الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب
الطيب الشنهوري
اهلا وسهلا زائرنا الكريم.. تفضل بالتسجيل فى المنتدى
ادارة المنتدى / الطيب
الطيب الشنهوري
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الطيب الشنهوري

منتدى ثقافي - ديني - اجتماعي - علمي
 
الرئيسيةأحدث الصورالتسجيلدخول

 

 فن الواو والمربعات للشاعر عادل صابر

اذهب الى الأسفل 
كاتب الموضوعرسالة
محمود الشاعر

محمود الشاعر


عدد المساهمات : 57
تاريخ التسجيل : 17/12/2011

فن الواو والمربعات للشاعر عادل صابر Empty
مُساهمةموضوع: فن الواو والمربعات للشاعر عادل صابر   فن الواو والمربعات للشاعر عادل صابر Icon_minitimeالإثنين نوفمبر 12, 2012 8:58 am

من فن الواو والمربعات
للشاعر عادل صابر
ملك الواو والمربعات
....................................
فن الواو والمربعات للشاعر عادل صابر 35631_106756882707082_7932827_n

..............................................................


لمّا أتـاه المرض فـــرْش الأصيـــل عـوافيـــه.......(عافه)

ولا حـــد جالــــه من احبابــــه وقال عوافيـه......(عوافى)

وشـــرب عكار القنــــا مـن بعــد ماء الـنـبــع

هيَّف غيط السبع واهو كلب الردي عوا فيـــه.......(عوى فيه)

...................................................................

روَّح زمــــان الـقبــــايــل

فى الهلس تاهت دروبى

بطّــلنا سيـــرة الهلايــل

وبنحكى عن مجد روبى !!

...................................................

لو ينشف النخـل يبقى السوس فى جــدورُه

وان خسَّع البيـت يبــقى الميــل فى جـدورُه.......(جداره)

مهمـا كـان العــيب فى أهـل العيب متـدارى

لا بـــــُد بعــــد الخِـــبَا يظهـــر ويجـى دورُه !!

..............................................................


دنيــــا بتغلى كبــرسـيم.................(ك بير سم)

من ماها شـــربوا الكـــلبَّة

وحمارة ميتة فى برسيـم

ماتلّــم غــيــــر الغـــــربَّة

.................................................

أنا قولى صادق ما فيه جخ
والصدق فى القول أمارة
وكلامى لو يسرقه الجخ
فى الواو حياخد الإمارة !!

.........................................

النــــدل فايــت وفـــارط ع الكتـــاف عـيــبــــة.......... عباية

بالـــغــل منفــوخ ومـالى بالشــرور عـــيـــبــه........عِــبُّه

مافلــتــْش يــوم من لسـانـه طفـل ولا شــايب

واهـــل المعــايب يموتـوا وتفضــــل العــيـــبــة

.....................................................................................

بالصبـر تسعـد وتشرب شهد وراخــيلك............( ورا خلَّك)

وتلاقى حبــــــل الهنا ممدود وراخيـلك...........(مرخى لك)

يفرْجها ربــــــك بدون حسبــة ولا درايـة

بعد الكِـرايـة حتمشى الناس ورا خيلك

..........................................................................

فعل الأواهـــــر ملدِّش

والهلف متْكى فى لمّة

لحم العرايا مــلا الدش

بـــوَّظ علينـــا الفلِــمّة

.......................................................

ما حد فى الــدنــــيا مرتــــــاح

ولا حـد م الهــــم خـــــــــالى

حتى اللى نايم فى مُسطاح.......(جرن الغلة قبل دراسُه )

يـخـشَى السنـين الخـوالى!!

....................................................

يا بنـــات بلـــدنــا يا خــايليـن

يا محــــلا تــرتـــر طُــــرَحكم

فى الليل وشوشكم مخايلين

للنــــــدل ولا يـــوم طَـرَحكم

.....................................................

الوِد عمره ما كان جــــبْر

أُصبر حتبلغ نـــــوالــــك

خصمك تداديه بالصـــبر

لو حتى بالموت نـوالـك!!

.........................................

صوتك يا سمرة كمنجات

من فرحُـه يعزف بياتى

والخـد طارح كمنجــات

فيهم عشايـا وبـيـاتى!!

.............................................

الحق حيـــاتك يا سايب الحبل على غربيِــه

واللى غـوَى الشــر سيَّب دنيتُــه وغار بيِـه

يامــــا جبـــابــرة اتكفـــوا وكلِتْهم التــُربــة

واللى انـدفن غَربــَة بكرة تنــدفن غربيــــِه

....................................................

نظرة عيونــه كهــارب

عن حبه قلبى ما حوِّل

لمَا طِـرْت منه كهـارب

تياره حــرق المحـوِّل!!

...........................................

فعْـــل الغــوازى زقـانا كتيـــر من داخـل .......(من دا- خَل)

والجرح كَمكَم وملِــك الجــوف من داخل

يامـــا سهـرنا وكمشنا فى هويـد الليـل

لا قدرنا ع اللى خرَج ولا شفنا مين داخل!!

...................................................................



الرجوع الى أعلى الصفحة اذهب الى الأسفل
محمود الشاعر

محمود الشاعر


عدد المساهمات : 57
تاريخ التسجيل : 17/12/2011

فن الواو والمربعات للشاعر عادل صابر Empty
مُساهمةموضوع: رد: فن الواو والمربعات للشاعر عادل صابر   فن الواو والمربعات للشاعر عادل صابر Icon_minitimeالإثنين نوفمبر 12, 2012 9:08 am

زمن اشترانى وباع بيع

وبـيّده حنـضـل لفــانى..............( ناولنى)

ما كفاية ياعبد بعـبيــــع

دى غـرورة والكل فـانى

...............................................
بحــر النفاق زاد وغـــرَّق بالضـــلال جرافيـــه

والوقت وشِّه اتقـلَب ماخابرشى أيه جرا فيـه

الدنــيـــا بعـــد الـتـعـــب صفــيـت مع الأنـدال

وفرشنـا درب الوصـال شفنا الجفا جرى فيــه

..........................................................................

الحـب فى القلب تعـاليق

بخــــتك يابو قلب خـالى

يابو عمو أُسكت وتعا- ليق

أيـــش قــدّرك ع الليالى!!

.............................................


ولا كـل مرسـال يـتــرَد

ولا كل زين مـن قبـــايل

ولا كل غنـــدور يتـعــد

لو شاشه ع القرن مايل!!

........................................................

نفسى ازور النبى وقلبى الحزين فرحان.....(فورا حَن)

واللى يحب النبـــى وردُه طِــلِع فرحــان.....(فى ريحان )

مين زار مقامــه حيلقى السعـد قـدّامُـه

ينــزاح ضـلامه ويحيا فى دُنيتُـه فرحــان

..............................................................


اتهَـدّ طـوُر ســـينا واداك

للمولى يوم خَـرّ موسى

رَزَقك يا عـــــاصى وإدّاك

وانت مارازق نامــوسـة!!

.....................................................

فيه ناس فى العشق لاموا

بــس ابتــلوا بعــــد ذلــــك

ناس تانية عشقوا ما نامـــوا

لاتـنـيـن صبحـــوا كـــذلـك !!

...................................................

الدنيـــا مادمتشى لا لســـالم ولا لكـلاب.....(كليب بن مُرة)

ليهم نور طَــفَتـه وكان يضوى كإنه كــلاب......( كلوب)

من بعد ماحسبوا يــوم ان النعــيم بــاقى

سكنوا الفساقى وفى التُربة شبيه اكْلاب..( كلاب بتسكين الكاف )
........................................................

يامـفـصِّــص النـاس فصِّيــص

ياما تخــفى عـنـــك خـوافى

دا التمر متدارى فى الصيص

والتبر فى ترابُـــــه خـــافى!!

........................................................

القـلب م الوَجـد فـــاير

والنظرة بـتـبـل ريــقى

يا بــت لــمِّى الضــفاير

خلّينى أوعى لطريقى!!

...................................................


فيه ناس زمانها حارِمهـا

ع الأرض ماشيـة رجـايـل......(على رجليها )

دنيا وخلَّت حـريمـــهـــا

راسها براس الرجايـــــل!!

.....................................................

أُصبر على الوقت لو جـار

والـــوِد نشفت جـــدوره

دا التـبـر بتبيّنـــه النـــار

والـعود بيــفيـح بـخـــوره

...................................................

وان مطَّـر الســعد يــغــزر

يروى السنين الشقـيــــة

لو ماشى فى الصحرا تعتَر

تاجى عترِتَك فى اللقيّـــة

....................................................

وان كان فقــرك باقيــــلك

تغـــرُز معـــاك المــعـادى

فى الطير نايبـــك ياجيلك

تاجى وقعتك فى الحدادى

.......................................................


النــدل فى الحـُر بيعـيـب

عشنا وشفنا العــجــايب

فى الدنيا لو يحكم الديب

تصبح ديارنـا خــرايــــــب

.............................................

إن فرحِت الناس ماتفرحش

وانزف دموعــك ســــواقى

وان حزنت الناس ماتحزنش

لا فـرْح ولا حزن بـــاقــى!!

.....................................................

الرجوع الى أعلى الصفحة اذهب الى الأسفل
محمود الشاعر

محمود الشاعر


عدد المساهمات : 57
تاريخ التسجيل : 17/12/2011

فن الواو والمربعات للشاعر عادل صابر Empty
مُساهمةموضوع: رد: فن الواو والمربعات للشاعر عادل صابر   فن الواو والمربعات للشاعر عادل صابر Icon_minitimeالإثنين نوفمبر 12, 2012 9:10 am

ابن الخسايس رهَن بـيــتـه وباع الطين

فى الجَد كدّاب وعيشُه ع الدوام عطّين

يا ناس يغور العِفِش اللى فى خيبته غرَز

واللى بنى فى النَـزَز لازم ينام ع الطين !!

.....................................................
الرجوع الى أعلى الصفحة اذهب الى الأسفل
محمود الشاعر

محمود الشاعر


عدد المساهمات : 57
تاريخ التسجيل : 17/12/2011

فن الواو والمربعات للشاعر عادل صابر Empty
مُساهمةموضوع: رد: فن الواو والمربعات للشاعر عادل صابر   فن الواو والمربعات للشاعر عادل صابر Icon_minitimeالإثنين نوفمبر 12, 2012 9:21 am

كنـا حبايب وخالــطين

نتـلاقى وقت الشدايد

لا عم نافع وخـال طين

صــرنا وحـايد وحايــد!!

.......................................................

ميـن يا خــال للحق قايل

متهوميـن واحنا القتايــل

محبوسين من غير دلايل

والعـــدو دَق الإقــــامــة

من قصيدة (الفتى لاسمر اوباما)

................................................

يا نخـــل طــارح وطـــافح من عكــار النيـل

إياك فى يوم تنحنى ..اوعاك فى مرة تميل

تركــب عليـــك الكــلاب وينجِّــسوا بلحـك

تفضل بطــول الزمن واطى وجبــان وذليـل

............................................................

رقص الحمام على ميـّة النـزّة

والبـومة سكنت قُــبّة الجــامع

من كام سنة بننده على العِزة

ولا حــد فيــكى يا بلـد سـامع !!

...................................................
يا مصـر حبـــــك خـــــوتنى

ماقدرش اعيش برّة منـــك

مهما نيـــــرانك كـــــوتنى

عمرى ماحــتـــبرّا- منـــك!!

...................................................

والله ان سـعدنى وصالِك

لانصـب فى بلــدك مزاير

واقضّى عمرى فى سالك ........(سيرتك)

واللى يجــافيكى مازاير!!

...................................................

اللى يلـوِّم عـــلى المبــلي يجيلُــــه بــلاه

ربـــّك يجيب له البــلا واللى يشِت بــلاه..(باله )

واللى بــلَى يتبــلى والمــــولى قــادر حــى

واللى عِشق شَـي مش ممكن يعيـش بـلاه....(من غيره)

................................................


دنيــا غـــرورة ودار هـَــــم

سجن وكــلابـش تـــــروُها

فى السعر ما تساوى درْهم

يا تعسة اللى اشـــتروهـــا

.............................................

لما تاخدنى المطايـــــــا

باخـد رغيفِـك فى بــاطى

والـقى نخِـيــــلك ورايـــا

يسندنى ساعة شُباطى........(عراكى)

.............................................

ما يعـرف الراحـــة مقهــور

ولا يـــرقد الليــل جـايـــع

ولا قال على الطب معذور

الا اللى عـــرف الوجــايع !!

.....................................................

الدنيــا تعليم وخبـرة

والبيت يشبه لناسه

واللهِ لأعـــزق بإبــرة

ولا ندل يبخل بفاسه

............................................


الحُــر خـنقـاه بــشـالهــا

ورغيـــفها يامـا مشـا- لُــه

تقـلانة على ضهره شالها

ولا خَـدْش أجــرة مشالـه!!

.........................................

شوف تاجر الصبر قلبه ع الوداد دُكَّـان.
(مدكِّن ومخبأ فى قلبه)

حافـض جميلهم ويتحسَّـر على وِدْكَــان
(وِد كان ومضى )

طـوَّل فراقـهم وقـلبــُه المبتـلى لم راق

من جَمْر لاشــواق فاتــح للهوى دُكّــان

...................................................

لو تــندهى فى البــلا فى الحال اناجيلِك

ماانا أصلِى سهران وطول اللــيل اناجيلِك

باغــزِل فى شالِك واحنِّــن بــزِّة القمـرة

عاشقِك ياسمـــرة بقرآنــــك واناجيــلك

..............................................................

من سوء فِــعال الردِي بلدين تــتــفتـلُــه...(تتفات له)

أقطع فى حبــــل الجفـــا – ينــوى على فتـلُه

إبـنى ما بينــك وبيـن اللى افتــــرى 100 سـوُر

وارقُـــد فى برد البحور ولا تتدراش فتـلُــه..(فى أتلُه)

...................................................................

العِلـم بالحــلم مشـروط

تاخــدوها منى شهــادة

عالِم لكن خشمه مربوط

ميتـا العـلام بالشهادة !!!
.................................................

يجازيك يا بخيل ماعارف الحلوة م الشّوُنــــة
(الشينة والسيئة)

ليك كف ناشِف يجيب القـرش م الشّوُنــــة
( شونة التبن)

من فــعْل لاندال قلبنا فى الضــلوع اتشَـق

لمَا بُــحْنا بالحق ع الباطلين – مَشّــــونــا
(طردونا من البلد)

...........................................................

الرجوع الى أعلى الصفحة اذهب الى الأسفل
محمود الشاعر

محمود الشاعر


عدد المساهمات : 57
تاريخ التسجيل : 17/12/2011

فن الواو والمربعات للشاعر عادل صابر Empty
مُساهمةموضوع: رد: فن الواو والمربعات للشاعر عادل صابر   فن الواو والمربعات للشاعر عادل صابر Icon_minitimeالإثنين نوفمبر 12, 2012 9:26 am

النــدل خـاين كما الديـب

فى الحق يعمل ما سامع

ماسكله سبحة بخباخيب

وعمـرُه ما دخل له جامـع !!

...................................................


ملعون ياللى تبيع صوتك لناس ذلّـوك

اصلك عديم الشرف خاين لعهد أبـوك

وصانى ابويا وصيــة عمرى ماانساهـا

اوعى ياولدى تـآمن مــرة للى خانوك

........................................................

احلف بصوت المكن والشرشرة والفاس

والنيل وغيـــط الـدُرة وام الهنا وعبـــاس

حتعيشى يا مصــر طول الـدهر مستورة

وحتبقى كلمـــة ولادك للـــزمن نبـراس

...............................................................

الرجوع الى أعلى الصفحة اذهب الى الأسفل
 
فن الواو والمربعات للشاعر عادل صابر
الرجوع الى أعلى الصفحة 
صفحة 1 من اصل 1
 مواضيع مماثلة
-
» مربعات وواوات للشاعر الكبير عادل صابر إبداع جنوبي من فن الواو والمربعات
» مربعات فن الواو للشاعر عادل صابر
» من فن الواو للشاعر عادل صابر ( الدنيا )
» فن الواو والمربع للشاعر عادل صابر ( نقادة )
» جرح الحب للشاعر الكبير عادل صابر أمير فن الواو

صلاحيات هذا المنتدى:لاتستطيع الرد على المواضيع في هذا المنتدى
الطيب الشنهوري :: منتدى الشـــــــــــعر والقصه القصيرة-
انتقل الى: