الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب

الطيب الشنهوري

منتدى ثقافي - ديني - اجتماعي - علمي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 الطماطــم مربعات من فن الواو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شاعر جنوبي



عدد المساهمات : 149
تاريخ التسجيل : 24/01/2012

مُساهمةموضوع: الطماطــم مربعات من فن الواو   الأربعاء يناير 16, 2013 1:07 pm

"الطمـاطـــــــم"
(من فن الواو)
للشاعر عادل صابر


يقول الشاعر
"فى ظل رخص سعر الطماطم فى قريتنا طلب منى المزارعون ان اكتب مربعات عن الطماطم ورخصها فكانت هذه المربعات التى عرضت على شاشة القناة الثامنة واعادوها ثلاث مرات وحفظها الكثير من اهل بلدى
........................................................

ياحَـــمـــرة كانــــــت أمـــالى
أفـــــرح واكــــيــد الأعــادى
ضيّـــــعْت عقــلى ومــــالى
ولا جبتى حـــــــق العدادى
ـــــ
ياما جبت ياحمرة كبريــــت
والـــلــه ماخــلّيت شكـــاير
والجـــسم ولَّـــــع بكــبريت
ولا بيّا جــوع العقـــايــــــر!!
ــــ
كان نفــسى اجــــوِّز ولادى
وابنى بفلــــــوسك عمــــارة
لا طُلْـــت لا دى ولا دى
ولا نابــنى غـــير الخــسارة !!
ـــــ
كام ليكى تاجـــر وسمـــسار
ياما ذلّـــوا بيكى خــــلايــــق
أتاريكى فى الحلق سم سار
لجلك رهنت الخــــلايـــــــق
ــــ
ماجبتى ولا حق لانـــفــــــار
وخسارة فيكى القِــــنايـــــة
لو شمك الجحش ل..نفـــار
وتـــــرَب بصاحبه القنايـــــة
ــــــــــ
غشّتنى حُـــــــمرة خـــدودك
وخدعنى طــــــول السرايب
محروق أبوكى وجــــدودك
صبّحتى بيــــتـــنا خـــرايب!!
ــــ
كان عشمى ابيعك بألوفات
مالحقت حـــــتى قروشــِك
زمنــك ياغندورة لو- فات
بيمين لااقلِّع عــــروشـــك!!
ــــ
على قدمى يامــا مشــيتـــلك
ورقيت عليـــــكى رقــــــــاوى
وحلفت تـــــــانى ماشـــاتلك
تحــــــرم عليّـــــا التقــــــاوى
ــــ
ونصبت قال خيمة وشالوش!!
لجلن تكيدى عــــــزولــــك
ضحكوا حبايبى وماشالوش
ولا جُــــم فى مرة عازولـــك
ـــــ
طول عمرى متعوس وفقرى
والخيبة رفعــــــالى رايـــــــة
وحااعيش فى همى وفقــرى
طول ما الطمـــاطم ورايـــــا

كنتى زمان ناصبة ضهـــــــرى
كان ليكى قيمــــــة وهيـــبة
منيكى حـــــــوّشت مـــهرى
عشقــتنى لجـــلك وهيبــــة
ـــــ
زمن العجـــايب ما له أمــان
بـيــبهـــدل الحُــــر فينــــــــا
ضــحَّك عليكى البرنجــان
وانتى يا حـمرة حـزينـــــــة!!
ـــــ
م الغلب ياحـــمرة حَـرجان
وقميصى ع الكتــف رايط
ياريتنى سُقْتِك بُرنــجــــان
لكن اعمل ايه فى الورايط
ـــــ
ياريتنى كان سُقْت قلقــــاس
ماكانشى عقلى فى وَشاشة
ولا عذت جانى ورصّــــــاص
ولا بلصة ساعة الــوِشاشـــــة
ـــــــــ
كان مالو لوسُقْت ضعضــيع
ولا دِفـــرة لجل البهــــايـــم
ماكنشى حالى فى ضعضيع
ولا عشت فى الغلب هايــم

القلــب م القــــــهر شطّـــــة
من همى يالله الســلامــــــة
بالذمّــة لــو سقت شطّــــــة
كان عشْت عيشة النــدامــة ؟؟!!!
ـــــ
الفـــقر وبرك لى فى البيت
راقـــد وفـــارد باطيــــــنــــــه
لا اتجــوز الواد ولا البـــت
والعجل وحـلان فى طينه!!
ـــــ
لا خدت منك ولا اديــــت
ولا لاقى حق الدقـــــايــــق
وكأن يابو زيد ماجـــــنيت
غير مسخـرة م الخــــلايــق!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الطماطــم مربعات من فن الواو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: