الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 واوات الشاعر محمد أمين خربوش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طارق



عدد المساهمات : 338
تاريخ التسجيل : 21/12/2011

مُساهمةموضوع: واوات الشاعر محمد أمين خربوش   الأربعاء مارس 13, 2013 7:21 pm


من واوات الشاعر محمد أمين خربوش

انا عرقى منك بينقح
والخلق بيك ودانتنا
والجرح ورمان باين قاح
والريحه بقيت دى نتنه

.........................

مالكشى دنيا ولا الدين
والغلب جانا كسحنا
حنقضى همك ولا الدين
ولا بعز نشرب كاس احنا

..............................

يا بلاد خانت نسبها
وبالذل جابت غذاها
وعاوزنا احنا نسيبها
ولامريكى معروف غزاها

..........................

لفقر جانا ضمناه
ماحسينا مره احناعشنا
والموت كبيرنا تمناه
وجسسنا رفضت نعوشنا

...............................

بتاوى كلته برده
وما زلت اكل عصيده
مين قال انى مااريت ده
والفقر فيا عاص ايدا

..........................

طلبت للموت ح ياتى
واحرس بعمرى لدمك
ولا تسوى حاجه حياتى
والعمر مرهون بايد امك

...........................

العزم فينا كسرتوه
ونايمين عربنا ما قاموا
وبالذل اشرب كاس اريتوه
ولا صنتوا للدين مقامه

............................

احسن مفينا حسدتو ه
بقى يمشى من غير باله
والامه برمت عازه توه
وعربنا م الخوف بالوا

...........................

يا برادعى اسمك لايق فيك
عكرت بلدك بغدرك
خربت بيوتنا لا يكفيك
وحتى حياءك بيغادرك

................................

جمعك يا موسى موسات
ومجرور انت بكسره
مهو انت فت المساد
وبسببك الموت بكثره

.............................

يا موس ناوى ع فتنه
وعاملى راس وعفينا
دى الخلق منك عافتنا
يارب منه عافينا

.........................

يا مصر زمنك دعكنا
عالكوره قامت قيامه
وجانا حمدين دا عكنا
ومن موسى ياما تلقوا ياما

.........................

بالسجدة احلف وبالتين
بالصف وبهود وطه
لو فيكى يا بلد بتين
ما كان حد جاها وطاها

................................

يا مصر خيرك فرغ فين
ولياليكى زادت عتامة
انا كل همى فى رغيفين
او كسرة ألهى اليتامى

......................

يا بلاد ما تعرف خالقها
واللعب فيها شهرها
والناس بتبوس خلقها
واهى حبلة باين شهرها


.........................



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
واوات الشاعر محمد أمين خربوش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: