الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 من واوات ومربعات عادل صابر

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
طارق



عدد المساهمات : 338
تاريخ التسجيل : 21/12/2011

مُساهمةموضوع: من واوات ومربعات عادل صابر   السبت سبتمبر 28, 2013 6:19 am

وعملت فيكى رفـاعى

وقليبى بالمُــر حــاوى

ع الارض كتروا الأفاعى

بيِّن شطارتك يا حاوى!!

....................................

صَنـــْف الطــحــــين يتعــــرف ويبــان مــن ردُّه

وان كـان ســــؤالك قبـيــح حــيـبـــان مــن ردُّه

كُـــــل البــــلايــــا لابــــُد يكــــون لها أسبــاب

واللى فـــتَح بــاب خراب... واجــب عليـــه ردُّه

..................................................

من بحـر نيلك رضعنا
ومشينا م الدير لبنها
واحنا عــيالك ماجعنا
فـيه ام تمـنع لـبنها ؟!!

...........................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:19 am

الطـــمــــــاطـــــــــم"
"فى ظل رخص سعر الطماطم فى قريتنا كتبت هذه المربعات الفكاهية بناءاً على رغبة المزارعين"
*****************************
ياحَـــــــمـــرةكانــــــت أمـــالى
أفـــــرح واكــــيـــــد الأعــادى
ضيّـــــعْت عقـــــــلى ومــــالى
ولا جبتى حـــــــق العدادى
ـــــ
ياما جبت ياحمرة كبريــــت
والـــلــه ماخـــلّيت شكــاير
والجـــسم ولَّـــــع بكـــــبريت
ولا بيّا جـــــــوع العقـــايـــر!!
ــــ
كان نفــسى اجـــــــوِّز ولادى
وابنى بفلــــــوسك عمـــــارة
لا طُلْـــت لا- دى ولا- دى
ولا نابــنى غـــير الخــــسارة!!
ـــــ
كام ليكى تاجــــر وسمـــسار
ياما ذلّـــوا بيكى خــــلايــــق
أتاريكى فى الحلق سم سار
لجلك رهنت الخــــلايـــــــق
ــــ
ماجبتى ولا حق لانـــفــــــار
وخسارة فيكى القِــــنايـــــة
لو شمك الجحش ل..نفـــار
وتـــــرَب بصاحبه القنايـــــة
ــــــ
غشّتنى حُــــمرة خـــدودك
وخدعنى طــــــول السرايب
محروق أبوكى وجــــدودك
صبّحتى بيــــتـــنا خـــرايب!!
ــــ
كان عشمى ابيعك بألوفات
مالحقت حـــــتى قروشــِك
زمنــك ياغنــــدورة ولو-فات
بيمين لااقلِّع عــــروشـــك!!
ــــ
على قدمى يامــا مشــيتـــلك
ورقيت عليـــــكى رقــــــــاوى
وحلفت تـــــــانى ماشـــاتلك
تحــــــرم عليّـــــا التقــــــاوى
ــــ
ونصبت قال خيمة وشالوش!!
لجلن تكيدى عــــــزولــــك
ضحكوا حبايبى وماشالوش
ولا جُــــم فى مرة عازولـــك
ـــــ
طول عمرى متعوس وفقرى
والخيبة رفعــــــالى رايـــــة
وحااعيش فى همى وفقــرى
طول ما الطمـــاطم ورايـــــا

كنتى زمان ناصبة ضهـــــــرى
كان ليكى قيمــــــة وهيـــبة
منيكى حـــــــوّشت مـــهرى
عشقــتنى لجـــلك وهيبــــة
ـــــ
زمن العجـــايب ما له امــان
بـيــبهـــدل الحُــــر فينــــا
ضــحَّك عليكى البرنجــان
وانتى ياحـمرة حـزينـــــــة!!
ـــــ
م الغلب ياحـــمرة حَـرجان
وقميصى ع الكتــف رايط
ياريتنى سُقْتِك بُرنــجــــان
لكن اعمل ايه فى الورايط
ـــــ
ياريتنى كان سُقْت قلقــاس
ماكانشى عقلى فى وَشاشة
ولا عذت جانى ورصّــــــاص
ولا بلصة ساعة الــوِشاشـة
ـــــــــ
كان مالو لوسُقْت ضعضــيع
ولا دِفـــرة لجل البهــــايـــم
ماكنشى حالى فى ضعضيع
ولا عشت فى الغلب هايــم

القلــب م القــــهر شطّـــــة
من همى يالله الســلامــــة
بالذمّــة لــو سقت شطّــــة
كان عشْت عيشة النــدامــة
ـــــ
الفـــقر وبرك لى فى البيت
راقـــد وفـــارد باطيـــنـــــه
لا اتجــوز الواد ولا البـــت
والعجل وحـلان فى طينه!!
ـــــ
لا خدت منك ولا اديــــت
ولا لاقى حق الدقــايــــق
وكأن يابو زيد ماجـــــنيت
غير مسخـرة م الخـلايق!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:25 am

سبحــانـه فـنَّـنــهــا فـنِّـيـن

وخــــلـق جــمــالـهــا وقـدَّر

ونقشها فى الروح وف النّين

والعشق ع الناس مـــقــدَّر!!

..........................

الليل دَغـوُش والبلد غـرقانة حــواريها

دا دمع نيلها اللى سال ولا دم اهاليها ؟؟!!

يانوح سفينتك ورق والبـحـر قـايد نـار

ولسة جيش التتار بيحــش اغــانيها !!

...................................

يانخلة والدون حلَبها

لم خلَّى فيها رطايب

دنيا بترفــع حـــلَبها

وتعلِّى وِلْد القحايب !!

............................

دى ضحكة ولا ظرف صايب؟!

دى ديــــابة ولاّ عســـاكر؟!

دا شــيخ ولا ندل شــايب؟!

دى فتوى ولا جـــرح ماكر؟!

..................................

ع الضَـهر شــايل حمــولى والطـريق قيـلة

محنى وكـتفى اتهــرَى من حــزّة الشيـلة

والجرح كَمكَم فى جـوفى لم لاقيله طبيب

والبـلوة مش م الغريب ..انا بلـوتى العيـلة !!

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:28 am

الصبح عميّت عنيه والليل دا أمــره غريب

خلَّى عـنيز نجــعنا بايـته فى باط الـديب !!

فى العشة نايم انا مغروز فى صدرى وتَد

إمتَى يانخــل البلد جــرح الخيانة يطيب ؟!

...................................

ابو وش يشـبه ل ملــتوت

محـــلا كــلامه وســنطُه

لمَا طل ع السكة مال توت

والجــسر هاجَـر بسـنطُه

...............................

كشف الطبيب ع الجرايح قاللى لسّاك حى!!

جـــرحك مكـمكِـم لاينفــع فــيه دوا ولا كىّ

انا قلـت ياطــبيب كــــان الواجــب تطــمنِّى

قــولك قــتلنى لكن حااشفى بأمــر الحـى

..........................................

انا المسيح اللى نصــبولى صــليب العـار

وانا الخليل اللى حدفونى فى قلــب النار

كان نفسى اقـول الوصايا واحطِّم الأصنام

خــانّى اليمـام ولاعَشّش فى باب الغـار !!

.........................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:29 am

ليه الحمام ع الشجـر ناح

وهجَــر قادوسُه وبراجُــه

مين اللى جاله وقال حاح

كان نفسه ياخد مهاجُه!!

..........................

حق النبى لتضحكى وكفاية من قهرك

خلاص حرقنا الجراد اللى قطف زهـرك

روحـنا ودمــانا فــدا للى هــواها أَمَــر

حالفين نجـيب القـمر ونقـدِمه مهـرِك

......................................

ع الضَـهر شــايل حمــولى والطـريق قيـلة

محنى وكـتفى اتهــرَى من حــزّة الشيـلة

والجرح كَمكَم فى جـوفى لم لاقيله طبيب

والبلوة مش م الغـريب ..انا بلــوتى العيلـة !!

..........................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:30 am



الحــــلم يامـصــر عــريان

والـــريح شرَكـت قـلوعـك

ياشجـرة ركـبوها جــديان

مين اللى يحمى فروعك ؟!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:32 am

رب البرايــا فى عَــرشُــه

حمّـل نبـيـنا الرســـالـــة

والزهـر صلَّى فى عِرشه

والطير سجدله ورَسا لَـه...........(رسى له)

.........................................

خايف قوى م اللى جاى وباقول يارب استر

اوسوس الصــبر يزْعَــقلى : ياعـــم اصــبر

قوم اغتسل م الزَبَط وامسح عنيك م الدود

والــرب موجود يشيل من راسك القُــشبُر

..........................................

احــــنا ولاد الســـــــبيل ...........(نجع السبيل)

مين فى الرجولة يساوينا

راضـــعين بــزاز النخــــيل

والنــيــل مكـــحِّل عــنينا

.........................................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: قصيدة الحرجة   السبت سبتمبر 28, 2013 6:33 am

قصيدة الحرجة

انا مغرب
وطالع بكرة ع الحرجة
حااروح الزرع واتمردغ
على الدرابيس
واتغدّى بعيش قيضى
وجبن اخضر
وجِدْع سريس
وانسى هدة امبارح
واركب نخلنا الطارح
واجنى الطايبة والمقْرش
وارمى الصيِص
حااقوم من نومى فجّارى
واترك فرشتى ودارى
واهرب م البلد والناس
واهجر قلمى والكراس
وتعب اليوم
واقلع توبى ومداسى
واسند ع الخدِيم راسى
واروح فى النوم
والملم م البيوت عمرى
وأعزف ضحكتى ع الناى
والحّن غنوة القمرى
وادارى عن غنايا بكاى
وحين يعوى فى قلبى الخوف
اروح واقعد مع جهلان
ونتسلى بحكاوى زمان
وسيرة عمرنا اللى فات
واخد وش بالمحرات
واهِتْ على البقر يرمح
وانده ع الشجر يطرح
وأتصاحب على القردان
واقوم واقلع بسروالى
وأفرش ع العزِيق شالى
وساعة الدنيا ماتقيّل
ضِلال السنط يحلالى
***
انا رايح خلاص بدرى
حاافرّغ كل ما ف صدرى
وارمى الهم فى المروة
وتعب البال
وشوم الحال
وقلنا وقال
وانسى خنقة الشارع
واصرّخ فى الخلا الواسع
بعزم الصوت
واكوّع تحت شجرة توت
لاتمنعنى حيطان ولا باب
وأفرد باعى للطيّاب
واشوف البت نوارة
وادندن ليها كام موال
وهى تشوفنى تدارى
وتتلتّم بطرف الشال
***
انا ماشى وادينى نويت
كرهت الزيطة والدوشة
كرهت البيت
كرهت سريرى والفَرشَة
وحيطان الزيت
وحشنى رقادى فى العشّة
وبراح الغيط
انا رايح....
كرهت الحزن ودموعه
وعض الجوع ومر الزاد
كرهت الفرْح وخضوعه
كرهت بلاهة الأعياد
حااروح الحرجة واتمطّع
وأرمح رمحة همجية
وأصرخ صرخة بدائية
وحالف للديار ماارجع
واخلّى العيشة هلامية
****
بقالى كام سنة باضحك
وضحكتى صفرا دحلابة
بقالى كام سنة باافرح
وفرحتى فجّة قلابة
بقالى كام سنة باازرع
وزرعتى ضلة كدابة
بقالى قد كيف مشتاق
اقول القولة بعبلها
ومن غير خوف
تشوفها الخلق تقبلها
وترمح فى النجوع وتطوف
بقالى قد كيف ملهوف
اشوف الحرجة وسَبلها
بمدد الشوف
بقالى قد كيف ماعرفت
ناس معجونة بطيابة
كرهتك يازمن فرّاق
ياقول حرّاق
ونور سرّاق
ياويل نعجة بلون برّاق
تصدّق ندهة الغابة
****
وقمت من الصباح غربت
وتهت هناك!!!
وضعت هناك!!!
فضلت ابص وأدوّر
على الحرجة ولالقيتهاش!!
لقيتها بيوت وشوارع
وبنى ادمين
لقيتها حوارى مسكونة
بناس تانيين!!
قعدت ألّف وأدعدس
وازعق واسأل الفايتين
قالولى خلاص!!
لاعاد فيها خلا واسع
ولاساقية ولامحرات
لاباقى غلة ولاضلة
ولاعشة تدارينى..وجِدْع نبات!!
لاباقى قمرى ولاقردان
ولانوارة ولاجهلان
***
وزى ماجيت
رجعت البيت
رجعت لخنقتى تانى
وحيطان الزيت!!!


(الشاعر عادل صابر)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:34 am



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:36 am

فيه خـلق عايشة على القِـل

فى الخيمة محـــلا غُنــاهم

فى الـهم لا تشيل ولا تقــل

والحـب وحــده غَــــنــاهم!

..................................

حبِّك هـرى القلب وانشال

من بعد ماكنت نـــاســى

ياوعدى على لفة الشـال

نسَّتنى أهلى ونــاسـى

...........................

الحلو فى الحلق حنضل
ولاعاد تساعنا المنــازل
ليه الزمـــان المقنـــدل
من فوق ضهورنا مانازل ؟!

..........................

عايشين على الدنيا سُوّاح
ماشفنا نـــوم الســرايــــر
ياك تجعـــلوا حــد مرتـــاح
ربـــك عليـــم بالســرايــر !!

.............................

كان سبع راكب حصانه
بس الليــالى عكيسـة
وطّـــاه زمـــانه وخـانـه
ورفع خـلايق خسيسة !!

.............................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: القاضى امرأة   السبت سبتمبر 28, 2013 6:37 am

القاضى امرأة
*********
عشنا وشُفنا الوليّة تشتغل قــــاضي

تحكم وترسم على المليان والفـاضي

واللهِ يا خــــوانّا حاجة تجنن العــــاقل

هي خلاص البلد مفهاش و لا راجل ؟؟

*****

أمانة يا خلق فين العقل والإحســــاس ؟

إزاي نسيتوا اللي عبّتنا ف شنط وكياس ؟؟!!

إيش حال بقى لما تبقى ع البلد قاضى!!!

يبقى عليه العوض في المرجلة والناس!!

*****

مبروك عليكي القضا محظوظة يا ام ساطور

صار القانون بلطتك وهراوتك الدستــــور !!!!

زمن العجايب يا صاحبي بيرفع النساوين

طب واحنا إيه ذنبنا غير اتولدنا دكـــــور !!!!

*****

فوق المنصّة القضاة ستات بشعر طويل

والغمز واللمز والخصر النحيل بيميــــل

كان رمز للعدل واحدة عنيها مربوطــــة

دلوقتي واحدة بعيون سودا ورمش كحيل

*****

سامحيني معلش أنا آسف قوى يامدام

أنا كل همي التقيل خوفي من الأحكام

جايـــز عشان منظــــري تديني تأبيدة

وعشان لساني الزِفر أستاهل الإعدام !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:39 am

فاجرة وراميـــة حَــجَرها

فى العيلة سابت وعابت

لو كان فيه واحد حَـجَرها

كانت عن الفُـجر تــابـت !!

..............................

على كعب بوص الـــدرة رسم الزمان صورة
لصبية سمرا ورابطة الحردة ع القـــــــــورة
الإسم خضرة وفرحانة وســــت النـــــاس
عاشت الاسامى لكين الأصل منصــــــورة

....................................

مشتاق لحمام فى الجرن
حـاطط على ارض امـــــان
والقعدة فى خشم الفرن
وحاجات نسيناها زمــــان !!!

...............................

اللى بيعشق هـوا الليــــل

فى الصبح ملهوشى نايب

واللى بيقسى على الخيل

تبخــــل عليـه الركــــايب !!

................................

اقرا ف كتابك وصـلــــــى
حسن الخواتم تراهـــــــا
عملك ياعبدى وصلـــــى
ع الجـــــنه روح ويا طــه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:44 am

كنا حبــايب وخالطين

نتلاقى وقت الشدايد

لا عم نافع وخال طين

صـــرنا وحايد وحايد !!!

................................

م الخوف يموت الجبان لو حد قال له بـِخ

و النفس زى الطفل تمنعها بقــولة كِــخ

بز الجاموسة طرى تُقْسَى عليه ينشف

وعالى ضهر الجمل طبطِـب عليه حينِّخ !!

...........................................

وغزلت قـولى بـنــــولى

فـــصّلْت للـناس خـلايق

والشُعـــرا قُبّـة بـنــولى

واجب تزورها الخـــلايق!!



...............................

إخخخص على الدنيـا وتغـــوُر

مـين اللى فى قصـورها دايم

تضحـــك على النــاس وتــغرّ

ويـــصـــدقــــوها البـهـــايم!!

.................................

ياللى افتكرتـوا الدبابات ابراج حمـــــــــام

ماتعشموش فى الدم يطـرح يــوم سلام

لو تطفوا نور الحـق حتعيشوا ف ضـــــلام

وان يـوم زرعتوا المـــــر رح تجـــنوا الآلام

...............................................

رغم انكسار الحلم فى جبين النـهار

لسة فى عيون الصــبح غنوة للصغار

وبرغم صرْخ الجـــوع وكرباج العطش

رافضــين ندوق اللقمة من يـد التتار

........................................

اتقل من الصخر همّى والطريق قيـــلة

انا اللى ضهرى اتقطم من حزّة الشيلة

زرعت غيط الوداد خـضّر عـاقول وحسَك

جمل المحامل بـرَك مين يعدل الميلة ؟

.......................................

لو ينشف النخـل يبقى السوس فى جــدورُه

وان خسَّع البيـت يبــقى الميــل فى جـدورُه...........(جداره)

مهمـا كـان العــيب فى أهـل العيب متـدارى

لابـــــُد بعــــد الخِـــبَا يظهـــر ويجـى دورُه !!

............................................

النــــدل فايــت وفـــارط ع الكتـــاف عـيــبــــة........ عباية

بالـــغــل منفــوخ ومـالى بالشــرور عـــيـــبــه.......عِــبُّه

مافلــتــْش يــوم من لسـانـه طفـل ولاشــايب

واهـــل المعــايب يموتـوا وتفضــــل العــيـــبــة

...........................................

النـدل مكّــــار يهَـــــوِّى النار بحجــارة......(بحِجر جلبابه)

لايهمُه عَرْض القريب ولاحتى بُحجـارة......(بوح جارة)

نصيحـة منى ماتُخْـطر للضلالى عتـاب

وان يـوم فتَـح باب سِـدُّه عليه بحجارة

.........................................

يانخـــل طــارح وطـــافح من عكــار النيـل

إياك فى يوم تنحنى ..اوعاك فى مرة تميل

تركــب عليـــك الكــلاب وينجِّــسوا بلحـك

تفضل بطــول الزمن واطى وجبــان وذليـل

.........................................

مايعـرف الراحـــة مقهــور

ولايـــرقد الليــل جـايـــع

ولا قال على الطب معذور

الا اللى عـــرف الوجــايع !!

..........................................

يجازيك يابخيل ماعارف الحلوة م الشّوُنــــة.......(الشينة والسيئة)

ليك كف ناشِف يجيب القـرش م الشّوُنــــة........( شونة التبن)

من فــعْل لاندال قلبنا فى الضــلوع اتشَـق

لمَا بُــحْنا بالحق ع الباطلين – مَشّــــونــا........(طردونا من البلد)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:48 am

يغـور قليـــل الحيـا ولاكنا يوم نرجــــاه...........(ننتظره)

يدرِس فى عرض الولايا ماوقف نورجــاه..........(نورجه)

من دون بيوت البلد بيت الهَفي مخروب

تابت جميع القلوب ولاقلبه يوم نورجــاه.........( نور جاءه)

....................................................

ليك ساعة يابو جهل وهْجات

حـدّدهـــا عـالِــــم السـرايـــر

نــار قايـدة والجــمر وهــجـات

والــقـبر مفهــوش سـرايـــــر!!

..................................

كتـــروا الهفايــــا ولبـــسوا فى الرقــاب سِلسـال......(سلاسل)

والهلــس زاد فـــى البلــــد وطفَـــح كما سِلسال.....(سيل سال)

إبعــــد عـــن الــــدون ولا تخـــطِّى لبيتـــه عتَـب

وان كنت غـــاوى النسَب دوِّر عـــلى السِلســال......(الأصل)

.........................................................

زمنى رمـــانى وجـات الرمية ع الخـالى

على العويـل اللى كنت أقول له ياخالى

الله يجازى الظروف حـوجـتنى للعـــايب

والقلب خايب وكَـب السمــن ع الخالى..........( الخَل)

.....................................................


الشمس لمِّت ضفايرها فى وقت العصر

صرخ النهار واتلوى كبدى عليكى يامصر

خايف عليكى من الأنــــدال والخـوَنــــة

وانتى اللى ياما ندهتى للسلام والنـصر

..............................................


ملعون ياللى تبيع صوتك لناس ذلّـوك

اصلك عديم الشرف خاين لعهد أبـوك

وصانى ابويا وصيــة عمرى ماانساهـا

اوعى ياولدى تـآمن مــرة للى خانوك

.....................................


يامـا خطايـا غـفرْهــا

ومحاها رب البــرايـــا

دنيا وسرقت غـفَـرْها

ناموا فى درَكْها عرايا!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   السبت سبتمبر 28, 2013 6:50 am

الدنيــا تعليم وخـبــرة

والبيت يشبه لناسُـه

واللهِ لاعـــزق بإبـــــرة

ولا ندل يبخل بفاسُـه

..............................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الأحد أكتوبر 27, 2013 5:22 pm

حوار تخيلى بين ابن مغترب وأمه التى تقطن بعيدا عنه
************************************

{ الأبن }

البُـعد يـــاامّـــــايـــــــا حــــرَّاق

البـحـــر مايطــــــفِّى نــــــــــاره

والقلـــب وارم مايـــــــوم راق

عيِّـــل وتـــــاه عـــــن ديــــــاره

{ الأم }

البحـــــر مايــطْــــفى لاوجـاع

والفرقة نارهـــــا فى دمُــــــه

دا الزول فى الغربة لو جاع

يحلم بكِسرة فى ايد امــــه

{ الابن }

الغــربـــة يامّــــايـــا تُـــربــــــة

لم فيــهـــــا أهــــل وقـــــرايب

عايش وفى القــــلب تربـــــــة.......(ترباية)

ودموعى تمـــــلا قــــرايــــب

{ الأم }

سنة حول مابعتّ جوابـــــات

والدمــع دوَّب جــــفـــــــونى

والحزن ياوليدى جاوبــــــات

حتى الحبـــــايب جَــــافونى

{ الابن }

مايهـــوِّن الغـربــــة مكتـــــوب.......(جواب)

ليلى نهـــــــارى مافــــــــارق

دا البعد يامــــــايّا مكتـــوب

واللـه يعـــــين المــــــفـــارق!

{ الام }

قربك ياولــــدى وحــــشنى

والبعد كــــادنى وضنــــايـــا

مامنعنى عنــــك وحــــاشنى

إلا السفــــــر ياضـــــــنايــــــا!!

{ الابن }

ياليل فراقــــــكم ماطــــولان!!

قمــــر البــنـــــادر مابـــــارد!!

والدهــر ياامّـــه مايـــــوم لان

سكـــين وسـنّوه مبــــارد!!

{ الأم }

من يوم ماطيفك علىّ غاب

ودمـــوعى نازلة ما-سائــــل

والدار صبحت كما الغـــــاب

والكــــل عنى ماســـائــــل

{ الابن }

ياالهم ساعـــــة المغــــارب!!

الحــزن ياجــــى بِِلَـــــمُّــــه

والـــقى قليـــبى مــــــغرِّب

مين اللى ينفــع بلا امـــــه؟!

{ الأم }

الهـــم حسَّـــــاه وداريــــــاه

فى البعد مين اللى فرحة؟!......(فى راحة)

لكن فى قلـــبى مداريـــــاه

وبااغطّى حـــزنى بفرحَــــة!!

{ الابن }

البعــــد ياامـــــه وجــعـــنى

ولا قـــادر احـكى واحــــاور

فى القلب لسة الوجــع نى

يشبـــه لكــــوْي المحـــاور!!

{ الأم }

بعــــدك فى قلـبى مسامير

والبين هلكنى وشجــــانى

كام صبح عــدَّى ومسامــير

ولا مـرة منك شى جـــانى

{ الابن }

لو نمت شــــوقى يناجـــينى

واحلم بــــدارى ومِــــــلاقــى

والمَـح خـــــيالك ياجـــــيـنى

واجـرى أضمِّك مــــــاالاقى!

{ الام }

شفتك وبتبوس يــــــدْ امّـك

فى الحــــلم منى قــــريِّــب

أجــــرى بشـــوقى واضـمَّك

وأقــــول وليــدى الحــــبيِّب

{ الابن }

يادى المقــدَّر ولاوعـــــــاد

والعـــمر يرمـــــح مـــادارى

لــــو رد زمـــــنى ولو عـــــاد

مااهجـــــر عيــــالى ودارى!!

{ الام }

أيش خدْت م الغـــــربة وادّيت

وايه اللى بــــاقى وفـــــاضلِّك

حتى عيـــــالك مــاودّيــــــت

ولا مرة نامـــــــوا فى ضلّـــــك

{ الابن }

كـــنُّه زمــــــانى خـــدعــــنى

ماخابرش ليه قلبى خـــــايف

خَد عمرى يامّـــــه وخــــدعنى......(خد عينى)

واللـهِ يامّــــــه ماشـــــــايـــف!!

{ الأم }

مُسرَع مابعـــــترت زمـــــــنك

ولــ ..وين هـــــربت سنيــــنك

مجــــروح والبـــعــــد زمـــنك

لم خــــــلـَّّف الا أنــيـــنــــــك!!

{ الابن }

ياما جبْت ع الجرح ولبخـــــت

والجــــــرح مكران ماطــــايب

لا لقيـــتلى لا حظ ولا بخـــت

وعزولى فــاز باالمطــــــايب!!

{ الام }

النفس ياوليــــدى صـــــدِّت

وقلوبنــــــا صــارت عــــلايل

راحـــت الدراهم وصــــدِّت

وايـــام حياتنــــــا قـــلايـــل

{ الابن }

كنت اجعل المـــــال حيكْــفى

ويكون عــــواضى ومقــــــامى

جـــا البعد يعــــــدْل ويكـــفْى

والغربــــة قــــلِّت مقــــامى!!

{ الأم }

ياك تجعل المــــال حيشفيك

لو جـــــه فى مـــرة عيـــــالك

ياوليــــدى عمــره مايغــــنيك

ويعوّضــــــك عـــــن عيـــــالك

{ الابن }

ياامايــة ريحـــــــكم واتـــــانى

والبــحـــــر موجُـــــــه مهــــاوِد

ماحـــــاارّد للـــبعــــــد تــــانى

وان يوم ندهلى مااهــــاود!!

{ الأم }

كم حول ياكبدى ماريتـــــك

وباعيش بسيرتــــــك وسالك

ارجع ياولـــــدى لمريـــــتــك

دوَّبهـــا شــــــوقها لوصــــــالك

{ الابن }

البُـــــعــــد يامّــــــة ورم حــــى

فى القلب يُهــــــدُر ماناسى

من بعــــد تعـــــبى ورمــــحى

راجــــــع لأهــــلى ونـــــاسى

ـــــ
مهما تاخــــدنى المدينـــــــة

زى النسيـــــــم تـــوحــــشونى

راجـــــع وقلبى ســــفينـــــــــة

من حـــــضنكم ماتحــــــشونى

من حـــــضنكم ماتحـــــــشونى



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:33 pm

طـول مااشتريتــوا العتمة بنـــهار الوطن
وجعلتوا تــــــــــوب الذل بيـدارى الكفن
طول مادفنتوا الشمس فى قبور الضلام
بكرة تفيح على دربكم ريحـــة العفَـــن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:34 pm

إرمــح من النـدل بالحــيل
دا ف باطــنُــه لك حــــزازة
واللى ماتلقــاه فى الليــل
فى الصبح ملهوشى عازة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:34 pm

خـدعتنى ياما الغَــرورة
والدهــر يكتب وانا اقــرا
دا الساقية بدايتها بورة
والبورة فى الأصل نَقرة!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:35 pm

يامطـــرزين الوهـــم فى تيجان الـدهب
ومبـــــــروزين الكدب بأغــــانى وخطب
لو تعرفــوه اللى ف مدافعــه بتحتــموا
نفس العلاقــة مابين جهنم والحــطب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:36 pm

وعشان ماتبقاش معــرَّص
الهلــــس لــــزماً تبيعـــه
لا تبقى مرصوص مع الرص
ولا نــــدل تبـــقى تبيعـه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:37 pm

يامثبتين القيـــــد فى معصم كــل إيــد
إحنـا ولاد الشمـس ماحناش العبيـــــد
مانبعش فجرنا لو حتــدفعوا ألف لـــيــل
وحنشترى الصبح العفى بمليون شهيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:38 pm

الصبر قال لى ياكــــربان!!

من لـــه مقــــدَّر يصــيبُه

ورّينى فى الكون دكر بان

وقــــــدر يغــيِّر نصـــيبـُه !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:41 pm

وجــه النبى نجم ضاوى

احـــمد مليح الشمــايل

وكلامــــه اعظم مــداوى

للى فى قلبه شِى مايل
-ــــــــــــــــــــــــــــــــــــــــــــــــ

فـاز اللى آمـــــن بطـــــه

فى الآخرة يسكن جِنانُــه

أما اللى عاشـق خطــاهـا

حيعيش فى همُّـه وجنانه

-ـــــــــــــــــــــــــــــــــــــــــــــــ

مين ياخـــال للحق قايل

متهومين واحـــنا القتايل

محبوسين من غير دلايل

والعدو دق الإقـــــامــة ......(من قصيدة الفتى لاسمر اوباما)

-ـــــــــــــــــــــــــــــــــــــــــــــــــــــــــــــــــــــــ

لو عشتوا حيمـــوت الوطن وان متّوا عــاش

وان بعــتوا حيروح الشرف وان راح ماجـاش

ياللى قبضتوا من العـدو تمــــــن السكوت

بكرة العـدو - نـــفس العــدو يبيعكم بلاش

-ـــــــــــــــــــــــــــــــــــــــــــــــــــــــــــــــــــــــــــــــــــــ

دنيـــا ماتأمـــن بغـــالَــه.............(بغى لها أى ظلمها)

كيف المـواهِى ف قِنيـها.............(قنواتها)

وياقانى فى البيت بغالة.............(جمع بغل)

ماتـرفُـس الا قـــــانيـها.............(مربيها)

-ـــــــــــــــــــــــــــــــــــــــــــــــــــــــــــــــــــــــــــــــــــــ

من فعـــل ليـّام مـــهمــوم

وعيـــونى دايــــماً بـــواكى

خـايف يابلـــدى يجي يــوم

يبقى الدقيق فى البواكى!!

-ــــــــــــــــــــــــــــــــــــــــــــــــــــــــــــ

لما تاخـــدنى المطــايــا

باخد رغيفـك فى بــاطى

والـقى نخــيــلك ورايــــا

يسندنى ساعة شُباطى

-ــــــــــــــــــــــــــــــــــــــــــــــــــــ

زمنـى رمـــانى وجــات الرميـــة ع الخـالى

على الخسيس اللى كـنت أقول له ياخالى

الله يجـــازى الظـروف حــوجتنى للعـــايب

والقلب خـايب وكَـــب السمــن ع الخـالى

-ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق



عدد المساهمات : 338
تاريخ التسجيل : 21/12/2011

مُساهمةموضوع: رد: من واوات ومربعات عادل صابر   الخميس نوفمبر 07, 2013 7:43 pm

من خَد على العيب ما يسلا

حتى ان شبع بعد جــــوعُه

شجـــر البرك مهما يعــــلا

فى الوحــــل طابّة فـروعُه !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من واوات ومربعات عادل صابر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: