الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 من فن الواو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: من فن الواو   الخميس أكتوبر 17, 2013 10:18 am

من فن الواو والمربعات
للشاعر عادل صابر


صـلوا معـــاى ع التُهامى

صاحب الرسالة الشريفة

طــه الـبَرى م التُهـــامى ..............(من التُهم)

أصـــل العـروض النضيفة




من خَد على العيب مايسلا

حتى ان شبع بعد جــــوعُه

شجـــر البرك مهما يعــــلا

فى الوحــــل طابّة فـروعُه !!



العقـــل مــنى جــناين
والندل قاعد فى غشُه
يشبه حشيش الجناين
ياخد النقايل فى وشُه !!








اللــبوَة بتحـــب نسـناس

وخـــروف معـاشر ديـــابة

حيّرنى ياخى هوى الناس

دا لــــؤم ولاّ طــــــــيابة ؟!!




وأدينا جـِرسة بقينـا
والنحس جانا ولغـانا
والخلق ركبت فوقينا
وطّـينا حتى لغـــانا !!




عــديم التـَنا لمّا يدفَى

ينفخ ندالته فى وشك

زى العــاقول لمّا يعفَى

تاجى تحشُّه يحشّك!!




لمــَا شُفنـا وجْــه الحبايب بوسنـا وجْـنـــَاهم

طـــارحين كشجـــر الوفـــا والنـدل ماجَـناهم

وقـــت الشــدايـد بــنرمى الحِــمْل عنـديهم

مـن شوقــــنا ليـهم تركنـا الكـل وجــيـنـاهم




بعدك عنى زاد الهـــــــــم ...........قالو لى خِلك جه زوره
لما تمر على الموردة إلهام ..........السُنط يهمل جزوره




سوق الشهـامة جـبَر .. سوق الخساسة عَـم

والهِِلـف ماشى عــلى السكـة مطنــقِِــر عَـم

أرض الـوداد كــــدَّبت طلِـــع الهــالـوك فـــيـها

وياتعسة اللى مشى ف درب الحيـاة بلا عَـم



ماجاعلش فى الأرض طرْشات ......(طريش)

وورايــا قــــدرى ماشــفــتش.......(ماشى يفتش)

عمـــيّت عــيونى وطرشــات

ساعة المقـــدَّر ماشفــتش!!




وان كـــان فقـــرك باقــيلك

تغـــرُز معـــاك المعـــــادى

فى الطــير نايــبك ياجـيلك

تاجى وقعتك فى الحدادى !!



الحُـــر محزون لبخـــتُه

فى الحق اوعوا تلمُونى

الهلف طــرحت لبخــتُه

وانا اللى هيَّف لمـونى !!




نايمين فى نعش الوطن مابين قتيل وشهيد

وانا لســة واقـــف باراقب ندهـــة المواعــيد

قلبى البري كـان زمــان فيه الأمــل فـدادين

دلوقتى عايش حزين مستنّى كفن العــيد !!




غلبان من يطبخ الفاس ...............و عايز مرق من حديده
غلبان من يعاشر الناس .............. ويريد من لايريده




غلطان من عاشر الديب

ولا همُّـــه نُصْح وملامة

لو مـرّة يغـفل ولاَ يغيب

على بيته يالَّه السلامة!!




السُنط يعـتب على التين

جـدرك نفَـد فى حــشايا

قال ياما فيه أُصَلا ساكتين

لم ردّوا يـــوم ع الهفـــايا




قالولى ماتقول ياشاعر- قلت مش رح اقول

قالوا لسانك خِرس؟! انا قلــت لا مشلول !!

لمس الطبيب جتّـتى قال فاقد الإحساس

دِلِّــونى ياناس انا القــاتل ولا المقتــول ؟!




ابن الهفيّة مـالك بيـه

ماتتعب الا فى شيلُه

إوعى فى بيتك تربيه

يكــبر ويلــعب بديـلُه!!




ع الضَـهر شــايل حمــولى والطـريق قيـلة

محنى وكـتفى اتهــرَى من حــزّة الشيـلة

والجرح كَمكَم فى جـوفى لم لاقيله طبيب

والبـلوة مش م الغريب ..انا بلـوتى العيـلة !!

study 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من فن الواو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: