الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 فن الواو والمربع للشاعر عادل صابر ( نقادة )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طارق



عدد المساهمات : 338
تاريخ التسجيل : 21/12/2011

مُساهمةموضوع: فن الواو والمربع للشاعر عادل صابر ( نقادة )   الخميس مارس 20, 2014 7:58 am


عاشق ترابِك أنا وكل الخـــــلايق شَــــهْـــد

دمّى فــداكى وقــلبى للمهيمِن شَـهْـــــد

مهمــا غـــوونى ماافــرِّط فيــكى ولااغشِّـك

وافطُــر بمشِّـــك ومن غيرك يغوُر الشَــهْــد

ـــــــــــــــــــــــــــــــــــــــــــــــــــــــــــــــــــــــــــــــ


سنة حول والجسم محلول

والــرب عـــالم شِى فــينا

لاتقوللى حقــــنة ومحلول

هــوَ باريــنــا وشــافــــينا

ــــــــــــــــــــــــــــــــــــــــــــ




دهرى غَمَــزْلى بعين النَحْـس ورَماشى

وزرعت عِرْش الهنا فى مقاتى ورَماشى

أنا كان مُنايا فى يــــوم الحـــال يتعَـدَل

أتاريـه نصيبى المقَنــدَل من ورا ماشى

ـــــــــــــــــــــــــــــــــــــــــــــــــــــــــــــــــــ


شوف عَز لاحباب صبحم فين وانا فانى ....( وانا فين)

زمنى رمــانى فى أرض الغُرْب ونفانى

اشكو اليك بلوتى ياللى ماليكش كفْوْ

ياصاحب العفـــو انت الحــى وانا فانى

ــــــــــــــــــــــــــــــــــــــــــــــــــــــــــــــــــــ

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   الخميس مارس 20, 2014 8:02 am


دنيــــا عجيبـــة تــلاقى الشهْــد خلابيها.....(خَل بها)

ياما غــوَت ناس وبرمــت فى الخــلا بيهــا

اوعـــى تصـــدّقها ياماجابت فتَــن وخـراب

والوقت كدّاب ضحك على ناس وخلا بيهــا

ـــــــــــــــــــــــــــــــــــــــــــــــــــــــــــــــــــــــــــــــ


كشف الطبيب ع الجرايح قاللى لساك حى ؟!

جرحــك مكَمِـكِم لا ينـــفع فـــيه دوا ولا كَي

انا قلت ياطـبيب كــان الواجــــب تطـــــمِّنى

قــولك قــتلنى لكن حاشفَى بأمــــر الحـى

ـــــــــــــــــــــــــــــــــــــــــــــــــــــــــــــــــــــــــ

الى ابنتى سهر ..شجرة التين التى نبتت فى صحراء عمرى
******************************************
لما يطــــول بيّا السفــر

ولاّ يغيب عنى القمـــــر

انسى همومى وابتسم

لما افتكر ضحكة سهـــر


ـــــــــــــــــــــــــــــــــــــــــــــــــــــــــــــــــــــــــــــــــــــــــــ


انا اللى تــــاه الصواب منى وتــاه فكراى

اسكن بــلاد الضَــما واهجر بــلاد الـراى

سـألت عـــالم كـــبير ميَّل عليــا وقــال

حتقضّى عمرك فى توهـة ياعديم الراى


ـــــــــــــــــــــــــــــــــــــــــــــــــــــــــــــــــــــــــــ


دنيا بتمـــكر بلا حـــدود

لو شمس طالعة وعسلها ...(اوعى سيلها)

ياما كَلْنا جوا البلـــح دوُد

وشربنا مُــــر ف عسلها


ــــــــــــــــــــــــــــــــــــــــــــــــــــــــــــــ


يجازيك يابخيل ماعارف الحلوة م الشّوُنـــة....(م الشينة)

ليِك كف ناشــف يجيب القـــرش م الشّوُنة

مــن فعْــل لاندال قلبنا فى الضـلوع اتشـق

لمَا بُوحـــنا بالحــق ع الباطلين – مَشّـونــا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   الخميس مارس 20, 2014 8:07 am


زينة العباية قيطان صوف

زينة المـــنازل عـــتبها

والــود زينته فى معروف

والناس يزينهـــا أدبهـا

ــــــــــــــــــــــــــــــــــــــــــــ


غرزت جاموسة الغــلابة وحـزنت المـواجـــير

وابن الأصـــول اشتغل عــند الهفــايا أجـــير

حــــظ البلـــيد انتصـــر ع اللى قــرا وكــتب

واللى احتمى بالخشب يستحمل المناشير

ــــــــــــــــــــــــــــــــــــــــــــــــــــــــــــــــــ


أمـدح نبى زيــن رمى حِــملُه التقيـل ع الله

شــرح لــه صدرُه ماخــلاّ فى الفـــؤاد عـِلاّه

أنزل لـــُّه جبريل فى ليـلة الإسِرا والمعــراج

رفعُـــه لسابع سمــــا وعنـــد الكريم عَــلاّه

ـــــــــــــــــــــــــــــــــــــــــــــــــــــــــــــــــــــــ


فاكـرين صحــــابة رسول الله وكــرَمهم

الصبر كان عندهم كالتمر فى كـــرَمهم

نشروا الرسالة وصبروا ع الطاغوت وبلاه

وذكـَـرهم الله فى القــــرآن وكــــرَمهم


ــــــــــــــــــــــــــــــــــــــــــــــــــــــــــــــــ

فاكـرين صحــــابة رسول الله وكــرَمهم

الصبر كان عندهم كالتمر فى كـــرَمهم

نشروا الرسالة وصبروا ع الطاغوت وبلاه

وذكـَـرهم الله فى القــــرآن وكــــرَمهم

ــــــــــــــــــــــــــــــــــــــــــــــــــــــــــــــــــ



دا زمــــان للــــدم بعــتار

ولكــل واحــــد نصـــــيبه

حتى اللى طاطَى وباع تار

بكــــرة المـــذلّة تجــيبه !!


ـــــــــــــــــــــــــــــــــــــــــــــــــ

لمَا فَـــج نــور النبى عبّيت لقلــبى بـراق

من يومها عايش ماخايف من رعـود وبراق

كيف ابكى وقت المحن ولاّ يسيل دمعاى

وانا معـــاى اللى أســـرَى للإلـــه ببراق !!
ـــــــــــــــــــــــــــــــــــــــــــــــــــــــــــــــــــــــــــــــــ


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   الخميس مارس 20, 2014 6:40 pm



بكرة تعيش فى الندم يامعــلِّى فى الواطيين

جـــرَّبت قــبلك انا ماتمــرشى فى الخاينين

حِــجرى فرشته حصير وعملت قلبى دكَـــك

واللى سكن فى البِرَك مايشتكيش م الطين !!
ــــــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   الجمعة مارس 21, 2014 7:33 pm


أُمى وابويـا شموس فى الضلمة أراضيـهم....(أرى ضيّهم)

قلبى كعــود الوفـــا مزروع فى أراضيـــهم

هُـمّا الفِــراش والغطا ..هُمّــا الدفـا والنـور

لو حتى سكنـــوا القبـــور واجب أراضيهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   الأربعاء مايو 21, 2014 2:16 am

ناقش على الوش ضحكة والهموم فى العِبْ
ماشى على الأرض واحلامى فى قعر الجـِب..........(الجُب)
لكــــن قليبى العـــويِّل بالحـــياة مفــــتون
يشبه لسجَر الزتون مهما اندهس حيشّب



م الخوف يموت الجبان لو حد قال له بِخ
والنفس كما طــفل تمنعها بقولة كِـــخ
بز الجاموسة طري تقسى عليه ينشف
وعالى ضهر الجمـل طبطِب عليه حينخ !!




العشق فى الـدنيا قِسمات
دايم كــــنوح الســــــواقى
كام ليلى فنيّت وقيس مات
والعشــق اهو لسـة باقى !!


يابو قلـب واخـد ماودَّى
للعايقـــة أم الجــــباير......(الأساور)
لا فيه كرْه اصبح مودّة
ولا حــب جـه بالجباير !!....(بالجبر)



أُصبر على الوقت لو جار
والـــود نشفت جــدورُه
دا التبـر بتـبـيِّنــه الــنار
والعـــود بيفيح بخــورُه


من كل عيلة نفر والسيف غشـيم قـتّال

والبيت منطّة وسقفه من جـريد وحـبال

فكّـرت اهاجــر لكن غـــارك بعــيد يانبى

ولا لاقى سكة (لعلى) ينجدنى م الأندال



أهل الـورا صاروا قدّام
عشنا وشُفنا العجايب
الحُـــر بيــدُق لاقــدام
والهلف ملِك الركايب!!



توب الحراير من الــــدود
عـــرَق البلح من رديُّـــه
والندل فى الدنيا بيسوُد
والقـــوم يعــلِّى رديُّــــه


انا اللى تـــاه الصواب منى وتــاه فكراى
اسكن بــلاد الضَــما واهجر بــلاد الـراى!!
ســـألت عـــالم كـبير ميَّل عليــا وقـــال
حتقضّى عمرك فى توهة ياعديم الراى












































أهل الـورا صاروا قدّام
عشنا وشُفنا العجايب
الحُـــر بيــدُق لاقــدام
والهلف ملِك الركايب!!


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   الأحد يونيو 01, 2014 11:20 am

محمود وبطـرس وعبدالحـق وشنودة
عايشين فى ضِل الوفا والإيد ممدودة
نبـنى ونـنـتج ونعـــــدل دفّــة القـارب
وننقّى غيط الأمل م الآفـــة والـدودة

ـــــــــــــــــــــــــــــــــــــــــــــــــــــــــــــــ


أحلف بصوت المَكن والشرشرة والفاس
والنيل وغـيط القصب وام الهـنا وعـبّاس
حتعيشى يا مصــر طول الدهر مستورة
وحتبقـى كلمــة ولادك للــزمن نبـراس

ــــــــــــــــــــــــــــــــــــــــــــــــــــــــــــــــــــــــــــــ

وبرغــم زمـــن البُـكــا لســـة باغــنـيـلك
وارقــد على الشـط واتمـدّد وابوس نيلك
وف ساعة الكـــرْب تلاقينى أنا الصــامـد
وف ساعة الحرب فارس فوق ضهور خيلك

ــــــــــــــــــــــــــــــــــــــــــــــــــــــــــــــــــــــــ




ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ






ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


البير نشف والمـــزاير كـــرهت المية
والفخ منصوب فى حنكه ألف قِمرية
رضعوا عيال نجــعنا بز الوجع ع الريق
والحلم فوق الطريق مقتول بلا ديّـة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


وعشان ماتبقاش معـرَّص
الهلــس لـــــزماً تـبـيـعُـه
لاتبقى مرصوص مع الرَص
ولا نـدل تبقــى تَـبـيـعُـه !!

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


الحُـــر هان ع الردى فى ارخص مزاد باعــه
ونسى اللى ضمُّه فى يوم وفرَد عليه باعه
يشــبه لتعبان ومتــرّبى فى كُــــن حــــمام
لابد ينسى الجــــميل ويحــن لطـــــــباعه !!!

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

العشق فى الـدنيا قِسمات
دايم كــــنوح الســــــواقى
كام ليلى فنيّت وقيس مات
والعشــق اهو لسـة باقى !!

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أُصبر على الوقت لو جار
والـــود نشفت جــدورُه
دا التبـر بتـبـيِّنــه الــنار
والعـــود بيفيح بخــورُه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من كل عيلة نفر والسيف غشـيم قـتّال

والبيت منطّة وسقفه من جـريد وحـبال

فكّـرت اهاجــر لكن غـــارك بعــيد يا نبى

ولا لاقى سكة (لعلى) ينجدنى م الأندال

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

توب الحراير من الــــدود
عـــرَق البلح من رديُّـــه
والندل فى الدنيا بيسوُد
والقـــوم يعــلِّى رديُّــــه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا اللى تـــاه الصواب منى وتــاه فكراى
اسكن بــلاد الضَــما واهجر بــلاد الـراى!!
ســـألت عـــالم كـبير ميَّل عليــا وقـــال
حتقضّى عمرك فى توهة ياعديم الراى









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   السبت يوليو 19, 2014 11:02 pm

ياما خطايا غفــــرْها

ومحــــاها رب البرايا

دنيا وسرقت غفرْها

باتوا ف دركْها عرايا !!!

**********************

للخـــــلق ربك هَــــداها
وجــعلها ف ايام أواخـــر
لجل اللى يُسلك هُداها
لاشك فــــاز بالأواخــــر !!!

**************************

أهل الـورا صاروا قدّام
عشنا وشُفنا العجايب
الحُـــر بيــدُق لاقــدام
والهلف ملِك الركايب!!

****************************


*************************************************
واجب على العبد يسعى
وان قَــل عيــشُه يهــاجر
ربـك يعيــن اللى يسعى
شَـــق الحجـارة لهـــاجر

************************

يالابس الــــدنيا عــريان !!
حتعيش حياتك فى توهة
غـــرِّت مــوالى وأعــيان
راحوا فى غفلة وفاتوها !!

****************************

من غَش ياصاحبى يتغَش
ولا يدرى مين اللى غشُّه
الــسم لحمـــامُه يتـرش
لو حتى كارِك فى عِـشُّه
********************


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: فن الواو والمربع للشاعر عادل صابر ( نقادة )   السبت يوليو 19, 2014 11:08 pm

واللهِ ماهِي بقـــــولك
والرزق مش بالشطارة
يــد الشقا لو تطــــولك
ماتلقَى منها بَصــارة !!!







مهموم فى صغرى ودلوقت
وهمومى رفعــــالى رايــة
دا انا كل ماارمح من الوقت
الوقــــت يرمــــح ورايــــا !!!








يا مايا لمي عيالك من علي الرصفان.
زي اليتامي اللي جوفهم حن للرغفان.
رميانا يا امه وبابك ع الدوام مردود.
بتوطي ليه للاسود وبترفعي الخرفان.

من كتاب بحر الدميره للشاعر الكبير/عادل صابر





رغم الهموم والجــفا وايامـنا العرجــا
وجرحنا اللى صبح أوسع من الحرَجة
جميزنا لسة بيطـرح عشق وطــيابة
ولسة ناسنا الغلابة بيلعبوا السِرجة !!



على كعب بوص الدُرة رسم الزمان صورة
لصبية سمرا ورابطـــة الحـردة ع القــورة
الاسم خضــرا وفرحـــانة وســـت الناس
عاشت الأسامى لكين الأصــــل منصورة












وف بطن ليل الهموم صوتِك فى ودنى ونيس
أمشى ف غيطان الدُرة وارقد على الدرابيس
ومهما جـــــار الزمن يامصـــر عمرى مااخـون
راضــى بحــــلال لقـمتى لـو كَـلتها بسريس


























البير نشف والمـــزاير كـــرهت المية
والفخ منصوب فى حنكه ألف قِمرية
رضعوا عيال نجــعنا بز الوجع ع الريق
والحلم فوق الطريق مقتول بلا ديّـة





الحُـــر هان ع الردى فى ارخص مزاد باعــه
ونسى اللى ضمُّه فى يوم وفرَد عليه باعه
يشــبه لتعبان ومتــرّبى فى كُــــن حــــمام
لابد ينسى الجــــميل ويحــن لطـــــــباعه !!!





العشق فى الـدنيا قِسمات
دايم كــــنوح الســــــواقى
كام ليلى فنيّت وقيس مات
والعشــق اهو لسـة باقى !!



أُصبر على الوقت لو جار
والـــود نشفت جــدورُه
دا التبـر بتـبـيِّنــه الــنار
والعـــود بيفيح بخــورُه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فن الواو والمربع للشاعر عادل صابر ( نقادة )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: