الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب
الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب
الطيب الشنهوري
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الطيب الشنهوري

منتدى ثقافي - ديني - اجتماعي - علمي
 
الرئيسيةأحدث الصورالتسجيلدخول

 

 من فن الواو للشاعر عادل صابر ( الدنيا )

اذهب الى الأسفل 
كاتب الموضوعرسالة
طارق




عدد المساهمات : 608
تاريخ التسجيل : 21/12/2011

من فن الواو للشاعر عادل صابر  ( الدنيا )  Empty
مُساهمةموضوع: من فن الواو للشاعر عادل صابر ( الدنيا )    من فن الواو للشاعر عادل صابر  ( الدنيا )  Icon_minitimeالأربعاء مارس 06, 2013 5:21 am

من فن الواو
للشاعر عادل صابر

........................

( الدنيا )

***************
كفـــكف دموعــــك وماتنوح
واعمل كيفــــــانك طــواقى
آدم تـــــوفى ومات نــــوح
مين اللى ع الدنيــــا باقى !!

******
ماخـابرش أرض الدفـا فيـن
وقــليـــبى بالـمُــر حـــاوِى
فى الدنيا سارحة الدفافين
بـــيِّن شطـــارتك يا حـــاوى

******

على قدمى ماشى قرابات
ولا لَفْ راسى عِــمــامِـــك
خايـــنة ماليكى قـــرابــــات
غـــير الخسـايس عمامِــك

*****
دنـــيــا غـرورة ودار هـَــم
سجـن وكــلابـــش تـروُها
فى السعر ماتساوى درْهم
يا تعســـة اللى اشــتروهـا

******
فى طريقى غولة وشقافات......( شَق آفات )
والشوك فى قلـــبى مقسَّم
ولا خدت أجرى فى شقا فات
وايه العــمـل فى المقسَّـم!!

******
دنــيــــا نـــافـخهـــا ورَمْــها
ونـاديــها لــه ألـــف سـاقى
والـــلى سِـكِر يــوم ورامـها
لا شك سكن الفســـاقى!!

******
دنـــيــا بتُــمــكُر بلا حــدود
لو شمــش طالعـة اوعَسَلهَا.........( اوعى سيلها )
يامـــا كَلْـــناَ جـــوا البـلح دُود
وشربنـــا مُــر فى عسلْهــا!!

******
فـــيه نــاس زمـانها حـارِمهـا
ع الأرض ماشـية رجـــايـــل........(على اقدامها )
دنــيا وخـــلَّت حــريمـهـــا
راسها بـــراس الرجــــايــل!!

******
فى اليــــابس ابنى ووسِّــع
دا البيت يشـــبــه لنــــاسه
فى النـــزّة حيطك يخـــسِّع
اصــــــل المياعة ف اساسه

******
حـنَك الـرديّــــة هبَشـــــنا
كمـا كلب واعِــــر بعـــــــوَّة......( دائم العواء)
شفناها خُـفنا وكمشـــنــا.......( اختبأنا )
خـوف العـــيال م البعـــوَّة!!.....( كلمة مرعبة لتخويف الاطفال فى الريف)

*******
الـحُـر خنقــاه بــشـــالهـا
ورغيفها يامـــا مشـالُــــه
تقـلانة على ضهره شالها
ولا خَـدْش أجـرة مشــالـه!!

*******
عايشين على الدنيا نواطير
وغيـطـانّا مالــهـــا حـدادى......(حدود)
من فِعْـــل ليّام نـاوى اطـير
حـتـى ان كلـتنى الحدادى!!

*******
الحُــر محزون لِبـخــتُــــه
فى الحق أُوعـوا تلْومــونى
الهِلف طــرحت لَبختُــــه...... ( شجرة اللبَخ وهى غير مثمرة)
وانا اللى هيَّـف لـمُــونى!!

*******
دنــيـا تــفرّقـنا تـــفــريــق
وتفـــوتنا عنـد الـمـــفارِق
رخصانة ماتساوى تـَفْ ريِق
ليـه تحـزنوا ع المِــفـارِق؟!

*******
امشى مـع الـدرب لـو دار
واوعاك تلوف ع الــمداخـل
وابعـد خـطاويــك عـن دار
لـو تلمـــح الهلف داخــل

*******
عـيـن الـرديّــة رعَـــتْـلى......( رصدتنى )
فى القلـب ربَّـت عِـلالى .....( علل لي )
والدهـر ديبُـه رعى اتلى.....(شجر الأتل)
والسُنط مِلِـك العـــلالى!!
الرجوع الى أعلى الصفحة اذهب الى الأسفل
 
من فن الواو للشاعر عادل صابر ( الدنيا )
الرجوع الى أعلى الصفحة 
صفحة 1 من اصل 1
 مواضيع مماثلة
-
» مربعات فن الواو للشاعر عادل صابر
» فن الواو والمربعات للشاعر عادل صابر
» فن الواو والمربع للشاعر عادل صابر ( نقادة )
» جرح الحب للشاعر الكبير عادل صابر أمير فن الواو
» مربعات وواوات للشاعر الكبير عادل صابر إبداع جنوبي من فن الواو والمربعات

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: