النــدل كــام حُــر عـنبـيه
حــرْمات بعـــينه بصلْـهم
فى البيت مسروق عنبيه
وسرق من الناس بصلهم!!
>>>>>>>>>>>>>>
النـــدل تــوبُـه مـاقــالعــو
وســــعان وعــــايز رفـــيّة
لو كلب فى السكة قال عَوْ
يكـــمش ويتــدارى فـيّـــا !!
>>>>>>>>>>>>>>
حُـطُّــلُّه فوق القفا-طين
اللى يطاوع الحـرِمّــــة
من بره راجل بقفاطين
وف بيته يشبه لرِمّـــة !!
<<<<<<<<<<<<<
إحجل عليها ياحجّـــال
وبسمَّك اخلُط عسلها
فى كل حوداية دجّــال
مـيتا حـينزل عســـلها ؟!....(عيسى لها)
<<<<<<<<<<<<<<<<<<
عَــرّفـــته أصلِى وفصــلى
فى الشدة قلت يواسينى
وانا كنت فاكــر انه أصــلى
أتاريــه تجــميع وصــينى !!
<<<<<<<<<<<<<<<
بين الأحـبّه ماعاش عــيب
حااوزن كـــــلامى وابــتُّــه
لمَا كَنْ موسى مع شعيب
بالصـــــبر جـــوَزلُـــه بـتُّـه
<<<<<<<<<<<<<<<<<
معروفى هـــــيِّــف ومارَتـاش........(ماتمرش ولم يجدى)
ريـت الخــسايس ماكـــــانوا!!
زى العــــــلاج اللى مـــارَتاش......(لم يشفى)
الطـــــب يوصــــف مكـــــانُه
<<<<<<<<<<<<<<<<<
تقلت حمولهم ماقالّين
والبخل ع الوش طافى
ضلمة يابيت المِقــلّين
من تمّــة النجـع طافى
<<<<<<<<<<<<<<
مرضــك ماعـارفله طــيّاب
وانتى ماراضــيــة تـتـوبى
لما فـــر توبك فى طــيّاب
بتدارى فُجـرك فى توبى!!
<<<<<<<<<<<<<<<<<<
ضيعت ياندل 100 سـبت
وانا كنت حــافظ معــادى
تترجَّــى فيا لمَا اتسَـبْت
ماخلاص مشَت المعادى !!
<<<<<<<<<<<<<<
من خَد على العيب مايسلا
حتى ان شبع بعد جــــوعُه
شجـــر البرك مهما يعــــلا
فى الوحــــل طابّة فـروعُه !!
<<<<<<<<<<<<<<<
العقل منى جناين
والندل قاعد فى غشه
بشبه حشيش الجناين
ياخذ النقايل فى وشه
<<<<<<<<<<<<<<
اللــبوَة بتحـــب نسـناس
وخـــروف معـاشر ديـــابة
حيّرنى ياخى هوى الناس
دا لــــؤم ولاّ طــــــــيابة ؟!!
.................
الواوات للشاعر عادل صابر
وسلامتكم
موضوع: آه من الندل 
الأربعاء أكتوبر 23, 2013 8:48 am