الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 واوات ومربعات للشاعر عادل صابر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
منصور



عدد المساهمات : 92
تاريخ التسجيل : 21/12/2011

مُساهمةموضوع: واوات ومربعات للشاعر عادل صابر   السبت نوفمبر 02, 2013 1:22 pm



رغم الهموم والجــفا وايامـنا العرجــا
وجرحنا اللى صبح أوسع من الحرجة
جميزنا لسة بيطـرح عشق وطــيابة
ولسة ناسنا الغلابة بيلعبوا السرجة !!

>>>>>>>>>>>>>>

ن فعـــل ليـّام مـــهمــوم

وعيـــونى دايــــماً بـــواكى

خـايف يابلـــدى يجي يــوم

يبقى الدقيق فى البواكى!!

<<<<<<<<<<<<<


لما تاخـــدنى المطــايــا

باخد رغيفـك فى بــاطى

والـقى نخــيــلك ورايــــا

يسندنى ساعة شُباطى

<<<<<<<<<<<<<<

ماشيـة تهّز فى فـلَـكْها.......(اكتافها)

والحجْـل ع الرجل قــافل

والدنيا نجمة فى فلَكهـا

والله يـعــيـن المغـــافل!!

>>>>>>>>>>>>>>>

إمشى مـع الـدرب لـو دار

واوعـاك تلـوف ع الـمداخل

وابعــد خـطاويـك عـن دار

لــو تلمـح الهـلــف داخـل

<<<<<<<<<<<<<

نظرة بعيــن الرضـــا ياام الخــدود عنّاب

من يوم هويتِـك ماعـارف الخوخ م العناب..........(م العنب)

عايقــة يابكْــرة عـرَب ملفوفة بـمـلايــة

خلّـيتى كـل الصبايا يقرطــــوا ع النــاب

>>>>>>>>>>>>>>>>>>>>

انا المسـيح اللى نصبولى صليب العـــار

وانا الخليل اللى حـدفونى فى قلب النار

كان نفسى اقول الوصايا واحطِّم الأصنام

خـانّى اليمام ولاعشش فى باب الغــار !!

<<<<<<<<<<<<<<<<<

زمنـى رمـــانى وجــات الرميـــة ع الخـالى

على الخسيس اللى كـنت أقول له ياخالى

الله يجـــازى الظـروف حــوجتنى للعـــايب

والقلب خـايب وكَـــب السمــن ع الخـالى

<<<<<<<<<<<<<<<<<<<<<

يافرح امتى الرجوع
فى القلب والله وحَشْنى
القلب حاسس بجوع ...........(( بوجع ))
والحزن جوايا حَشْنىَّ ............ (( قطعنى ))

<<<<<<<<<<<<<<<<<<<<<<

الدنيا ماتسوى مركوب
أُعفص بقدمــك عليها
والخلق راكب ومركوب
وواطيها حصَّل عاليها!!

الدنيا للآخرة مركوب
سفينة ونعدى بيها
تسقيك منها مُر كُوب
وفى الآخرة حلو تلاقيها

الدنيا هازم ومهــــــــــزوم
قداره بت الرديـــــــــــــــه
وكلابها ع الحر بتــــــــزوم
قاتلاه ولا لوهش ديـــــــه

<<<<<<<<<<<<<<

حااوقَف بشوبتى وادافع

ومن قـال كلمة دراهــا.......(أدرى بها)

فيه ناس حداها مدافـع

لكن تخاف من دراهــا !!.......(ظِلّها)

>>>>>>>>>>>>>>>>>

قلنالها نَعَمين وماشى

ولا حـــد مرة جــلَـمها .........(جه لمّها)

سيقانا كيف المواشى

وتقُــص فينا بجــلَـمها !!......(الجلَم مقص كبير)

>>>>>>>>>>>>>>>>>>>>>>>>


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: واوات ومربعات للشاعر عادل صابر   السبت نوفمبر 02, 2013 1:23 pm

حوار تخيلى بين ابن مغترب وأمه التى تقطن بعيدا عنه
************************************

{ الأبن }

البُـعد يـــاامّـــــايـــــــا حــــرَّاق

البـحـــر مايطــــــفِّى نــــــــــاره

والقلـــب وارم مايـــــــوم راق

عيِّـــل وتـــــاه عـــــن ديــــــاره

{ الأم }

البحـــــر مايــطْــــفى لاوجـاع

والفرقة نارهـــــا فى دمُــــــه

دا الزول فى الغربة لو جاع

يحلم بكِسرة فى ايد امــــه

{ الابن }

الغــربـــة يامّــــايـــا تُـــربــــــة

لم فيــهـــــا أهــــل وقـــــرايب

عايش وفى القــــلب تربـــــــة.......(ترباية)

ودموعى تمـــــلا قــــرايــــب

{ الأم }

سنة حول مابعتّ جوابـــــات

والدمــع دوَّب جــــفـــــــونى

والحزن ياوليدى جاوبــــــات

حتى الحبـــــايب جَــــافونى

{ الابن }

مايهـــوِّن الغـربــــة مكتـــــوب.......(جواب)

ليلى نهـــــــارى مافــــــــارق

دا البعد يامــــــايّا مكتـــوب

واللـه يعـــــين المــــــفـــارق!

{ الام }

قربك ياولــــدى وحــــشنى

والبعد كــــادنى وضنــــايـــا

مامنعنى عنــــك وحــــاشنى

إلا السفــــــر ياضـــــــنايــــــا!!

{ الابن }

ياليل فراقــــــكم ماطــــولان!!

قمــــر البــنـــــادر مابـــــارد!!

والدهــر ياامّـــه مايـــــوم لان

سكـــين وسـنّوه مبــــارد!!

{ الأم }

من يوم ماطيفك علىّ غاب

ودمـــوعى نازلة ما-سائــــل

والدار صبحت كما الغـــــاب

والكــــل عنى ماســـائــــل

{ الابن }

ياالهم ساعـــــة المغــــارب!!

الحــزن ياجــــى بِِلَـــــمُّــــه

والـــقى قليـــبى مــــــغرِّب

مين اللى ينفــع بلا امـــــه؟!

{ الأم }

الهـــم حسَّـــــاه وداريــــــاه

فى البعد مين اللى فرحة؟!......(فى راحة)

لكن فى قلـــبى مداريـــــاه

وبااغطّى حـــزنى بفرحَــــة!!

{ الابن }

البعــــد ياامـــــه وجــعـــنى

ولا قـــادر احـكى واحــــاور

فى القلب لسة الوجــع نى

يشبـــه لكــــوْي المحـــاور!!

{ الأم }

بعــــدك فى قلـبى مسامير

والبين هلكنى وشجــــانى

كام صبح عــدَّى ومسامــير

ولا مـرة منك شى جـــانى

{ الابن }

لو نمت شــــوقى يناجـــينى

واحلم بــــدارى ومِــــــلاقــى

والمَـح خـــــيالك ياجـــــيـنى

واجـرى أضمِّك مــــــاالاقى!

{ الام }

شفتك وبتبوس يــــــدْ امّـك

فى الحــــلم منى قــــريِّــب

أجــــرى بشـــوقى واضـمَّك

وأقــــول وليــدى الحــــبيِّب

{ الابن }

يادى المقــدَّر ولاوعـــــــاد

والعـــمر يرمـــــح مـــادارى

لــــو رد زمـــــنى ولو عـــــاد

مااهجـــــر عيــــالى ودارى!!

{ الام }

أيش خدْت م الغـــــربة وادّيت

وايه اللى بــــاقى وفـــــاضلِّك

حتى عيـــــالك مــاودّيــــــت

ولا مرة نامـــــــوا فى ضلّـــــك

{ الابن }

كـــنُّه زمــــــانى خـــدعــــنى

ماخابرش ليه قلبى خـــــايف

خَد عمرى يامّـــــه وخــــدعنى......(خد عينى)

واللـهِ يامّــــــه ماشـــــــايـــف!!

{ الأم }

مُسرَع مابعـــــترت زمـــــــنك

ولــ ..وين هـــــربت سنيــــنك

مجــــروح والبـــعــــد زمـــنك

لم خــــــلـَّّف الا أنــيـــنــــــك!!

{ الابن }

ياما جبْت ع الجرح ولبخـــــت

والجــــــرح مكران ماطــــايب

لا لقيـــتلى لا حظ ولا بخـــت

وعزولى فــاز باالمطــــــايب!!

{ الام }

النفس ياوليــــدى صـــــدِّت

وقلوبنــــــا صــارت عــــلايل

راحـــت الدراهم وصــــدِّت

وايـــام حياتنــــــا قـــلايـــل

{ الابن }

كنت اجعل المـــــال حيكْــفى

ويكون عــــواضى ومقــــــامى

جـــا البعد يعــــــدْل ويكـــفْى

والغربــــة قــــلِّت مقــــامى!!

{ الأم }

ياك تجعل المــــال حيشفيك

لو جـــــه فى مـــرة عيـــــالك

ياوليــــدى عمــره مايغــــنيك

ويعوّضــــــك عـــــن عيـــــالك

{ الابن }

ياامايــة ريحـــــــكم واتـــــانى

والبــحـــــر موجُـــــــه مهــــاوِد

ماحـــــاارّد للـــبعــــــد تــــانى

وان يوم ندهلى مااهــــاود!!

{ الأم }

كم حول ياكبدى ماريتـــــك

وباعيش بسيرتــــــك وسالك

ارجع ياولـــــدى لمريـــــتــك

دوَّبهـــا شــــــوقها لوصــــــالك

{ الابن }

البُـــــعــــد يامّــــــة ورم حــــى

فى القلب يُهــــــدُر ماناسى

من بعــــد تعـــــبى ورمــــحى

راجــــــع لأهــــلى ونـــــاسى

ـــــ
مهما تاخــــدنى المدينـــــــة

زى النسيـــــــم تـــوحــــشونى

راجـــــع وقلبى ســــفينـــــــــة

من حـــــضنكم ماتحــــــشونى

من حـــــضنكم ماتحـــــــشونى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: واوات ومربعات للشاعر عادل صابر   السبت نوفمبر 02, 2013 1:23 pm

ياللى بنيت فى الوطَا خلِّى الحيطان داير .....(داير مايدور)

فى الفجـــر كلب الـردى بين البيوت داير

يفــسد عــليك اللبن وينجِّس المواجــير

ويدوس علــيك الهــتير اصله حجــر داير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: واوات ومربعات للشاعر عادل صابر   السبت نوفمبر 02, 2013 1:26 pm

دنيـــا تفـــرّقــنا تفـــريــق

وتفـــوتنا عــند المَــــفارق

رخصانة ماتساوى تَف ريق

ليه تحـــزنوا ع المِـــفارق ؟!

********************

من خَد على العيب مايسلا

حتى ان شبع بعد جــــوعُه

شجـــر البرك مهما يعــــلا

فى الوحــــل طابّة فـروعُه !!

***************

الحُـــر محزون لبخـــتُه

فى الحق اوعوا تلمُونى

الهلف طــرحت لبخــتُه

وانا اللى هيَّف لمـونى !!

******************

نايمين فى نعش الوطن مابين قتيل وشهيد

وانا لســة واقـــف باراقب ندهـــة المواعــيد

قلبى البري كـان زمــان فيه الأمــل فـدادين

دلوقتى عايش حزين مستنّى كفن العــيد !!

***********************


وعملت فيكى رفـاعى

وقليبى بالمُــر حــاوى

ع الارض كتروا الأفاعى

بيِّن شطارتك ياحاوى!!

*****************


ع الضَـهر شــايل حمــولى والطـريق قيـلة

محنى وكـتفى اتهــرَى من حــزّة الشيـلة

والجرح كَمكَم فى جـوفى لم لاقيله طبيب

والبـلوة مش م الغريب ..انا بلـوتى العيـلة !!

***********************

الصبح عميّت عنيه والليل دا أمــره غريب

خلَّى عـنيز نجــعنا بايـته فى باط الـديب !!

فى العشة نايم انا مغروز فى صدرى وتَد

إمتَى يانخــل البلد جــرح الخيانة يطيب ؟!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منصور



عدد المساهمات : 92
تاريخ التسجيل : 21/12/2011

مُساهمةموضوع: رد: واوات ومربعات للشاعر عادل صابر   السبت نوفمبر 09, 2013 4:55 pm

وَه وه ياهـــول البـنـتّـة

ع الصـدر فتحوا العـباية

الواحدة عشقالها ستة

دا فُجْــــر ولاّ هــــواية؟!

....................................


مامعاى غير الحب رسمال

ربحان فى أجمــل تجــارة

كام قلب رقرَق وراس مال

دا انا قلبى بيت للفقــاره

.................................................
.................................................


لاتلوُموا على بَحّة الناى

وفـــوتوه ينـــوِّح لهمُّــه

يسهر طول الليل بكّــاى

مخنوق على فرقة امُّـه !!

..........................

العشق فى الـدنيا قِسمات

دايم كــــنوح الســــــواقى

كام ليلى فنيّت وقيس مات

والعشــق اهو لسـة باقى !!

.....................................

إرمــح من النـدل بالحــيل

دا ف باطــنُــه لك حــــزازة

واللى ماتلقــاه فى الليــل

فى الصبح ملهوشى عازة

................
......................
..............................
مع تحياتي
محمد منصور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
واوات ومربعات للشاعر عادل صابر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: