أكتوبر 07, 2011 2:42 pm

لبكا بعد فوات الأوان
فنجري التايه ( أسوان )
.................................................................
معلشي
حقك في رقبتي
وحياة من زرته سامحني
عارف إن أنا قصرت
صهينت في حقك
حتى رحلت
لو كان الموت بينبه حد
كنت جريت
قلت لك إني خطيت
ورميت راسي عليك
وبكيت
العيب من عندي
معلشي
عارفك مش طايق وشي
فاكر الناس زي زمان
كان الصاحب صاحب
يزعل منك
وبردو يودك
دلوقتي الصاحب
صاحب نفسه
لو صدقك مرة
التانية يغشك
دلوقتي الناس
وشك وشك
دلوقتي قيمتك
مش باخلاقك
قيمتك قرشك
شفت الحال
عارفك حزنان
وحزن الدنيا ماليك
سبت الحال والمال
ورحت تقول يا فكيك
مرضوك الناس
فندهت الموت يناديك
أهو خطفك منينا وهج
ولا حد اتصدر
ولا قاله سيب الحاج
سبحان الله
أجدع راجل
قدام الموت
خواف وجبان
لو يفلت منه يوم
يخافه باقي العام
فليه الناس
تديله أمان وتنام
معلشي
كان سفرك بدري
استكترت إنك تعاتبني
قمت رحلت
وحياة رب الكعبة
إنت استعجلت
ليه ... خايف الموت
ليعدي ورقتك
رحت ندهته
كان جايلك جايلك
بس في وقته
معلشي
كان نفسي أشوفك
قبل ما تمشي
بس إنت أبيت
أتاريك صعب
كان بيني وبينك
فركة كعب
لا نطقت باسمي و لا استنيت
كنت بإيدك حتى شاشيت
وقلت مسامح
ريتك ترجع
تمسح دمعي
وننسى امبارح
.......................................................................

_________________







أنا . من أنا ؟ : أنا في الوجود وديعة : و غدا سأمضي عابرا في رحلتي

أنا ما بسطت يدي لغيرك سائلا : فاغفر بفضلك يا مهيمن زلتي


********************


حسابي على فيس بوك :

https://www.facebook.com/elshanhoory


حسابي على تويتر :

https://twitter.com/shanhoory



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البكا بعد فوات الأوان ... شعر فنجري التايه ( أسوان )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: