مرجيحة خضار العود

عدد المساهمات : 79 تاريخ التسجيل : 24/01/2012

جزء من قصايد ( مرجيحة خضار العود )
شعر / عزت عبد العال
---------------------------
ويطلع الموال من فجر اغنيه
حكايته بالحنان -- عن أرضنا الطيبه
يحكى ويتعايق -- بغلة الفدان
والنيل السعيد -- ومصر العظيمه
وترابها الزعفران
---------------------
يا أرضنا --
يا ام الغيطان السوسنه
بتبقى دايما حلوه خالص
والعيون -- كل العيون
تبص تفرح بالجنينه
ذوق وبهجه
والجميل الزهر طالع
من عيدان التمر حنه
واللى جاى عشان يشوفك -- يا جميله
قال صحيح -- د الأرض جنه -
--------------------------
يا أرضنا -- يا ام الخضار -- حلمنا
لايق عليكى -- وانتى لابسه الجلاّبيه
زهزهانى سندسيه
خير وبركه -- من خضارك المنَى
دا المعجبانى لمّا عدّى
قال دى نعمة ربنا
يا ارضنا -- مش انتى برضه
تبقى نعمة ربنا -
------------